ISAÏAH 27:7 - Khasi CL Bible (BSI)

⁷ Ïa ka Israel ym shym pat la pynshitom jur da U Trai kumba la leh ïa ki nongshun jong ka, lymne kam shym la duh shibun ki rangbah.

KA BAIBL

⁷ U la shoh ïa u kumba u la shoh ïa kito kiba la shoh ïa u? Lane la pynïap ïa u katba kum ka jingpynïap kita ba la pynïap da u?

ISAÏAH 27:7 ပူးပေါင်းရင်းမြစ်များ

ISAÏAH 10:12

Hynrei U Trai u ong, “Haba nga pyndep ïa kaei kaba nga leh halor u lum Seïon, ngan pynshitom ïa u patsha jong ka Assyria namar ki jingkob bad ki jingsarong jong u baroh.”

ISAÏAH 10:17

U Blei, u jingshai jong ka Israel, un kylla long ka ding. U Blei uba khuid jong ka Israel un kylla long ka thylliej ding, kaba ha ka shi sngi kan thang lut ïa kaei kaei baroh, wat ïa ki shiah bad ki shiah buid.

ISAÏAH 17:14

Ha ka por janmiet ki pynlong ka jingpyntriem, hynrei kat ban da step ki la jah noh. Kata ka dei ka kupar jong uwei uwei uba lute ïa ka ri jong ngi.

ISAÏAH 17:3

Ka Israel kan long kaba khlem jingïada, bad ka Damaskos kan duh noh ïa ka jinglaitluid jong ka. Kito ki nong Syria kiba lait im kin don ha ka jinglehrain kum ki briew jong ka Israel. Nga, U Trai Badonbor Baroh, nga la kren.”

ISAÏAH 30:31

Ki Assyria kin khynñiuh haba kin ïohsngew ïa ka sur U Trai bad sngew ïa ka bor jong ka jingpynshitom jong u.

ISAÏAH 31:8

Ïa ka Assyria yn pynjot ha ka thma, hynrei ym da ka bor briew. Ki nong Assyria kin phet ïap na ka thma, bad ïa ki samla shynrang jong ki yn pynlong mraw.

ISAÏAH 31:9

U patsha jong ki un phet ha ka jingsngew shyrkhei, bad ki rangbah shipai kin sheptieng haduh katta katta haduh ba kin iehnoh ïa ki lama thma jong ki.” U Trai u la kren — U Trai ïa uba la mane ha Jerusalem bad uba ka ding jong u ka thang hangta ïa ki jingkñia.

JEREMAÏAH 50:40

Kajuh kaei kaei kan jia ïa ka Babilon kumba ka la jia ïa ka Sodom bad Gomorrah, haba nga la pynjot ïa ki bad ïa ki shnong kiba marjan. Yn ym don ba shong shuh hangta. Ma nga, U Trai, nga la kren.

JEREMAÏAH 51:24

U Trai u ong, “Phin ïohi ïa nga ba nga siew kylliang ïa ka Babilonia bad ïa ki briew jong ka na ka bynta ka jingsniew baroh kaba ki la leh ïa ka Jerusalem.

NAHUM 1:14

Kane ka long kaei kaba U Trai u la rai shaphang ki nong Assyria: “Kin ym don kino kino kiba hiarpateng ki ban bah ïa ka kyrteng jong ki. Ngan pynjot ïa ki bleithaw kiba don hapoh ka templ jong ki blei jong ki. Nga pynkhreh ka jingtep ïa ki nong Assyria — kim don hok ban im!”

NAHUM 3:19

Ym don jingpynkoit ei ei ïa ki jingmynsaw jong me, bad ïa ki jingmong jong me ym lah ban pynkoit. Baroh kito kiba ïohsngew ïa ka khubor shaphang ka jingpynjot ïa me ki thap ïa la ki kti ha ka jingkmen. Hato uno uno un lait phet na ka jinglong runar bymkut jong me?