ISAÏAH 4:3 - Khasi CL Bible (BSI)

³ Uwei pa uwei uba shah iehnoh ha Jerusalem, uba U Blei u la jied ban ïohlait im, yn khot uba khuid.

KA BAIBL

³ Te uta ïa uba la iehnoh ha ka Seïon, bad uta uba ïaisah ha Jerusalem, yn khot “u bakhuid” ïa u, ïa uwei uwei baroh keiñ ba la thoh hapdeng ki ba-im ha Jerusalem:

ISAÏAH 4:3 ပူးပေါင်းရင်းမြစ်များ

SALM 69:28

Ai ba yn pyndam noh ïa ki kyrteng jong ki na ka kitab jong kiba im; Ai ba yn ym kynthup ïa ki ha ka thup kyrteng jong ki briew jong me.

SALM 87:6

U Trai un thoh ïa ka thup kyrteng ïa ki kynja bynriew, bad yn kynthup ïa ki baroh kum ki traishnong ka Jerusalem.

ISAÏAH 1:27

Namar ba U Trai u long uba hok, un pyllait im ïa ka Jerusalem bad ïa uwei pa uwei uba kylla-kaba-mut.

ISAÏAH 28:5

Ka sngi kan wan haba U Trai Badonbor Baroh un long kum ka pansngiat badonburom jong ki syntiew na ka bynta ki briew jong u kiba dang sah.

ISAÏAH 35:8

Kan long ka lynti bah hangta, ba la khot “Ka Lynti jong ka Jingkhuid.” Yn ym don nongpop u ban ïaid ha kata ka lynti; ym don ki riewbieit ki ban ïalam bakla ïa kito kiba bud ïa ka.

ISAÏAH 46:3

“To shahshkor ïa nga, ko ki khun ki ksiew jong u Jakob, phi baroh kiba dang sah na ki briew jong nga. Nga la sumar ïa phi naduh ka por ba dang kha.

ISAÏAH 52:1

Ko Jerusalem, to long khlaiñ bad long khraw biang! Ko nongbah Bakhuid jong U Blei, to kup ïa lade da ka burom! Kiba mane blei thala kin ym ïohrung shuh da lei lei lyngba ki khyrdop jong pha.

ISAÏAH 6:13

Wat lada uwei u briew na ki shiphew ngut u sah ha ka ri, ïa u ruh yn pynjot, un long kum u dyngkhong jong u dieng Sning uba la khet.” (U dyngkhong u ïeng na ka bynta ka jingsdang bathymmai ïa ki briew jong U Blei.)

ISAÏAH 60:21

Ki briew jong pha kin leh baroh ïa kaei kaba dei, bad kin ïohkynti ïa ka ri junom. Nga la thung ïa ki, nga la thaw ïa ki, ban pynpaw ïa ka jingkhraw jong nga sa baroh.

ISAÏAH 62:12

Yn khot ïa phi, “Ki Briew ki bakhuid jong U Blei,” “Ki briew kiba U Trai u la pyllait im;” Ïa ka Jerusalem yn khot “Ka nongbah kaba U Blei u ieit.” “Ka nongbah kaba U Blei um shym la iehnoh.”

ESEKIEL 13:9

Nga la jan ban pynshitom ïa phi ki nongïathuhlypa kiba don ki jingïohipaw ba bakla bad kiba thaw ki jingïathuhlypa kiba ïalam bakla. Phin ym don hangta haba ki briew jong nga ki ïalumlang ban ïashim ïa ki rai; ïa ki kyrteng jong phi yn ym kynthup ha ka thup kyrteng jong ki traishnong ka Israel; phin ym wan phai shuh da lei lei sha ka ri ka jong phi. Nangta phin tip ba nga long U Trai Nongsynshar.

ESEKIEL 43:12

Kane ka dei ka hukum jong ka Templ: Baroh ka jaka sawdong jong ka halor jong u lum ka long kaba kyntang bad kaba khuid.”

JOEL 3:17

“Te ko Israel, phan sa tip ba nga long U Trai U Blei jong pha. Nga shong ha Seïon, u lum bakyntang jong nga. Ka Jerusalem kan long ka nongbah bakyntang; ki nongwei kin ym lah ban jop shuh ïa ka lano lano ruh.

OBADAÏAH 1:17

“Hynrei ha u lum Seïon kin don ki ban lait im, bad kan long ka jaka bakyntang. Ki briew jong u Jakob kin ïohkynti ïa ka ri kaba dei hok ka jong ki.

