ISAÏAH 3:16 - Khasi CL Bible (BSI)

¹⁶ U Trai u ong, “Ha khmih haduh katno ki kynthei ka Jerusalem ki long kiba sarong! Ki ïaid da kaba pynhieng ïa la ki khmut. Ki ju long borabor kiba kynshleiñ. Ki shim ki sien jam kiba rit itynnat bad ki jingdeng ha ki matsohlah ki sawa.

KA BAIBL

¹⁶ Te U Trai u la ong ruh, “Namar ba ki khun kynthei ka Seïon ki leh sarong, bad ki ïaid pynjrong ryndang bad ki khmat leh jyllieb, ki ïaid kynjih haba ki leit, bad ki pynriew shaw shaw da la ki kjat:

ISAÏAH 3:16 ပူးပေါင်းရင်းမြစ်များ

PROBERB 16:18

Ka jingsarong ka ïalam sha ka jingjot, bad ka jingsngewmeng sha ka jingkyllon noh.

PROBERB 21:4

Ki briew kiba sniew ki shah synshar ha la ka hangamei bad ka jingsngewmeng, bad kane ka long pop.

PROBERB 30:13

Don ki briew kiba pyrkhat ba ki long kiba bha palat — oh, katno ka jingbha ki pyrkhat ba ki long!

JINGRWAI SOLOMON 3:11

Ko ki kynthei ka Seïon, to wan bad khmih ïa u syiem Solomon. U da phong ïa ka pansngiat kaba ka kmie jong u ka la buh halor ka khlieh jong u ha ka sngi kyntiew kurim jong u, ha ka sngi ka jingsngewbha bad ka jingkmen jong u.

ISAÏAH 1:8

Tang ka Jerusalem hi kaba dang sah, ka nongbah hapoh ka jingshah kerkut — ka bym don jingïada kum ka trep ap phira ha ka bri sohwaiñ lane ka sem ha ka lyngkha sohkhia.

ISAÏAH 24:4

Ka pyrthei ka tyrkhong bad ka stai noh; ka pyrthei baroh kawei ka kylla tlot; ka pyrthei bad ka sahit bneng, baroh ar, kin pyut noh.

ISAÏAH 3:1

Mynta u Trai, U Trai Badonbor baroh un sa shim noh na Jerusalem bad Judah ïa kaei kaei baroh bad ïa uwei pa uwei ba ki briew ki shaniah. Un shim noh ïa ka jingbam bad ka um jong ki,

ISAÏAH 3:17

Hynrei ngan pynshitom ïa ki — Ngan khi ïa ki khlieh jong ki bad ngan ieh lyndum ïa ki.”

ISAÏAH 3:18

Ka sngi ka wan haba U Trai un shim noh na ki kynthei ka Jerusalem ïa kiei kiei baroh kiba ki sngewsarong — ki jingdeng itynnat ba ki deng ha ki matsohlah jong ki, halor ki khlieh jong ki, bad ha ki ryndang jong ki,

ISAÏAH 3:4

U Trai un shah ïa ki briew ban shah synshar ha ki khynnah shynrang ki bym pat ïaw.

ISAÏAH 4:4

Da la ka bor U Trai un bishar bad pynkhuid ïa ka jaitbynriew bad sait noh ïa ka jingpalat jong ka Jerusalem, bad ïa ka snam kaba la pynmih noh hangta.

SEPHANAÏAH 3:11

Ha kata ka por, ma phi, ki briew jong nga phim donkam shuh ban lehrain ba phi la ïeng ïaleh pyrshah ïa nga. Ngan weng noh ïa uno uno baroh uba sarong bad uba sngewmeng, bad phin ym ïeng ïaleh pyrshah shuh da lei lei ïa nga ha u lum bakyntang jong nga.

MATHAÏOS 21:5

“To ïathuh ïa ka nongbah Seïon, ha khmih, u Syiem jong pha u wan sha pha! U long uba sngewrit bad u shong halor ka kada bad halor u khun kada.”

LOUKAS 23:28

U Jisu u la phai sha ki bad u la ong, “Ko kynthei Jerusalem! Wat ïam na ka bynta jong nga, hynrei na ka bynta ïa lade bad ki khun jong phi.