ISAÏAH 39:2 - Khasi CL Bible (BSI)

² U Hesekaïah u pdiang sngewbha ïa ki nonglamktien bad u pyn-i ha ki ïa la ka spah — ka rupa bad ka ksiar jong u, ki musli musla bad ki jingiwbih jong u, bad ïa ki tiar ïapom baroh. Ym don shuh ha ki ïing jingkynshew ne hangno hangno ha ka hima jong u ïa kaba um shym la pyn-i ha ki.

KA BAIBL

² Te u Hesekaïah u la sngewbha ïa ki, bad u la pyni ha ki ïa ka ïing kiei kiei kiba kordor jong u, ka rupa, bad ka ksiar, bad ki musla, bad ka jingsleh bakordor, bad ka ïing ka jingkieng atiar jong u baroh, bad kiei kiei baroh ba la shem ha ki jingkynshew jong u: ym shym la don ei ei ruh ha ka ïing jong u lymne ha ka hima jong u baroh ba u Hesekaïah um shym la pyni ha ki.

ISAÏAH 39:2 ပူးပေါင်းရင်းမြစ်များ

1 SYIEM 10:10

Ka la ai sngewbha ïa u syiem Solomon da ki jingai kiba ka la wanrah palat saw hajar kilo ka ksiar bad shikatdei eh ki jingiwbih bad ki mawlynnai. Kat kita ki jingiwbih ba ka ai ïa u ka long kaba bun tam ba um pat ju ïoh ha kano kano ka por.

1 SYIEM 10:15

nalor ki khajna ba la siew da ki nongkhaïi, ki jingïohnong na ka khaïi ka pateng, ka bai nguh syiem na ki syiem Arabia, bad na ki lat jong ki distrik ha Israel.

1 SYIEM 10:2

Ka wan ïalam shibun ki nongbud lem bad ki ut kiba kit ki jingiwbih, ki mawlynnai, bad shibun ka ksiar. Ynda ka ïakynduh ïa u Solomon, ka kylli ïa u ïa ki jingkylli baroh kat kiba ka lah ban pyrkhat.

1 SYIEM 10:25

Uwei pa uwei u briew uba wan u wallam ïa u ka jingai sngewbha — ki tiar kiba da ka rupa bad ka ksiar, ki barandi, ki tiar ïapom, ki jingiwbih, ki kulai, bad ki khashor. Kane ka ïailong kumta man ka snem.

2 SYIEM 20:13

U Hesekaïah u pdiang sngewbha ïa ki nonglamktien bad u pyn-i ha ki ïa ka spah ka phew jong u — ka rupa bad ka ksiar jong u, ki musli musla bad ki jingiwbih jong u, bad baroh ki tiar thma ki jong u. Ym don shuh kano kano kaba don ha ki jaka buh tiar jong u lane hangno hangno ha ka hima jong u kaba um shym la pyn-i ha ki.

2 KHRONIKL 32:25

Hynrei u Hesekaïah u sngewsarong palat ban pynpaw ïa ka jingsngewnguh ïa kaei kaba U Trai u la leh namar jong u, bad ka Judah bad ka Jerusalem ki mad jingjynjar na kata.

2 KHRONIKL 32:27

U syiem Hesekaïah u la kylla riewspah bha, bad uwei pa uwei u burom ïa u. U don ki kamra kynshew ba la shna na ka bynta ka ksiar, ka rupa, ki mawkordor, ki musla, ki stieh, bad kiwei ki tiar baremdor jong u.

2 KHRONIKL 32:31

U Hesekaïah u ïoh jingjop ha kiei kiei baroh kiba u la leh, bad wat haba ki nonglamktien ka Babilon ki wan ban kylli shaphang ki jingjia bym ju kham jia kiba jia ha ka ri, U Blei u shah ba u Hesekaïah un leit ha la ka lynti tang ban tynjuh ïa ka jinglong jong u.

2 KHRONIKL 9:1

Ka syiem jong ka Sheba ka bna shaphang ka nam u Solomon, bad ka leit sha Jerusalem ban tynjuh ïa u da ki jingkylli kiba eh. Ka wan ïalam shibun ki nongbud lem bad ki ut kiba kit ki musla, ki mawkordor, bad shibun ka ksiar. Haba ka la ïakynduh ïa u Solomon, ka kylli lut ïa baroh ki jingkylli kat kiba don ha ka jingmut jong ka.

2 KHRONIKL 9:9

Ka ai sngewbha ïa u syiem Solomon ki jingai kiba ka la wanrah: palat saw hajar kilo ka ksiar bad shikatdei eh ki musla bad ki mawkordor. Ym pat ju don musla kiba bha kum kita kiba ka syiem jong ka Sheba ka la ai ha u syiem Solomon.

Ka Kitab U Job 31:25

ne sngewsarong ha ka jingdon jingem jong nga.

PROBERB 4:23

Da phikir kumno phi pyrkhat; naba ki jingpyrkhat jong phi ki saiñdur ïa ka jingim jong phi.

EKLESIASTIS 7:20

Ym don uno uno ha ka pyrthei uba leh ïa kaba bha ha ki por baroh bad u bym ju leh bakla.

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

2 KORINTH 12:7

Hynrei ban pyllait ïa nga na kaba dap da ka jingsarong namar kiei kiei kiba bun kiba phylla ba nga la ïohi, la buh ha nga ïa ka jingpang kaba jur ha ka met, kaba long kum u nonglamktien jong u Soitan ban pynshitom ïa nga bad ban pyllait ïa nga na ka jingsngew sarong.

1 ÏOANNIS 1:8

Lada ngi ong ba ngim don pop, ngi shukor ïa lade, bad ka jingshisha kam don ha ngi.