ISAÏAH 3:10 - Khasi CL Bible (BSI)

¹⁰ Ki briew kiba hok kin kmen, bad kiei kiei baroh kin bit kin biang ïa ki. Kin ïoh ban lehkmen ïa kaei kaba ki la trei.

KA BAIBL

¹⁰ Ong phi shaphang u bahok, ba kan bha ïa u: namar kin bam ïa u soh ki kam jong ki.

ISAÏAH 3:10 ပူးပေါင်းရင်းမြစ်များ

JENESIS 18:25

Da shisha men ym pynïap ïa kiba hok ryngkat bad ki bymman. Kata ka bym lah ban long. Mem lah ban leh kumta. Lada me leh kumta, kiba hok kin shah pynshitom ryngkat bad ki bymman. Kata ka bym lah ban long. U nongbishar jong ka pyrthei baroh u dei ban lehhok.”

SALM 58:11

Ki briew kin ong, “Kiba hok da shisha ki la ïoh ïa ka bainong; da shisha don U Blei uba bishar ïa ka pyrthei.”

EKSODOS 1:20

Namar ba kita ki nongpynkha khun ki sheptieng ïa U Blei, u ruh u pynmanbha ïa ki, bad u ai ha ki ba kin don la ki khun ki kti. Ki Israel ruh ki nang roi bad ki nang khlaiñ.

PROBERB 10:6

U briew uba bha un ïoh jingkyrkhu. Ki ktien u riewbymman ki buhrieh ïa ka jinglong ba leh jubor.

PROBERB 12:14

Ka bainong jong phi ka shong ha kaei kaba phi ong bad kaei kaba phi leh; phin ïoh ïa kaei kaba phi dei hok.

PROBERB 13:21

Ka jingjynjar ka buddien ïa ki nongpop kylleng, hynrei ki briew kiba hok kin ïoh bainong da kiei kiei kiba bha.

PROBERB 18:21

Kaei kaba phi ong ka lah ban ri ïa ka jingim lane pynjot ïa ka; te phi dei ban pdiang ïa ki soh kiba mih na ki ktien jong hi.

EKLESIASTIS 8:12

U nongpop u lah ban leh shispah tylli ki kam runar bad u dang im. O! ho-oid, nga tip ïa kaei ba ki ong: “Lada phi kohnguh ïa U Blei, kiei kiei baroh kin bit kin biang,

ISAÏAH 54:17

Hynrei yn ym don ka tiar thma ka ban lah ban pynmynsaw ïa pha; phan don ka jubab ïa kito baroh kiba mudui ïa pha. Ngan kyrshan ïa ki shakri jong nga bad ngan ai jingjop ïa ki.” U Trai u la kren.

JEREMAÏAH 15:11

A Trai, ai ba ki jingtim jong ki baroh kin urlong shisha lada ngam shym la shakri bha ïa me, lada ngam shym la ïasaid bad me na ka bynta ki nongshun jong nga mynba ki don ha ka jingjynjar bad jingeh bajur.

JEREMAÏAH 21:14

Hynrei ngan pynshitom ïa pha ïa kaei kaba pha la leh. Ngan thang ïa ka ïingsyiem jong pha da ka ding, bad kan bam duh ïa baroh kat kaba don sawdong jong ka. Ma nga, U Trai, nga la kren.”

JEREMAÏAH 22:15

Hato ka pynlong ïa me u syiem uba kham bha lada me tei ki ïing da ki dieng Kedar kiba kham kynsai ban ïa kito ki jong kiwei? U kpa jong me u la im kyrhai, u long borabor uba hok bad uba leh beit, bad u manbha ha kiei kiei baroh ba u la leh.

JEREMAÏAH 7:23

Hynrei nga la hukum ïa ki ban kohnguh ïa nga, khnang ba ngan ïoh long U Blei jong ki bad ki kin ïoh long ki briew jong nga. Bad nga la ong ha ki ban im kumba nga la lah hukum ïa ki, khnang ba kiei kiei kin bit kin biang ïa ki.

ESEKIEL 18:20

Ka dei ïa uta uba leh pop ban ïap. U khun um dei ban shahshitom namar ki pop jong u kpa jong u, lymne u kpa namar ka pop jong u khun jong u. Yn ai bainong ïa u briew uba bha namar ka jinglehbha, bad u briew uba sniew un shahshitom namar ka jingsniew kaba u leh.

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

MIKAH 7:13

Hynrei ka pyrthei kan long kum ka ri shyiap namar ka jingbymman jong kito kiba shong ha ka.

SEPHANAÏAH 2:3

To phai noh sha U Trai, phi baroh ki briew kiba sngewrit, kiba kohnguh ïa ki hukum jong u. To leh ïa kaei kaba dei, bad to pynrit ïa lade ha khmat U Trai. Lehse phin lait na ka jingpynshitom ha ka sngi haba U Trai u pyn-i ïa ka jingbitar jong u.

MALAKHI 3:18

Sa shisien pat ki briew jong nga kin ïohi ïa ka jingïapher hapdeng kaei kaba jia ïa kiba hok bad ïa ki bymman, ha u briew uba shakri ïa nga bad ha uta u bym leh kumta.”

LOUKAS 19:19

Ïa une u la ong, ‘Men long u nongkhmih ïa ki san tylli ki nongbah.’

DEUTERONOMI 12:25

Lada phi kohnguh ïa kane ka hukum, U Trai un sngewbha, bad ma phi bad ki khun ki ksiew jong phi phin manbha.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.