ISAÏAH 4:2 - Khasi CL Bible (BSI)

² Ka por ka poi ha kaba U Trai un pynlong ïa uwei pa uwei u jingthung bad u dieng ha ka ri ban long uba heh bad ba-itynnat. Baroh ki paid Israel kiba lait im kin dap da ka jingkmen bad jingsarong ha ki mar rep ba ka ri ka pynmih.

KA BAIBL

² Ha kata ka sngi, u tnat U Trai un long uba i bha, bad ba-donburom, bad u soh ka ri u babha eh bad ba-itynnad ïa kita kiba la ïohlait im ha Israel.

ISAÏAH 4:2 ပူးပေါင်းရင်းမြစ်များ

SALM 67:6

Ka khyndew ka la pynmih ïa u soh jong ka; U Blei, U Blei jong ngi, u la kyrkhu ïa ngi.

SALM 72:16

Ai ba yn don kyrhai u riewhadem ha ka ri; ai ba ïa ki lumrit yn tap da ki jingthung, kiba seisoh kum kito ki jong ka Lebanon. Ai ba ki nongbah kin dap da ki briew, kum ki pyntha kiba shlei da u phlang.

EKSODOS 28:2

Suh ki jaiñphong lyngdoh ïa u Aaron u hynmen jong me khnang ba un ishongkun shongkhia bad idonburom.

ISAÏAH 11:4

un bishar hok ïa kiba duk bad un ïada ïa ki hok jong ki bymdonbor. Ha ka hukum jong u, yn pynshitom ïa ki briew, bad ki briew basniew kin ïap.

ISAÏAH 26:1

Ka sngi kan wan haba ki briew kin rwai ïa kane ka jingrwai ha ri Judah: Ka nongbah jong ngi ka long kaba skhem! U Blei da lade hi u ïada ïa ki kynroh jong ka!

ISAÏAH 27:6

Ha ki sngi ki ban sa wan ki paid Israel, ki khun ki ksiew u Jakob, kin suhthied kum u dieng, bad kin phuh bad shylluit. Ïa ka pyrthei yn pyndap da u soh uba ki pynmih.

ISAÏAH 30:23

Man ba phi bet ïa ki symbai jong phi, U Trai un phah slap ban pynlong ïa ki ban san bad ai ïa phi ka jingot kaba bun, bad ki jingri jong phi kin don shibun ki jaka bam phlang.

ISAÏAH 45:8

Ngan phah ïa ka jingjop na sahit bneng kum u slap; ka khyndew kan ang ban pdiang ïa u bad kan phuh da ka jinglaitluid bad ka jingbishar hok. Nga, U Trai, ngan pynlong ïa kane ban jia.”

ISAÏAH 53:2

Ka dei ka mon jong U Trai ba u shakri jong u un san kum u jingthung uba ksam ïa ki thied ha ka khyndew kaba tyrkhong. Um don main ne jingitynnat ban pynlong ïa ngi ban peit ïa u. Ym don kano kano kaba ngin ibha ïa u, ym don kano kano ka ban khring ïa ngi sha u.

ISAÏAH 60:15

“Yn ym iehnoh beiñ bad isih shuh ïa pha, ka nongbah kaba la shah iehnoh beiñ bad kynjah. Ngan pynlong ïa pha kaba khraw bad kaba itynnat, ka jaka jong ka jingkmen junom la junom.

ISAÏAH 60:21

Ki briew jong pha kin leh baroh ïa kaei kaba dei, bad kin ïohkynti ïa ka ri junom. Nga la thung ïa ki, nga la thaw ïa ki, ban pynpaw ïa ka jingkhraw jong nga sa baroh.

ISAÏAH 61:11

Shisha kumba u symbai u khie lung bad u san, U Trai Nongsynshar un ïada ïa ki briew jong u, bad ki jaitbynriew baroh kin ïaroh ïa u.

JEREMAÏAH 23:5

U Trai u ong, “Ka por kan wan haba ngan jied kum u syiem ïa uba hiarpateng na u Dabid uba hok. Uta syiem u ban synshar da ka jingstad, bad u ban leh ïa kaei kaba dei bad kaba hok ha kylleng ka ri.

JEREMAÏAH 33:15

Ha kata ka por ngan jied kum u syiem ïa u nonghiarpateng uba hok na u Dabid. Uta u syiem un leh ïa kaei kaba dei bad kaba hok ha ka ri baroh kawei.

