ISAÏAH 3:12 - Khasi CL Bible (BSI)

¹² Ki nongai pisa kylliang ki banbeiñ ïa ki briew jong nga, bad ki nongai ram jong ki, ki thok ïa ki. Ko paidlang jong nga, ki nongïalam jong phi ki ïalam bakla ïa phi, khnang ba phin ym tip kano ka lynti ban phai pat.

KA BAIBL

¹² U paidlang jong nga, ki khynnah ki long ki nongbanbeiñ jong ki, bad ki kynthei ki synshar halor jong ki. Ko u paidlang jong nga, kita kiba ïalam ïa me ki pynsakma ïa me, bad ki pynjot ka lad ki lynti ïaid jong me.

ISAÏAH 3:12 ပူးပေါင်းရင်းမြစ်များ

2 SYIEM 11:1

Ka Athalaïah ka kmie jong u syiem Ahasaïah ka tang shu mar ïatip ïa ka jingshah pynïap u khun jong ka, ka ai hukum ba yn pynïap ïa baroh ki dkhot jong ka longïing syiem.

Ka Kitab U Job 30:13

Ki la khang ïa ka lynti phet jong nga bad pyrshang ban pynjot ïa nga; bad ym don mano mano ban pynsangeh ïa ki.

PROBERB 28:16

U nongsynshar uba khlem ka jingshemphang un long u nonglehbeiñ uba runar. Uta uba isih ïa ka jingbymhok un synshar slem.

EKLESIASTIS 10:16

Ka ri ka don ha ka jingjynjar haba u syiem jong ka u dei u samla bad ki nongïalam jong ka ki ïakhawai baroh shi miet.

ISAÏAH 19:14

U Trai u la pynlong ïa ki ban ai ka jingai jingmut kaba pynkulmar. Kaba mih nangta ka long ba ka Ijipt ka leh ïa kaei kaei baroh kaba bakla bad ka ïaid sheng sheng kum u briew uba buaid uba syntuid ha la ka jong ka prie.

ISAÏAH 3:4

U Trai un shah ïa ki briew ban shah synshar ha ki khynnah shynrang ki bym pat ïaw.

ISAÏAH 51:22

U Trai U Blei jong phi u ïada ïa phi bad u ong, “Nga shim noh ïa ka khuri kaba nga la ai ha phi ha ka jingbitar jong nga. Phin ym hap ban dih shuh ïa ka waiñ kaba pynlong ïa phi ban ïaid sheng sheng.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

MIKAH 3:5

Ki briew jong nga ki la shah shukor ha ki nongïathuhlypa kiba la kular ïa ka jingsuk ïa kito kiba da siewdor ïa ki, hynrei ki byrngem da ka thma ïa kito ki bym siew.

NAHUM 3:13

Ki shipai jong pha ki long kum ki kynthei, bad ka ri jong pha ka ïeng khlem ka jingïada ha khmat ki nongshun jong pha. Ka ding kan pynjot ïa ki dieng khang khyrdop jong pha.

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!