ISAÏAH 3:7 - Khasi CL Bible (BSI)

⁷ Hynrei un jubab, “Ym ma nga! Ngam lah ban ïarap ïa phi. Ngam don jingbam ei ei lane ki jaiñ ruh kumjuh. Wat pynlong ïa nga u nongïalam jong phi!”

KA BAIBL

⁷ ha kata ka sngi un pyrta jam, un ong, “Ngan ym long u nongpynkhiah; naba ha ïing jong nga ym don kpu lymne jaiñkup: wat thung ïa nga u nongsynshar u paidlang.”

ISAÏAH 3:7 ပူးပေါင်းရင်းမြစ်များ

JENESIS 14:22

U Abram u ong, “Nga la smai ha khmat U Trai, U Blei Bahakhlieh Tam Eh, u Nongthaw ïa ka bneng bad ïa ka khyndew, ba ngan ym bat ei ei ïa kaba dei ka jong me, wat ïa u 'sai juti ruh.

ISAÏAH 58:12

Ki briew jong phi kin tei pat ïa kaei kaba la pra la slem bah, kin tei pat halor ki nongrim ba-mynshuwa. Yn tip ïa phi kum ki briew kiba tei pat ïa ki kynroh, kiba pynbha pat ïa ki ïing ba la pra.”

JEREMAÏAH 14:19

A Trai, hato me la kyntait ïa ka Judah nadong shadong? Hato me isih ïa ki briew jong ka Seïon? Balei ba me la pynmong jur ïa ngi ba ngim lah ban koit? Ngi la wad ïa ka jingsuk, hynrei ym don kano kano jingbha kaba la jia, ngi la kyrmen ïa ka jingpynkhiah, hynrei ka wan pynban ka jingshyrkhei.

SNGEWSYNEI 2:13

Ko Jerusalem, ko Jerusalem ba-ieit, kaei pat ngan ong? Kumno ngan pyntngen ïa pha? Ym don mano mano ba la ju shahshitom kum kane. Ka jingjot jong pha ka long ka bym don pud kum ka duriaw-bah; ym don shuh kano kano ka jingkyrmen kaba lah ban long.

ESEKIEL 34:4

Phim shym la sumar bha ïa kita kiba swai, pynkhiah ïa kito kiba pang, phim shym la sop spaiñ ïa kito kiba mynsaw, wallam pat ïa kito kiba la sakma, ne wad ïa kito kiba la jah noh. Pynban phi la lehbeiñ ïa ki.

HOSIA 5:13

“Haba ka Israel ka ïohi haduh katno ka pang jur bad haba ka Judah ka ïohi ïa la ki jingmong, nangta ki Israel ki leit sha Assyria ban pan jingïarap na u syiem uba khrawbor, hynrei um lah ban pynkoit ïa ki lane pynkhiah ïa ki jingmong jong ki.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

JOEL 1:16

Ngi shu khmih ha ka jingbymlah leh ei ei haba ïa ki jingthung jong ngi la pynjot. Ym don jingkmen ha ka Templ jong U Blei jong ngi.

DEUTERONOMI 32:40

Kumba nga long U Blei uba im, nga rah la ka kti bad nga smai,