JEREMAÏAH 44:14

Yn ym don na ki briew jong ka Judah kiba la iehnoh shadien bad kiba la wan sha Ijipt ban shong ban sah kin lait phet ne lait ïap. Yn ym don uwei ruh na ki u ban leit phai sha Judah, sha kaba ki sliang ban shong ban sah sa shisien pat. Yn ym don ba ïoh wan phai lait noh katto katne ki nongphetwir.”

JEREMAÏAH 44:28

Hynrei khyndiat na phi phin lait na ka jingïap bad leit phai na Ijipt sha Judah. Nangta kiba lait im kin tip ki ktien jongno ki la wan jia shisha, ki jong nga ne ki jong ki.

ESEKIEL 34:29

Ngan ai ha ki ïa ki jaka rep kiba seisoh bad ngan pynkut noh ka jingïapthngan ha ka ri. Kiwei pat ki ri kin ym rkhiebeiñ shuh ïa ki.

ESEKIEL 36:8

Hynrei ha ki lumbah ka Israel ki dieng kin sei biang ki sla bad pynmih soh na ka bynta jong phi, ki briew jong nga, ki Israel. Phi la jan ban wan noh sha la ka ri.

ESEKIEL 7:16

Ki don ki ban phet ïap sha ki lumbah kumba ki lyngdkhur kiba sheptieng na ki jaka them. Baroh na ki kin ïam sngewsih namar ki pop jong ki.

JOEL 2:32

Hynrei baroh uba kyrpad ïa U Trai na ka bynta ka jingïarap, yn pynim. Kumba U Trai U la ong, ‘Katto katne ha Jerusalem, kin lait im; kito ïa kiba nga jied, kin im.’ ”

JOEL 3:18

“Ha kata ka por ïa ki lumbah yn tap da ki bri sohwaiñ, bad ïa ki masi yn shem ha uwei pa uwei u lum; yn don kyrhai ka um na ka bynta ki wahduid baroh ha Judah. Ka wahduid kan tuid na ka Templ jong U Trai, bad kan ai um ïa ka Them Akasia.

OBADAÏAH 1:17

“Hynrei ha u lum Seïon kin don ki ban lait im, bad kan long ka jaka bakyntang. Ki briew jong u Jakob kin ïohkynti ïa ka ri kaba dei hok ka jong ki.

SEKHARAÏAH 3:8

Kumta to pynshahshkor, ko Joshua, me uba long u Rangbah Lyngdoh, to pynshahshkor, phi ki para lyngdoh jong u, ma phi kiba long ka dak jong ka lawei babha: Ngan pynpaw ïa la u shakri, ïa uba la khot U Tnat!

SEKHARAÏAH 6:12

Ïathuh ïa u ba U Trai Badonbor Baroh u ong, ‘U briew ïa uba la khot U Tnat un manbha ha kaba u don bad un tei ïa ka Templ jong U Trai.

SEKHARAÏAH 9:17

Katno kaba bha bad kaba itynnat ka ri kan long! Ki samla kin san kin khlaiñ da u kew bad ka waiñ jong ka.

MALAKHI 3:17

“Kin long ki briew jong nga,” ong U Trai Badonbor Baroh. “Ha ka sngi ba ngan trei ïa ka kam, kin long ki jong nga hi. Ngan leh-isynei ïa ki kumba u kpa u leh-isynei ïa u khun uba shakri ïa u.

MATHAÏOS 24:22

Hynrei U Blei u la pynduna ïa ka jingbun ki sngi; lada um shym la leh kumta, yn ym don mano mano ruh uba lah ban lait im. Na ka bynta ki briew jong u kiba u la jied, U Blei un pynduna ïa ki sngi.

LOUKAS 21:36

Da husiar bad duwai borabor ba phin don ka jingkhlaiñ ban leit ha ka jingshngain lyngba kito kiei kiei ki ban sa jia bad ban ïeng ha khmat jong U Khun U Briew.”

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.

2 PETROS 1:16

Ngim shym la shaniah ha ki jingïathuhkhana ba shu thaw ha kaba ïathuh ha phi ïa ka jingwan ha ka bor jong U Jisu Khrist uba U Trai jong ngi. Da la ki khmat jong ngi hi ngi la ïohi ïa ka jingkhraw jong u.