ISAÏAH 38:16 - Khasi CL Bible (BSI)

¹⁶ A Trai, ngan im na ka bynta jong me, bad tang ïa me hi; to pynkhiah ïa nga bad ai ngan im.

KA BAIBL

¹⁶ “A Trai, da kine kiei kiei ki briew ki im, bad naduh haduh hangta ka long ka jingim ka mynsiem jong nga: namar kata, to pynkoit pat ma me ïa nga, to pynim ruh ïa nga.

ISAÏAH 38:16 ပူးပေါင်းရင်းမြစ်များ

1 KORINTH 11:32

Hynrei la bishar bad la pynshitom ïa ngi da U Trai, khnang ba yn ym pynrem ïa ngi lem bad ka pyrthei.

MATHAÏOS 4:4

Hynrei U Jisu u la jubab, “Ka Jingthoh bakhuid ka ong, ‘U bynriew um im tang da u kpu hi, hynrei u donkam ïa kawei pa kawei ka kyntien kaba U Blei u kren.’ ”

SALM 119:25

Nga thiah ha ka jingshahjop ha ka khyndew; to pynkhie im biang ïa nga, kumba me la kular.

ISAÏAH 64:5

Me pdiang sngewbha ïa kito kiba shem jingkmen ha kaba leh ïa kaei kaba dei, ïa kito kiba kynmaw kumno me kwah ïa ki ban im. Me la bitar ïa ngi, hynrei ngi dang ïai leh pop; wat la me la bitar shla ngi dang ïai leh ïa kaba sniew naduh mynbarim.

SALM 71:20

Me la phah ki jingjynjar bad ki jingshitom halor jong nga, hynrei men pynïoh pat ka jingkhlaiñ ha nga; men sumar ïa nga na ka jingtep.

DEUTERONOMI 8:3

U la pyndem ïa phi, u la pynshahthngan ïa phi, bad hadien kata u la ai ha phi ïa ka manna ban bam, ka jingbam kaba ma phi bad ki kpa tymmen jong phi phim pat ju ïoh mynno mynno. Ban hikai ïa phi ba u briew um im tang da u kpu hynrei da ka ktien baroh kaba mih na U Trai.

2 KORINTH 4:17

Bad kane ka jingshahshitom kaba khyndiat bad kaba tang shipor kaba ngi shah kan wallam ha ngi ïa ka burom bakhraw bad ba bymjukut, kaba kham khraw palat ban ïa kata ka jingjynjar.

HEBRU 12:9

Ha kaba ïadei bad ki kpa jong ngi ha kane ka pyrthei, ki sneng sympat ïa ngi bad ngi burom ïa ki. Katno tam, te, ngi dei ban pyndem ha U Kpa ba kynja mynsiem jong ngi bad ïoh im.

SALM 39:13

Iehnoh ïa nga marwei khnang ba nga lah ban ïoh khyndiat ka jingsuk shuwa ba ngan khlad noh bad ngam don shuh.

SALM 119:71

Ka jingpynshitom jong nga ka la long kaba bha ïa nga, namar ka pynlong ïa nga ban nang ïa ki hukum jong me.

SALM 119:75

Nga tip ba ki jingbishar jong me ki long kiba hok, A Trai, bad ba me la pynshitom ïa nga namar me long uba ïaineh.

SALM 30:3

me la sumar ïa nga na ka jingtep. Nga la don ha ka lynti shaduh kaba jylliew tam shapoh, hynrei me pynïoh pat ïa ka jingim jong nga.