ISAÏAH 32:2 - Khasi CL Bible (BSI)

² Uwei pa uwei na ki un long kum ka jingkah na ka lyer bad ka jaka ban rieh na ki 'erïong. Kin long kum ki wahduid kiba tuid ha ka ri shyiap, kum ka jingkah syrngiew u mawsiang bah ha ka ri shrah.

KA BAIBL

² Te u briew un long kum ka jaka rieh na ka lyer, bad ka jaka buhrieh na ka 'erïong; kum ki wah um ha ki jaka rkhiang, kum ka syrngiew u mawsiang bakhraw ha ka ri bapynthait.

ISAÏAH 32:2 ပူးပေါင်းရင်းမြစ်များ

SALM 143:9

Nga leit sha me na ka bynta ka jingïada, A Trai; to pyllait im ïa nga na ki nongshun jong nga.

SALM 32:7

Me long ka jakarieh jong nga; men pyllait im ïa nga na ka jingjynjar; nga rwai jam ïa ka jingpynim jong me, namar ba me ïada ïa nga.

SALM 63:1

A Blei, me long U Blei jong nga, bad nga thrang ïa me. Ka longrynïeng jong nga baroh kawei ka angnud ïa me; kum ka khyndew bym don um kaba ryngkhiang bad kaba pdang ka mynsiem jong nga ka sliang ïa me.

SALM 91:1

Uno uno uba leit sha U Trai ban ïoh jingïada, uno uno uba ïaisah hapoh ka jingkah jong U Badonbor Baroh,

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 16:3

Ki ong ha ki briew jong ka Judah, “Ong ïa ngi kaei ba ngin leh. To ïada ïa ngi kum u dieng uba shat syrngiew tngen ha ka jingshit jong ka shiteng sngi, bad shah ïa ngi ban pynjahthait ha ka jingda jong me. Ngi long ki phetwir; to buhrieh ïa ngi ha ka jaka ha kaba ym don mano mano ban shem ïa ngi.

ISAÏAH 25:4

Kiba duk bad ki bym don jingïarap ki phet sha me bad ki shongshngain ha ki por ka jingjynjar. Me ai jakarieh ïa ki na ki 'erïong bad ka jakarieh tngen na ka jingshit kyr-ang. Ki riewrunar ki tur ïaleh kum ka 'erïong tlang,

ISAÏAH 28:17

Ka jingbishar hok kan long u 'sai-thew na ka bynta ka nongrim, bad ka jinglehhok kan long u 'sai-sawar jong ka.” U phria un sar noh ïa baroh ki jingshukor ha kiba phi shaniah, bad ki jingshlei kin pynjot ïa ki jingsngewshngain jong phi.

ISAÏAH 41:18

Ngan pynlong ïa ki wah ban tuid hapdeng ki lum bymseisoh bad ka um ha ki wahduid kan tuid ha ki jaka them. Nga pynkylla ïa ki jaka shyiap sha ki pukri um bad ki dewryngkhiang sha ki umpohliew batuid.

ISAÏAH 43:19

To khmih ïa kaba thymmai kaba ngan leh. Ka la jia lypa — phi lah ban ïohi ïa ka mynta! Ngan pynlong ïa ka lynti lyngba ka ri khlaw bad ïa ki wahduid ngan ai ïa phi na ka um hangta.

ISAÏAH 43:20

Wat ki mradkhlaw kin burom ïa nga; ki myrsiang bad ki ostrit kin ïaroh ïa nga haba ngan pynlong ïa ki wah ba kin tuid ha ka ri shyiap ban ai um ïa ki briew ba la jied jong nga.

ISAÏAH 44:3

“Ngan ai um ïa ka ri basliang bad pynlong ïa ki wahduid ban tuid ha ka khyndew ba-tyrkhong. Ngan theh noh ïa U Mynsiem jong nga ha ki khun jong phi bad ka jingkyrkhu jong nga ha ki khun ki ksiew jong phi.

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 33:14

U Trai u la ong, “Ka por kan poi haba ngan pyndep ïa ka kular kaba nga la pynlong bad ki paid Israel bad Judah.

SNGEWSYNEI 4:20

Ki la kurup ïa ka tynrai jong ka jingim jong ngi, ïa u syiem uba U Trai u la jied, uta uba ngi la shaniah ban ïada ïa ngi na uno uno u nonghiarthma.

SEKHARAÏAH 13:7

U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

ÏOANNIS 7:37

Ha ka sngi kaba khatduh bad kaba khraw tam eh jong ka Jingkhawai Niam, U Jisu u la ïeng joit bad u la ong ha ka sur kaba jam, “Uno uno uba sliang u dei ban wan sha nga, bad uno uno uba ngeit ha nga u dei ban dih.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

JINGPYNPAW 22:1

U angel u la pyn-i ruh ha nga ïa ka wah jong ka um ka jingim, kaba shat phyrnai sngur bha, bad kaba wan mih na ka khet jong U Blei bad ka jong U Khunlangbrot