ISAÏAH 38:3 - Khasi CL Bible (BSI)

³ “To kynmaw, A Trai, ba nga la shakri hok bad ïaineh ha me, bad ba nga la pyrshang borabor ban leh ïa kaei kaba me kwah ïa nga ban leh,” bad u sdang ban ïamkthang.

KA BAIBL

³ bad u la ong, “To kynmaw mynta, A Trai, nga kyrpad ïa me, kumno nga la ïaid ha khmat jong me ha kaba shisha bad da ka dohnud bajanai, bad nga la leh ïa ka babha ha khmat jong me.” Te u Hesekaïah u la ïam jur.

ISAÏAH 38:3 ပူးပေါင်းရင်းမြစ်များ

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

JENESIS 6:9

Kane ka long ka khana shaphang u Noah. U Noah u don lai ngut ki khun shynrang, u Shem, u Ham, bad u Japheth. U Noah um don ka jingthohbria bad u la long tang ma u, u briew uba bha ha ki sngi jong u.

1 SYIEM 15:14

Wat la u Asa um shym la pynjot lut ïa ki jaka mane blei thala baroh, u ïaineh ha U Trai katba u dang im.

1 SYIEM 2:4

Lada me kohnguh ïa u, U Trai un bat ïa ka kular kaba u la pynlong haba u ong ïa me ba ki khun ki ksiew jong nga kin synshar ïa ka Israel katba ki dang phikir ban kohnguh hok ïa ki hukum da ka dohnud baroh bad ka mynsiem jong ki.

2 SYIEM 18:3

Da kaba bud ïa ki nuksa jong u kpa tymmen jong u, u syiem Dabid, u la leh ïa kaei kaba sngewbha ha U Trai.

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

1 KHRONIKL 29:19

Ai ha u Solomon u khun jong nga ka jingkwah naduh ka dohnud ban kohnguh ïa kaei kaei baroh kaba me la hukum bad ban tei ïa ka Templ ïa kaba nga la pynlong kine ki jingpynkhreh.”

1 KHRONIKL 29:9

Ki paidbah ki la ai da ka mon sngewbha sha U Trai, bad ki kmen ba ki la ai shibun. U Syiem Dabid ruh u la sngewkmen shikatdei eh.

2 KHRONIKL 16:9

U Trai u khmih bha ïa ka pyrthei baroh kawei, ban ai ka jingkhlaiñ ïa kito kiba ki dohnud jong ki, ki ïaineh ha u. Me la leh bieit, bad kumta naduh mynta men don borabor ha ka jingïaleh thma.”

2 KHRONIKL 25:2

U la leh ïa kaei kaba pynsngewbha ïa U Trai, hynrei u leh ïa kata da ka jingbymmon.

ESRA 10:1

Katba u Esra u dang dem ha ka jingduwai ha khmat ka Templ, da kaba ïam bad phla ïa kine ki pop, shi kynhun bah ki Israel — ki rangbah, ki kynthei bad ki khynnah — ki ïalum sawdong ïa u, ki da ïam pait dohnud.

NEHEMAÏAH 1:4

Haba nga ïohsngew ïa kane baroh, nga shong bad nga ïam. Bun sngi nga la sngewsih bad ngam shym bam.

NEHEMAÏAH 13:14

To kynmaw, A Blei jong nga, ïa baroh kine kiei kiei kiba nga la leh na ka bynta ka Templ jong me bad ka jingmane jong ka.

NEHEMAÏAH 13:22

Nga la hukum ïa ki Lebi ban pynkhuid ïa lade bad ban leit bad pahara ïa ki khyrdop ban pynthikna ba ïa ka sngi Sabbaton la sumar khuid ïa ka. Kynmaw ïa nga, A Blei, na ka bynta kane ruh, bad tyngkai ïa nga namar ka jingieit bakhraw jong me.

NEHEMAÏAH 13:31

nga pynkhreh ïa ki diengthang na ka bynta ki jingainguh thang ban wallam ha ki por ba la buh, bad na ka bynta ki briew ban wallam ki jingainguh da u kew banyngkong bad ki soh kiba ih nyngkong. To kynmaw ïa kane baroh, A Blei, bad to kyrkhu ïa nga.

NEHEMAÏAH 5:19

Nga duwai ha me, A Blei, to kynmaw ban kyrkhu na ka bynta kaei kaei baroh ba nga la leh na ka bynta kane ka jaitbynriew.

SALM 101:2

Ka jinglong jingim jong nga kan ym don jingbakla. Lano men wan sha nga? Ngan im ka jingim kaba khuid ha ka ïing jong nga,

SALM 102:9

Namar ka jingbitar bad ka jingbitar shla jong me, u dpei u la long ka jingbam jong nga, bad ki ummat jong nga ki ïakhleh bad ka jingdih jong nga. Me la sei ïa nga bad bret noh ïa nga.

SALM 119:80

Ai ba ngan kohnguh janai ïa ki hukum jong me, ba ngan lait na ka jinglehrain ka jingshahjop.

SALM 16:8

Nga tip borabor ïa ka jingdon ryngkat jong U Trai; u don hajan, yn ym don kano kano kaba lah ban pynkhih ïa nga.

SALM 26:3

Ka jingieit baneh jong me ka long ka nongïalam jong nga; ka jingïaineh jong me kan ïalam ïa nga borabor.

SALM 32:2

Suk uta u briew ïa uba U Trai um shym mudui ïa ka jingleh bymdei bad ha uba la pyllaitluid na ka jingshukor baroh.

SALM 6:6

Nga la ringswai da ka jingsngewsih sat; man ka miet ka jingthiah jong nga ka sngem na ka jingïam jong nga; ka syngkhlieh jong nga ka jhieh da ki ummat.

SALM 6:8

Kiar noh na nga, phi ki riewbymman! U Trai u shahshkor ïa ka jingïam jong nga;

ISAÏAH 38:2

U Hesekaïah u phai la ka khmat sha ka kynroh bad u duwai:

ISAÏAH 38:4

Te U Trai u la hukum ïa u Isaïah ban leit pat sha u Hesekaïah ban ong ha u, “Nga, U Trai, U Blei jong u kpa tymmen jong me u Dabid, nga la ïohsngew ïa ka jingduwai jong me bad ïohi ïa ki ummat jong me; ngan shah pat ïa me ban im sa khatsan snem.

HOSIA 12:4

U ïaleh bad u angel bad u la jop. U la ïam bad pan ïa ka jingkyrkhu. Bad ha Bethel U Blei u la wan sha u kpa tymmen jong ngi u Jakob bad u la ïakren bad u.

ÏOANNIS 1:47

Haba U Jisu u la ïohi ïa u Nathanael ba u wan sha u, u la ong shaphang jong u, “Une u dei u kynja Israel uba shisha, ym don kano kano ka bymshisha ha u!”

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

DEUTERONOMI 6:18

Leh ïa kaei kaba U Trai u ong ba ka long kaba dei bad kaba bha, te phin manbha. Phin sa ïohkynti ïa kata ka ri kaba seisoh ïa kaba U Trai u la kular ha ki kpa tymmen jong phi,

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.