ISAÏAH 37:3 - Khasi CL Bible (BSI)

³ Kane ka long ka khubor ba u ïathuh ha ki ban ai ha u Isaïah; “Mynta ka long ka sngi jong ka jingjynjar; ngi la shah pynshitom bad ngi long ha ka jinglehrain. Ngi long kum ka kynthei kaba la suh kha, hynrei kaba tlot katta katta ba kam lah ban kha.

KA BAIBL

³ Te ki la ong ha u, “Kumne u ong u Hesekaïah, ‘Kane ka sngi ka long ka sngi ka jynjar, bad ka jingsneng, bad ka jingkrenbeiñ: naba ki khun ki la wan ïa ka ban kha, hynrei, ym don bor ban kha ïa ki.

ISAÏAH 37:3 ပူးပေါင်းရင်းမြစ်များ

2 SYIEM 19:3

Kane ka dei ka khubor kaba u ong ban ai ha u Isaïah: “Kane ka dei ka sngi jong ka jingshah shitom; ngi la shah pynshitom bad don ha ka jinglehrain. Ngi long kum ka briew kaba la khreh ban kha khun, hynrei ka tlot palat ban kha.

2 KHRONIKL 15:4

Hynrei haba ka jingjynjar ka wan, ki phai sha U Trai, U Blei ki Israel. Ki la wad ïa u bad shem ïa u.

SALM 50:15

Khot kyrpad ïa nga haba ka jingeh ka wan; ngan pyllait ïa phi, bad phin ïaroh ïa nga.”

SALM 91:15

Haba ki khot ïa nga, ngan jubab ïa ki; haba ki don ha ka jingjynjar, ngan long ryngkat bad ki. Ngan pyllait im ïa ki bad ngan pyndonburom ïa ki.

SALM 95:8

“Wat long uba mutlop, kumba ki kpa tymmen ki la long ha Meribah, kumba ki la long ha kato ka sngi ha ka ri shyiap ha Massah.

ISAÏAH 22:5

Kane ka dei ka por jong ka jingkhih jingmut, ka jingshahjop, bad ka jingkulmar jingmut ha ka Them ka Jingïohipaw, bad U Trai U Nongsynshar Badonbor Baroh u la phah ïa ka ha ngi. Ïa ki kynroh jong ka nongbah jong ngi la tied pynkhyllem, bad ki jingkyang ban ïoh jingïarap ki la sawa hapdeng ki lum.

ISAÏAH 25:8

U Trai Nongsynshar un pynkut noh ïa ka jingïap junom! Un ñiad noh ïa ki ummat na ki khmat jong baroh bad un weng noh ïa ka jingjahburom kaba ki briew jong u ki la shah ha kylleng ka pyrthei. U Trai hi da lade u la kren!

ISAÏAH 26:16

Me pynshitom ïa la ki briew, A Trai bad ha ka jinglyng-a ki duwai ha me.

ISAÏAH 29:2

bad nangta U Blei un wallam ka jingjot ïa ka nongbah ïa kaba la khot “ka duwan U Blei.” Kan don ka jingïam bad ka jingïambriew, bad ka nongbah baroh kawei kan long kum ka duwan ba la tap da ka snam.

ISAÏAH 33:2

A Trai, to isynei ïa ngi. Ngi la buh ïa ka jingkyrmen ha me. To ïada ïa ngi man la ka sngi bad to pynim ïa ngi ha ki por jong ka jingjynjar.

ISAÏAH 66:7

“Ka nongbah bakhuid jong nga ka long kum ka briew kaba kha kynsan ïa i khun, khlem da suh kha.

ISAÏAH 66:9

Wat pyrkhat ba ngan wallam ïa ki briew jong nga sha ka jingsuh kha bad khlem lah ban kha ïa ki.” U Trai u la kren.

JEREMAÏAH 30:7

Ka sngi kaba shyrkhei ka wan; ym don kano kano kawei pat ka sngi kaba lah ban nujor bad ka — ka por ka jingnoh mynsiem na ka bynta ki briew jong nga, hynrei kin lait im.”

HOSIA 13:13

Ki Israel ki don ka lad ban im, hynrei ka long kaba bieit eh ban shim ïa ka — kum u khunlung uba la dei ban kha, u bym treh ban mih na ka kpoh.

HOSIA 5:15

“Ngan lyndet noh ïa ki briew jong nga haduh ba kin shahshitom ha ban da biang na ka bynta ki pop jong ki bad wan ban wad ïa nga. Lehse ha ki jingshah shitom jong ki, kin pyrshang ban wad ïa nga.”

HOSIA 5:9

Ka sngi ka jingpynshitom ka la wan, bad ki Israel kin sa shah pynjot. Ko ki paid Israel, kane kan jia da shisha!

JINGPYNPAW 3:19

Nga sneng bad sympat ïa baroh kiba nga ieit. Long kaba thrang eh, te, bad phai noh na ki pop jong pha.