ISAÏAH 3:14 - Khasi CL Bible (BSI)

¹⁴ U Trai u wallam sha ka jingbishar ïa ki tymmen ki san bad ïa ki nongïalam. U pynlong ïa kane ka jingkynnoh: “Phi la lute ïa ki bri sohwaiñ bad ki ïing jong phi ki dap da kiei kiei kiba phi la shim na kiba duk.

KA BAIBL

¹⁴ U Trai un bsut sha ka jingbishar bad ki tymmen basan bad ki nongïalam u paidlang: “Phi keiñ kiba la bam duh ïa ka brisoh; ka jinglute ïa ki baduk ka don ha ki ïing jong phi;

ISAÏAH 3:14 ပူးပေါင်းရင်းမြစ်များ

Ka Kitab U Job 22:4

Kam dei namar ba phi ïeng ha ka jingtiengburom ïa U Blei ba u sneng ïa phi bad wanrah ïa phi sha ka jingbishar.

JAKOB 2:6

Hynrei phim ñiewburom ïa kiba duk! Kiei kita kiba khñiot beiñ ïa phi bad ba ïalam ïa phi ha khmat ki nongbishar? Kiba riewspah keiñ!

AMOS 4:1

To shahshkor ïa kane, phi ki kynthei ka Samaria, kiba nang sngaid kum ki masi ba la bsa bha jong ka Bashan, kiba lehbeiñ ïa kiba tlot, kiba banbeiñ ïa kiba duk, bad kiba dawa ba ki tnga jong phi kin pynbiang ïa phi da ka kyiad!

JEREMAÏAH 5:27

Kumba u nongriam sim u pyndap ïa ka ruh jong u da ki sim, ki la pyndap ïa ki ïing jong ki da ka jinglute. Dei kata keiñ balei ba ki long kiba donbor bad kiba riewspah,

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

SALM 143:2

To wat buh ïa nga, u shakri jong me, ha ka jingtynjuh; ym don uba lui lui ha khmat jong me.

SALM 14:4

“Hato kim tip?” U Trai u kylli. “Hato kine ki nongleh kam sniew kim tip ei ei? Ki im da kaba lute ïa ki briew jong nga, bad kim ju duwai sha nga.”

Ka Kitab U Job 24:9

Ki briew kiba sniew ki pynlong mraw ïa ki khunswet ba dang rit bad ki shim ïa ki khun jong u briew uba duk kum ka jingsiew ïa ki ram.

MATHAÏOS 21:33

“To shahshkor sa kawei pat ka pharshi,” U Jisu u la ong. “La don shisien u trai jaka uba la thung ka bri sohwaiñ, u la buh ka jingker sawdong jong ka, u la tih ka thliew na ka bynta ka jaka khñiot waiñ, bad u la tei ka jaka ap phira. Nangta u la aiwai ïa ka bri sohwaiñ ha ki nongshimwai bad u la leit jingleit.

MIKAH 6:10

Ha ki ïing jong ki briew kiba sniew don ki jingkynshew kiba ki la lum da kaba leh bymhok. Ki pyndonkam da ki jingthew bashukor, kaei kaei kaba nga isih.

MIKAH 2:2

Haba ki ikwah ïa ki lyngkha, ki shu knieh ïa ki; haba ki ikwah ïa ki ïing, ki shu shim ïa ki. Ym don ka longïing ne ka jingdon jingem jongno jongno kaba shongshngain.

Ka Kitab U Job 34:23

Ym da donkam ba U Blei un buh por ïa ki briew ban leit bad ba yn bishar ïa ki da u.

Ka Kitab U Job 24:14

Dang step phyrngab u nongpynïap briew u khie bad u mih ban leit pynïap ïa uba duk, bad mynmiet u tuh.

SALM 10:9

u ap ha la ka jakarieh kum u sing. U dem ban ap ïa kiba duk, u kem ïa ki ha ki jingriam jong u bad u paring ïa ki sharud.

PROBERB 30:14

Don ki briew kiba shim kabu-runar ïa kiba duk bad kiba kyrduh; kata ka long ka rukom ba ki kyrshan ïa la ka jingim.

