ISAÏAH 3:9 - Khasi CL Bible (BSI)

⁹ Ïa ki jingnoh shiliang jong ki yn bat pyrshah ïa ki. Ki leh pop khlem rieh kumba ki briew ka Sodom ki la leh. Ki long kiba la tim, bad ki la wallam ïa ka halor jong ki hi.

KA BAIBL

⁹ Ka jingpaw ka khmat jong ki ka phla pyrshah ïa ki; bad ki pynpaw ïa la ka pop kum ka Sodom, kim ju buhrieh ïa ka, Kordit ïa ka mynsiem jong ki! Namar ki la ai nong jingsniew ïa lade.

ISAÏAH 3:9 ပူးပေါင်းရင်းမြစ်များ

JENESIS 13:13

bad u la sher dara hajan ka Sodom, kaba ki briew jong ka, ki la long kiba bymman bad kiba la leh pop pyrshah ïa U Trai.

JENESIS 19:34

Ha ka sngi kaba bud kata ka khun nyngkong ka ong ha la ka para, “Hynne mynmiet nga la ïathiah bad i pa; mynta to ngin pynbuaid biang ïa i ha kane ka miet ruh, bad phi sa leit thiah lang bad i. Te ma ngi baroh ar ngut ngin ïoh khun mar iwei na la u kpa.”

JENESIS 4:5

Te U Trai u la sngewbha eh ïa u Abel bad ïa ka jingainguh jong u; hynrei u la kyntait ïa u Kain bad ïa ka jingainguh jong u. U Kain u la bitar lep, bad ka durkhmat jong u ka la kylla ha ka jingbitar.

2 SYIEM 9:30

U Jehu u la wan poi ha Jesreel. Ka Jesebel, haba ka la ïohsngew ïa kaei kaba la jia, ka kyllan rong ïa la ki khmat, ka pynbeit ïa u shñiuh jong ka, bad ka ïeng ban khmih shapoh ka surok na ka jingkhangïit ha ka ïingsyiem.

SALM 10:4

U riewbymman um salia shaphang U Trai; ha ka jingsarong jong u, u pyrkhat ba U Blei um da donkam.

PROBERB 15:32

Lada phi kyntait ban shah hikai, phi ñiewbeiñ ïa lade. Lada phi pdiang ïa ka jingpynbeit, phin long kiba kham stad.

PROBERB 30:13

Don ki briew kiba pyrkhat ba ki long kiba bha palat — oh, katno ka jingbha ki pyrkhat ba ki long!

PROBERB 8:36

U briew u bym shem ïa nga u pynmong ïa lade; kat uba isih ïa nga u ieit ïa ka jingïap.”

ISAÏAH 1:10

Ko Jerusalem, ki nongsynshar bad ki briew jong pha ki long kum ki jong ka Sodom bad Gomorrah. To shahshkor ïa kaei kaba U Trai u ong ïa pha. Pynleit jingmut ïa kaei kaba U Blei jong ngi u hikai ïa pha.

ISAÏAH 3:16

U Trai u ong, “Ha khmih haduh katno ki kynthei ka Jerusalem ki long kiba sarong! Ki ïaid da kaba pynhieng ïa la ki khmut. Ki ju long borabor kiba kynshleiñ. Ki shim ki sien jam kiba rit itynnat bad ki jingdeng ha ki matsohlah ki sawa.

ISAÏAH 57:20

Hynrei ki riewbymman ki long kum ka duriaw kaba khih phaloh, kiba ki jingat phyllung jong ka kim ju sangeh, ki wanrah ïa ka jakhlia bad ka ktieh.

ISAÏAH 59:12

“A Trai, ki kam runar jong ngi pyrshah ïa me ki long kiba bun. Ki pop jong ngi hi ki pynrem ïa ngi. Ngi tip bha ïa kine kiei kiei baroh.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 3:3

Dei kata keiñ balei ba la bat noh ïa u slap, bad u slap pyrem um shym la wan. Pha la da i syriem hi kum ka nuti; pham don kano kano ka jinglehrain.

JEREMAÏAH 6:15

Hato kin sngewlehrain namar ki la leh ïa kine kiei kiei kiba ijli? Em, kim shym la sngewlehrain satia; kim tip hi ruh kumno ban sawkyr-ang. Bad kumta kin kyllon kumba kiwei ki la kyllon; haba nga pynshitom ïa ki, kata kan long kaba kut jong ki. Ma nga, U Trai, nga la kren.”

JEREMAÏAH 8:12

Ko ki briew jong nga, hato phim lehrain namar ba phi leh ïa kine kiei kiei kiba ijli? Em, phim shym lehrain satia; phim shym tip hi ruh kumno ban sawkyr-ang! Bad kumta phin kyllon kumba kiwei pat ki la kyllon; haba nga pynshitom ïa phi, kata kan long ka jingkut jong phi. Ma nga, U Trai, nga la kren.

SNGEWSYNEI 5:16

Ym don shuh kano kano kaba dang sah na baroh kaba ngi la ju sngewsarong. Ngi la leh pop bad mynta ngi long kiba la tim.

ESEKIEL 16:30

Kane ka long kaei kaba U Trai Nongsynshar u ong: “Pha la leh ïa kane baroh kum ka nuti ka bym don jinglehrain.

ESEKIEL 16:49

Ma ka bad ki khun kynthei jong ka ki la sngewsarong namar ki la don kyrhai ban bam bad im ha ka jingsuk bad ka jingjar jar, hynrei kim shym la sumar ïa kiba duk bad ïa kiba rangli.

ESEKIEL 23:16

Ka tang mar shu ïohi ïa ki, ka la dap da ka jingkwah brai bad ka phah nonglamktien sha ki ha Babilonia.

DANIEL 7:20

Bad nga la kwah ban tip shaphang ki shiphew tylli ki reng halor ka khlieh jong u bad ïa ka reng kaba la mih hadien bad kaba la pynhap ïa ki lai tylli ki reng. Ka la don ki khmat bad ka shyntur bad ka da kob sarong. Ka la kham ishyrkhei ban ïa kiwei pat.

HOSIA 13:9

“Ngan pynjot ïa phi, ko ki paid Israel! Te uei uba lah ban ïarap ïa phi?

HOSIA 5:5

Ka jingsngewmeng jong ki paid Israel ka kyang pyrshah ïa ki. Ki pop jong ki, ki pynlong ïa ki ban jynthut bad kyllon, bad ki paid Judah ki kyllon lang bad ki.

Ka Shithi U Paul Sha Ki Nong Rom 6:23

Naba ka pop ka siew ïa la ka bainong — ka jingïap; hynrei ka jingaiei jong U Blei ka long ka jingim bymjukut ha U Khrist Jisu uba U Trai jong ngi.

JINGPYNPAW 11:8

Un jop ïa ki bad un pynïap ïa ki, bad ki metïap jong ki kin shu sah ha ka surok bah jong kata ka nongbah bakhraw, ha kaba ïa U Trai jong ki la sahnarphna. Ka kyrteng pharshi jong kata ka nongbah ka long ka Sodom, lane ka Ijipt.

1 SAMUEL 15:32

“Wallam ïa u syiem Agag hangne ha nga,” u Samuel u hukum. U Agag u la wan sha u da kaba khynñiuh da ka jingtieng, u da pyrkhat ha lade, “Katno ka long kaba kthang ban ïap.”