ISAÏAH 32:1 - Khasi CL Bible (BSI)

¹ Kan don ka sngi ha kaba yn don u syiem u ban synshar ha ka jinglong ba-beit, bad ki nongïalam ka ri ki ban synshar ha ka jinglehhok.

KA BAIBL

¹ Ha khmih, u syiem un synshar ha ka hok, bad ki nongsynshar kin synshar ha ka jingbishar.

ISAÏAH 32:1 ပူးပေါင်းရင်းမြစ်များ

2 SAMUEL 23:3

U Blei ki Israel u la kren; u nongïada jong ki Israel u ong ha nga: “U syiem uba synshar da ka jinglehhok, uba synshar da kaba kohnguh ïa U Blei,

SALM 45:1

Ki kyntien basngewtynnat ki pyndap ïa ka jingmut jong nga, katba nga dang thaw ïa kane ka jingrwai na ka bynta u syiem. Kum u khulom jong u nongthoh batbit u thylliej jong nga u la kloi ban thaw jingrwai.

SALM 99:4

Ko Syiem bakhlaiñbor, me ieit ïa kaei kaba dei; me la pynskhem ïa ka jingbishar hok ha Israel; me la wanrah ïa ka hok bad ka jinglehhok.

ISAÏAH 11:4

un bishar hok ïa kiba duk bad un ïada ïa ki hok jong ki bymdonbor. Ha ka hukum jong u, yn pynshitom ïa ki briew, bad ki briew basniew kin ïap.

ISAÏAH 11:5

Un synshar ïa ki briew jong u da ka jingbishar hok bad da ka jinglong skhem.

ISAÏAH 16:5

Nangta uwei na ki khun ki ksiew jong u Dabid un long syiem, bad un synshar ïa ki briew da ka jingïaineh bad ka jingieit. Un long uba kloi ban leh ïa kaba dei, bad un khmih ba yn leh ïa ka jingbishar hok.)

ISAÏAH 28:6

Un ai ïa ka jingshemphang jong ka jingbishar hok ïa kito kiba trei kum ki nongbishar, bad ka jingshlur ïa kito kiba ïada ïa ki khyrdop ka nongbah na ka jingshah hiarthma.

ISAÏAH 33:5

Katno uba khraw u long U Trai! U synshar halor kiei kiei baroh. Un pyndap ïa ka Jerusalem da ka jinglehhok bad ka jinglong ba-beit bad pynlong ka jingskhem ha ka hima.

ISAÏAH 4:6

Ka burom jong u kan kah ïa ka nongbah na ka jingshit jong ka sngi bad pynlong ïa ka, ka jaka kaba shngain, kaba la da na u slap bad ka 'erïong.

JEREMAÏAH 33:14

U Trai u la ong, “Ka por kan poi haba ngan pyndep ïa ka kular kaba nga la pynlong bad ki paid Israel bad Judah.

JEREMAÏAH 33:15

Ha kata ka por ngan jied kum u syiem ïa u nonghiarpateng uba hok na u Dabid. Uta u syiem un leh ïa kaei kaba dei bad kaba hok ha ka ri baroh kawei.

ESEKIEL 37:24

U syiem uba kum u Dabid, u shakri jong nga un long u syiem jong ki. Kin ïalong kawei hapoh uwei u nongsynshar bad kin kohnguh hok ïa ki aiñ jong nga.

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

Ka Shithi U Paul Sha Ki Nong Rom 5:21

Te kumta, kumba ka pop ka synshar da ka jingïap, kumta ruh ka jingaiei U Blei ka synshar da ka hok, ka ïalam ïa ngi sha ka jingim bymjukut lyngba U Jisu Khrist U Trai jong ngi.

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 19:11

Nangta nga la ïohi ïa ka bneng ba plie, bad la don u kulai uba lieh. Ïa u nongshong ha u la khot Uba Ïaineh bad Uba Shisha; ka long da ka jinglehhok ba u bishar bad u ïaleh ïa ki jingïaleh thma jong u.