ISAÏAH 10:1

Phi long ba la tim! Phi thaw ïa ki aiñ bymhok ban banbeiñ ïa ki briew jong nga.

ISAÏAH 10:2

Kata ka long kumno ba phi khang ïa kiba duk na kaba ïohpdiang ïa ki hok jong ki bad na kaba ïohpdiang ïa ka jingbishar hok. Kata ka long kumno ba phi knieh ïa ka jingdon jingem kaba dei jong ki riewkynthei bad ki khunswet.

ISAÏAH 11:4

un bishar hok ïa kiba duk bad un ïada ïa ki hok jong ki bymdonbor. Ha ka hukum jong u, yn pynshitom ïa ki briew, bad ki briew basniew kin ïap.

ISAÏAH 14:30

U Trai un long u nongaplangbrot ïa kiba duk jong ki briew jong u bad un shah ïa ki ban shong ha ka jingshngain. Hynrei un phah ïa ka 'nemsniew kaba shyrkhei ha phi ki Philistia, bad un ym pynsah im ïa uno uno ruh na phi.

ISAÏAH 26:6

Kito kiba la shah banbeiñ, ki ïaid halor jong ka mynta bad ki ïuh ïa ka hapoh ki kjat jong ki.

ISAÏAH 29:19

Ki briew kiba duk bad kiba rit kyrdan kin shem pat ïa ka jingsuk kaba U Trai, U Blei Bakhuid jong ki Israel, un ai.

ISAÏAH 30:12

Hynrei kane ka dei kaei kaba U Blei Bakhuid ki Israel u ong: “Phi kyntait ïa kaei kaba nga ong ïa phi bad phi shaniah ha ka jingleh jubor bad ka jingshukor.

ISAÏAH 58:4

Ka jingshah jingit jong phi ka pynlong ïa phi ban lehbor, bad phi ïakajia bad ïashoh. Phi pyrkhat ba kane ka rukom jingshah jingit kan pynlong ïa nga ban shahshkor ïa ki jingduwai jong phi?

ESEKIEL 18:12

U shukor ïa kiba duk, u lute, u bat noh ïa kaei kaba u nongshim ram u ai ha u kum ka bynda. U leit sha ki jaka mane blei thala, da kaba mane ïa ki bleithaw ba-ijli,

ESEKIEL 20:35

Ngan wallam ïa phi sha ‘Ka ri shyiap jong ki jaitbynriew’, bad hangta ngan pynrem ïa phi sha ka jinglehrain jong phi.

ESEKIEL 20:36

Mynta ngan pynrem ïa phi kumba nga la pynrem ïa ki kpa tymmen jong phi ha ka ri shyiap Sinai,” ong U Trai Nongsynshar.

MIKAH 3:3

Phi bam syndon ïa ki briew jong nga. Phi puid noh ïa ka sniehdoh jong ki, pynkheiñ ïa ki shyieng jong ki, bad shaiñ ïa ki kum ïa ka doh ha u khiew.

LEBITIKOS 25:14

Kumta, haba phi ïadie ïathied khyndew para Israel, wat ïashukor paralok hi.

LEBITIKOS 25:17

Wat shukor ïa la u para Israel, hynrei kohnguh ïa U Trai uba U Blei jong phi.

JEREMAÏAH 12:10

Shibun ki nongsynshar nongwei ki la pynjot ïa ka bri sohwaiñ jong nga; ki la ïuhroit ïa ki lyngkha jong nga; ki la pynkylla ïa ka ri ba-itynnat jong nga sha ka ri shyiap.

AMOS 2:7

Ki kyrdem ïa kiba tlot bad ki bymdonbor bad ki khynñiat sharud lynti ïa kiba duk. U briew bad u kpa jong u ki ïathiah shongkha ïa kajuh ka kynthei mraw, bad kumta ki pyntngit ïa ka kyrteng kaba khuid jong nga.

MIKAH 2:1

Katno kaba sngewtriem kan long ïa kito kiba peitmat bad thmu ïa kaba sniew! Haba poi ka step, mar ïa-ïoh ïa ka kabu, ki leh ïa kaba sniew kaba ki la thmu.