ISAÏAH 3:13 - Khasi CL Bible (BSI)

¹³ U Trai u la kloi ban kren ïa ka kam jong u, u long uba la kloi ban bishar ïa ki briew jong u.

KA BAIBL

¹³ U Trai u ïeng ban ïasaid, bad u ïeng ban bishar ïa u paidlang.

ISAÏAH 3:13 ပူးပေါင်းရင်းမြစ်များ

MIKAH 6:2

Phi ki lumbah, phi ki nongrim bymjukut jong ka khyndew, to shahshkor ïa ka jingmudui jong U Trai! U Trai u don ka jingmudui pyrshah ïa la ki briew. Un wanrah ïa ka jingkynnoh pyrshah ïa ki Israel.

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

SALM 74:22

To ïeng, A Blei, bad kyrshan ïa ka jingthmu jong me! To kynmaw ba ki briew bym don blei ki rkhie ïa me baroh shi sngi.

SALM 82:1

U Blei u pynïaid ha ka dorbar bneng; ha ka jingïaseng bah jong ki blei u ai ïa ka rai jong u:

ISAÏAH 51:22

U Trai U Blei jong phi u ïada ïa phi bad u ong, “Nga shim noh ïa ka khuri kaba nga la ai ha phi ha ka jingbitar jong nga. Phin ym hap ban dih shuh ïa ka waiñ kaba pynlong ïa phi ban ïaid sheng sheng.

ISAÏAH 66:16

Da ka ding bad ka waitlam un pynshitom ïa ki briew baroh jong ka pyrthei kiba u shem ba la pynrem — bad shibun kin shah pynïap.

JOEL 3:12

“Ki jaitbynriew ki dei ban long kiba la kloi bad wan sha ka Them jong ka Jingbishar. Hangta ma nga, U Trai, ngan shong ban bishar ïa baroh ki jaitbynriew ba don sawdong.

ISAÏAH 1:18

U Trai u ong, “Mynta, to ngin pynbeit ïa kane ka kam. Pha la khah saw da ka pop, hynrei ngan sait ïa pha ban khuid kum ka ïor. La ki jingkhah tngit jong pha ki saw hain hain, phan lieh kum u shñiuh langbrot.

MIKAH 6:1

To shahshkor ïa ka jingmudui U Trai pyrshah ïa ki Israel. To khie, A Trai, bad wanrah ïa ka jingmudui jong me; to ai ba ki lumbah bad ki lumrit kin ïohsngew ïa kaei kaba me ong.