ISAÏAH 30:3 - Khasi CL Bible (BSI)

³ Hynrei u syiem un long khlem bor ban ïarap ïa ki, bad ka jingïada ka Ijipt kan kut ha ka jingjot.

KA BAIBL

³ Namar kata ka bor u Pharaoh kan long ka jinglehrain jong phi, bad ka jingshaniah ha ka syrngiew ka Ijipt ka jinglyngngoh jong phi.

ISAÏAH 30:3 ပူးပေါင်းရင်းမြစ်များ

2 SYIEM 18:21

Phi khmih lynti ba ka Ijipt kan ïarap ïa phi, hynrei kata kan long kumba pyndonkam ïa u khah kum u diengduh — un kdiah bad un dung ïa ka kti jong phi. Kata ka dei kaei kaba u syiem ka Ijipt u long haba mano mano ki shaniah tylli ha u.”

SALM 108:12

To ïarap ïa ngi pyrshah ïa u nongshun; ka jingïarap ba kynja briew kam don jingmyntoi.

PROBERB 25:19

Kaba shaniah ha u briew u bym lah ban shaniah ha ka por ka jingjynjar ka long kumba pyrshang ban ktha jingbam da ka bniat kaba la khih ne ïaid da ka kjat kaba dkoh.

ISAÏAH 20:5

Kito kiba buh ïa la ka jingshaniah ha ka Sudan bad kiba la kob sarong shaphang ka Ijipt kin shaïong jingmut; la pynkhih ïa ki jingkyrmen jong ki.

ISAÏAH 20:6

Haba kata ka por ka wan, ki briew kiba shong shi lynter ka rud duriaw jong ka Philistia kin ong, ‘Khmih ïa kaei kaba la jia ha ki briew kiba ngi la shaniah ban ïada ïa ngi na u patsha jong ka Assyria! Kumno ngin ïohlait im?’ ”

ISAÏAH 36:6

Phi khmih lynti ba ka Ijipt kan ïarap ïa phi, hynrei kata kan long kumba pyndonkam ïa u khah kum u diengduh ban ïaid — un kdiah bad un dung ïa ka kti jong phi. Kata kan long kaei kaba u syiem Ijipt u long haba uno uno u shaniah ha u.”

JEREMAÏAH 2:36

Phi la pyntat-dor ïa lade da kaba phai sha ki blei jong kiwei pat ki jaitbynriew. Yn pynnoh mynsiem ïa phi da ka Ijipt, kumba phi la long da ka Assyria.

JEREMAÏAH 42:18

“U Trai, U Blei ki Israel, u ong, ‘Kumba ka jingbitar bad jingbitar shla jong nga ka mihnoh na nga ha ki briew jong ka Jerusalem, kumta ruh ka jingbitar shla jong nga kan mihnoh ha phi lada phi leit sha Ijipt. Phin long ka jingïohi ba-itriem; ki briew kin ñiewbeiñ ïa phi bad kin pyndonkam ïa ka kyrteng jong phi kum ka jingtim. Phin ym ïohi shuh ïa kane ka ri.’ ”

JEREMAÏAH 42:22

Te nangta, to kynmaw ïa kane: phin ïap ha ka thma ne na ka jingïapthngan ne ka jingpang ha ka ri sha kaba phi kwah ban leit bad ban shong.”

JEREMAÏAH 46:25

U Trai Badonbor Baroh, U Blei ki Israel, u ong, “Ngan pynshitom ïa u Amon, u blei jong ki Thebes, ryngkat lang bad ka Ijipt bad ki blei bad ki syiem jong ka. Ngan shim noh ïa u syiem ka Ijipt bad ïa baroh kiba buh ïa ka jingshaniah ha u,

ESEKIEL 29:7

Haba ki shaniah ha phi, phi kheiñ noh, u dung ïa ki tohtit jong ki, bad pynlong ïa ki ban pynkdor ïa la ki met.

HOSIA 10:6

Ïa uta u bleithaw yn kit noh sha Assyria kum ka jingnguh syiem ïa u patsha uba khraw. Ïa ka Israel yn pynjahburom bad yn pynlehrain namar ki jingai jingmut ba ka bud.

Ka Shithi U Paul Sha Ki Nong Rom 10:11

Ka Jingthoh Bakhuid ka ong, “Uno uno uba ngeit ha u un ym ngat ha ka jingsngewsih.”

Ka Shithi U Paul Sha Ki Nong Rom 5:5

Kane ka jingkyrmen ka ai ha ngi ka jingkmen, namar U Blei u la theh noh ïa ka jingieit jong u ha ki dohnud jong ngi lyngba U Mynsiem Bakhuid, uba long ka jingai sngewbha jong U Blei ïa ngi.