ISAÏAH 4:6 - Khasi CL Bible (BSI)

⁶ Ka burom jong u kan kah ïa ka nongbah na ka jingshit jong ka sngi bad pynlong ïa ka, ka jaka kaba shngain, kaba la da na u slap bad ka 'erïong.

KA BAIBL

⁶ Bad ka ïingjaiñ kan long ka jingkah mynsngi na ka jingshit, bad ka jaka rieh, bad ka jaka ïada na ka 'erïong bad na u slap.

ISAÏAH 4:6 ပူးပေါင်းရင်းမြစ်များ

SALM 27:5

Ha ki por ka jingjynjar un ai jakarieh ïa nga; un sumar khop ïa nga ha ka Templ jong u bad pynlong skhem ïa nga ha u mawsiang bajrong.

SALM 55:8

Kloi lan ngan shem ïa lade ka jakarieh na ka lyer bajur bad na ka 'erïong.

SALM 91:1

Uno uno uba leit sha U Trai ban ïoh jingïada, uno uno uba ïaisah hapoh ka jingkah jong U Badonbor Baroh,

PROBERB 18:10

U Trai u long kum ka kut baskhem, sha kaba kiba hok ki lah ban leit bad sngewshngain.

ISAÏAH 14:32

Kumno ngin jubab ïa ki nonglamktien kiba wan sha ngi na ki Philistia? Ngin ïathuh ïa ki ba U Trai u la seng nongrim ïa ka Seïon bad ba ki briew jong u kiba shahshitom kin shem ka jingshngain hangta.

ISAÏAH 25:4

Kiba duk bad ki bym don jingïarap ki phet sha me bad ki shongshngain ha ki por ka jingjynjar. Me ai jakarieh ïa ki na ki 'erïong bad ka jakarieh tngen na ka jingshit kyr-ang. Ki riewrunar ki tur ïaleh kum ka 'erïong tlang,

ISAÏAH 30:30

U Trai un shah ïa baroh ban ïohsngew ïa ka sur bamaïan jong u bad ïa ka bor jong ka jingbitar jong u. Kin don ki thylliej ding, ki jingjur eh u slap, ki phria bad u slap khlem sangeh.

ISAÏAH 32:1

Kan don ka sngi ha kaba yn don u syiem u ban synshar ha ka jinglong ba-beit, bad ki nongïalam ka ri ki ban synshar ha ka jinglehhok.

ISAÏAH 32:2

Uwei pa uwei na ki un long kum ka jingkah na ka lyer bad ka jaka ban rieh na ki 'erïong. Kin long kum ki wahduid kiba tuid ha ka ri shyiap, kum ka jingkah syrngiew u mawsiang bah ha ka ri shrah.

ISAÏAH 8:14

Namar ka jinglongkhuid baphylla jong nga, nga long kum u maw uba ki briew ki jynthut; nga long kum ka jingriam ka ban kem ïa ki briew jong ka Judah bad Israel bad ïa ki briew jong ka Jerusalem.

ESEKIEL 11:16

“Mynta to ïathuh ïa ki para ba shah ringmraw ïa kaei kaba nga ong. Nga long uta uba la phah ïa ki ban shong ban sah ha ki ri kiba jngai bad pynsakma ïa ki ha kiwei de ki ri. Pynban, ïa mynta shipor ngan don bad ki ha ki jaka sha kaba ki la leit.

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

JINGPYNPAW 7:16

Lano lano ruh kin ym thngan ne kin ym sliang; ka sngi lymne ka jingshit kyr-ang kan ym thang ïa ki, namar U Khunlangbrot, uba don hapdeng jong ka khet, un long u nongaplangbrot jong ki, bad un ïalam ïa ki sha ki umpohliew jong ka um ba ai jingim. Bad U Blei un ñiad noh ïa ki ummat baroh na ki khmat jong ki.”