SEKHARAÏAH 14:2

U Trai un wallam lang ïa baroh ki jaitbynriew ban ïaleh thma ïa ka Jerusalem. Ïa ka nongbah yn sa shim noh, ïa ki ïing la lute, bad ïa ki kynthei la batbor. Shiteng na ki briew kin leit sha ka jingshah ringmraw, hynrei ïa kiba sah na ki yn ym shim noh na ka nongbah.

MALAKHI 3:16

Te ki briew kiba sheptieng ïa U Trai ki la ïakren iwei ïa iwei pat, bad U Trai u shahshkor bad ïohsngew ïa kaei kaba ki ong. Ha khmat jong u, hangta la thoh ha ka kitab ka jingbuh jingthoh ïa kito kiba sheptieng ïa U Trai bad kiba ñiewkor ïa u.

LOUKAS 10:20

Hynrei wat kmen namar ba ki mynsiem bymman ki kohnguh ïa phi; pynban, to kmen namar ba ïa ki kyrteng jong phi la thoh ha bneng.”

KI KAM 13:48

Haba ki Jentil ki la ïohsngew ïa kane, ki la kmen bad ki la ïaroh ïa ka khubor jong U Trai, bad kito ïa kiba la jied na ka bynta ka jingim bymjukut ki la long ki riewngeit.

Ka Shithi U Paul Sha Ki Nong Rom 11:4

Kaei ka jubab ba U Blei u la ai ïa u? “Nga la buh na ka bynta jong nga, hynñiew hajar ngut ki rangbah ki bym shym la mane ïa u blei thala, u Baal.”

Ka Shithi U Paul Sha Ki Nong Rom 11:5

Ka long kumjuh mynta: Don khyndiat ngut kiba dang sah na kito kiba U Blei u la jied namar ka jingaiei jong u.

EPHESOS 1:4

Wat shuwa ban pynlong ïa ka pyrthei, U Blei u la jied lypa ïa ngi ban long ki jong u ha U Khrist, khnang ba ngin ïoh long kiba khuid bad kiba khlem shah kynnoh pop ha khmat jong u.

PHILIPPI 4:3

Bad ïa phi ruh, ko paralok baïaineh jong nga, nga kwah ïa phi ban ïarap ïa kine ki kynthei; naba ki la trei shitom lem bad nga ban pynsaphriang ïa ka gospel, ryngkat bad u Klemen, bad baroh kiwei pat ki para nongïatrei lem jong nga, kiba ki kyrteng jong ki, ki don ha ka kitab jong kiba im jong U Blei.

KOLOSSAI 3:12

Phi long ki briew jong U Blei; u la ieit bad jied ïa phi na ka bynta jong u hi. Kumta te, phi dei ban kup ïa lade da ka jingsngewsynei, ka jingbhasbun, ka jingsngewrit, ka jingjemnud, bad ka jingïaishah.

HEBRU 12:14

Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

JINGPYNPAW 17:8

Uta u mradkhlaw u la ju im shisien, hynrei um shym im shuh; u la jan wan kiew na ka liewlong khlem trai bad un mih ban shah pynjot. Ki briew kiba shong ha ka pyrthei kiba ïa ki kyrteng jong ki ym shym la thoh ha ka kitab jong kiba im ha shuwa ban pynlong ïa ka pyrthei, kin ïasngew kyndit lut katba ki dang khmih ïa u mradkhlaw. U la ju im shisien; mynta um shym im shuh, hynrei un wan mih biang.

JINGPYNPAW 20:15

Ïa uno uno uba ïa ka kyrteng jong u ym shym la thoh ha ka kitab kiba im la bret sha ka pung ka ding.

JINGPYNPAW 21:27

Hynrei ym don kano kano ka bymkhuid ka ban ïohrung sha ka nongbah, lymne uno uno uba leh ïa kino kino kiba sngewlehrain lane uba ïathuh lamler. Tang kito ïa kiba ki kyrteng jong ki la thoh ha ka kitab kiba im jong U Khunlangbrot kin ïohrung sha kata ka nongbah.

JINGPYNPAW 3:5

Ïa kito kiba ïoh ka jingjop yn pynkup ïa ki kumne ha ki jaiñkup balieh, bad ngan ym weng noh ïa ki kyrteng jong ki na ka kitab jong kiba im. Ha ka jingdon ryngkat jong U Kpa jong nga bad ki angel jong u, ngan pynbna paidbah ba ki long ki jong nga.