ISAÏAH 27:8 - Khasi CL Bible (BSI)

⁸ U Trai u la pynshitom ïa ki briew jong u da kaba phah ïa ki sha ka jinglongmraw. U la shim ïa ki da ka lyer bashyrkhei na shaphang mihngi.

KA BAIBL

⁸ Da kaba thew, haba me phah noh ïa ka, me ïaleh bad ka; u la pynkynriah ïa ka da la ka jingbeh lyer bajur ha ka sngi ka 'er mihngi.

ISAÏAH 27:8 ပူးပေါင်းရင်းမြစ်များ

Ka Kitab U Job 23:6

Hato U Blei un pyndonkam ïa ka bor jong u baroh pyrshah ïa nga? Em, un sngap ïa nga katba nga dang kren.

SALM 103:14

U tip na kaei la thaw ïa ngi; u kynmaw ba ngi long ka khyndew.

SALM 103:9

Um ju ïai mai lynter; um bitar junom.

SALM 38:1

A Trai, wat pynshitom ïa nga ha ka jingbitar jong me!

SALM 6:1

A Trai, wat bitar bad dumok ïa nga! wat pynshitom ïa nga ha ka jingbitar jong me!

SALM 76:10

Ka jingbitar briew ka pynmih tang ki jingïaroh babun ïa me; kito kiba lait im na ki thma kin sumar ïa ki Jingkhawai Niam jong me.

SALM 78:38

Hynrei U Blei u la sngewsynei ïa ki briew jong u. U la map ïa ki pop jong ki bad um shym pynjot ïa ki. Bunsien u set noh ïa ka jingbitar jong u bad u tyngkai ïa ka jingbitar shla jong u.

ISAÏAH 1:5

Balei phi ïai ïeng ïaleh pyrshah ïa u? Hato phi kwah ban shah pynshitom kham palat shuh shuh? Ko Israel, ka khlieh jong phi ka la shah tap lypa da ki jingmong, bad ka dohnud bad jingpyrkhat jong phi ki pang.

ISAÏAH 10:12

Hynrei U Trai u ong, “Haba nga pyndep ïa kaei kaba nga leh halor u lum Seïon, ngan pynshitom ïa u patsha jong ka Assyria namar ki jingkob bad ki jingsarong jong u baroh.”

ISAÏAH 50:1

U Trai u ong, “Phi tharai ba nga la phah noh ïa la ki briew kum u briew uba pyllait noh ïa la ka tnga? Hangno te, ki don ki kot pyllait tnga? Phi tharai nga la die ïa phi sha ka jingshahtehmraw kum u briew uba die ïa la ki khun kum ki mraw? Em, phi la leit shahtehmraw noh namar ki pop jong phi; la phah noh ïa phi namar ki kam bymman jong phi.

ISAÏAH 54:7

“Tang shipor nga la iehnoh ïa pha; da ka jingieit kaba jylliew ngan shim pat ïa pha.

ISAÏAH 57:16

Nga ai ka jingim ïa ki briew jong nga, bad ngan ym mudui sah ïa ki lane bitar ïa ki junom.

ISAÏAH 64:5

Me pdiang sngewbha ïa kito kiba shem jingkmen ha kaba leh ïa kaei kaba dei, ïa kito kiba kynmaw kumno me kwah ïa ki ban im. Me la bitar ïa ngi, hynrei ngi dang ïai leh pop; wat la me la bitar shla ngi dang ïai leh ïa kaba sniew naduh mynbarim.

JEREMAÏAH 10:24

Pynbeit ïa ki briew jong me, A Trai; hynrei wat leh tyngeh halor jong ngi lane pynshitom ïa ngi haba me bitar; kata ka lah ban long ka jingkut jong ngi.

JEREMAÏAH 30:11

Ngan wan sha phi bad pyllait im ïa phi. Ngan pynjot ïa ki jaitbynriew baroh sha kiba nga la pynsakma ïa phi, hynrei ngan ym pynjot ïa phi. Ngan ym shah ïa phi ban leit khlem shah pynshitom; hynrei haba nga pynshitom ïa phi, ngan long u bym leh shiliang. Ma nga, U Trai, nga la kren.”

JEREMAÏAH 4:11

Ka por ka wan ha kaba ïa ki briew jong ka Jerusalem yn ïathuh ba ka lyer khluit ka beh shapoh sha ki na ka ri shyiap. Kan ym long ka lyer kaba jai jai kaba shu beh pynher noh ïa u stait —

JEREMAÏAH 4:27

(U Trai u la ong ba ka pyrthei baroh kawei kan kylla long ka ri khlaw, hynrei ba un ym pynjot khoit ïa ka.)

JEREMAÏAH 46:28

Ngan wan ha phi bad pyllait im ïa phi. Ngan pynjot ïa ki hima baroh sha kiba nga la pynsakma ïa phi, hynrei ngan ym pynjot ïa phi. Ngan nym shah ba phin lait khlem shah pynshitom; hynrei haba nga pynshitom ïa phi, ngan lehhok. Ma nga, U Trai, nga la kren.”

SNGEWSYNEI 3:31

U Trai u dap da ka jingisynei bad un ym kyntait ïa ngi junom.

SNGEWSYNEI 3:32

U lah ban wallam ka jingsngewsih ha ngi, hynrei ka jingieit jong u ïa ngi ka long kaba thikna bad kaba khlaiñ.

ESEKIEL 19:12

Hynrei ki kti ba bitar ki la rat ïa u naduh tynrai bad bret ïa u sha madan. Ka lyer mihngi ka la pyntyrkhong ïa u soh jong u. Ki tnat jong u ki la kheiñ; ki la tyrkhong bad la thang noh.

HOSIA 13:15

Wat lada ki paid Israel ki roi kum ki ñiut, ngan phah ïa ka lyer khluit na mihngi kaba na ri shyiap, bad kan pyntyrkhong ïa ki umpohliew bad ki pung-um jong ki. Kan rong noh ïa kano kano kaba kordor.

HOSIA 4:1

U Trai u don ka jingkynnoh pyrshah ïa ki briew kiba shong ha ka ri. To sngap, ko Israel, ïa kaei kaba u ong: “Ym don jingïaineh ne ka jingieit ha ka ri, Bad ki briew kim pdiang ïa nga kum U Blei.

1 KORINTH 10:13

Man la ka jingtynjuh kaba phi la mad ka long kata kaba ju wan ha ki briew. Hynrei U Blei u long uba bat ïa la ka kular, bad un ym shah ban tynjuh ïa phi sha palat ka bor jong phi ba phin ïoh ïaineh skhem; ha ka por ba phi shah tynjuh, un ai ha phi ïa ka bor ba phi lah ban shah ïa ka, bad kumta un thaw ïa ka lad ba phi lah ban lait na ka.

1 PETROS 1:6

To ïakmen shaphang kane, wat la ka lah ban long kaba donkam ïa phi mynta ban sngewsih shipor namar kiba bun jait ki jingtynjuh kiba phi shahshitom.