ISAÏAH 38:12 - Khasi CL Bible (BSI)

¹² Ïa ka jingim jong nga la ot noh bad ka la kut, kum ka ïingjaiñ ba la pynkhyllem, kum ka jaiñ ba la khapnoh na ka kor thain jaiñ. Nga pyrkhat ba U Blei u la pynkut ïa ka jingim jong nga.

KA BAIBL

¹² ‘Ka pyrthei sngi jong nga ka la leit noh, bad ïa ka la pynkynriah na nga kum ka ïingjaiñ u nongaplangbrot: nga la kli kum u nongthain jaiñ ïa la ka jingim; un ot noh ïa nga na ka kor thain: naduh mynsngi haduh mynmiet men pynkut ïa nga.

ISAÏAH 38:12 ပူးပေါင်းရင်းမြစ်များ

Ka Kitab U Job 14:2

Ngi san bad ngi ïapstai kloi kloi kum ki syntiew ki skud; lane ngi jah noh kum ki syrngiew.

Ka Kitab U Job 17:1

Ka jingkut jong ka jingim jong nga ka la jan. Ngam sngewlah ring mynsiem bha shuh; ym don ei ei shuh kaba sah na ka bynta jong nga, sa tang ka jingtep.

Ka Kitab U Job 4:20

Uno uno u lah ban dang im mynstep, hynrei u ïap khlem da tip ha shuwa ba ka janmiet kan poi.

Ka Kitab U Job 6:9

Lada u tang shu mon bad pynïap ïa nga!

SALM 102:11

Ka jingim jong nga ka la long kum ki syrngiew janmiet; nga la long kum u phlang ba-rkhiang.

SALM 119:23

Ki nongsynshar ki ïakynduh lang bad ki ïasylla pyrshah ïa nga, hynrei ngan pule bniah ïa ki jinghikai jong me.

SALM 31:22

Nga la sheptieng bad nga pyrkhat ba u la beh noh ïa nga na ka jingdon ryngkat jong u. Hynrei u ïohsngew ïa ka jingïam jong nga, haba nga khot kyrpad ïa u ban ïarap.

SALM 73:14

A Blei, me la pynlong ïa nga ban shahshitom baroh shi sngi; man la ka step me la pynshitom ïa nga.

SALM 90:5

Me rong noh ïa ngi kum ka jingshlei um; ngim neh shuh kum ka jingphohsniew.

ISAÏAH 1:8

Tang ka Jerusalem hi kaba dang sah, ka nongbah hapoh ka jingshah kerkut — ka bym don jingïada kum ka trep ap phira ha ka bri sohwaiñ lane ka sem ha ka lyngkha sohkhia.

ISAÏAH 13:20

Yn ym don mano mano ban shong pat ha ka da lei lei. Ym don u nong Arab uba ïaid sakma u ban pynïeng ka ïingjaiñ hangta bad ym don uno uno u nongaplangbrot u ban ïalam pynbamphlang ïa ka kynhun langbrot hangta.

2 KORINTH 5:1

Naba ngi tip ba haba kane ka ïingjaiñ kaba ngi shong — ka met jong ngi hangne ha pyrthei — ka la jot noh, U Blei un buh ha bneng ïa ka ïing na ka bynta jong ngi ba ngin shong, ka ïing kaba ma u hi u la thaw, ka ban neh junom la junom.

2 KORINTH 5:4

Katba ngi dang shong ha kane ka ïingjaiñ kaba na kane ka khyndew, ngi ud sat da ka jingsngew ba shah banbeiñ; kam dei ba ngi kwah ban lait noh na ka met kaba na ka khyndew, hynrei ba ngi kwah ban ïoh noh ban phong da kata kaba kynja bneng, khnang ba ïa kata kaba ïap yn ïoh pynkylla dur noh da kaba im.

HEBRU 1:12

Men khylliap noh ïa ki kum ka sopti-lor, bad yn bujli ïa ki kum ïa ki jaiñ, hynrei me long borabor ujuh, bad ka jingim jong me kan ym kut shuh.”

JAKOB 4:14

Phim tip wat ïa kaei ka ban jia ïa ka jingim jong phi ha ka lashai! Phi long kum ka tdem, kaba paw tang shipor bad nangta ka jah noh.