ISAÏAH 27:3 - Khasi CL Bible (BSI)

³ “Ngan khmih ïa ka bad ïai ai um ïa ka. Ngan ap phira ïa ka mynmiet bad mynsngi khnang ba yn ym don mano mano u ban pynsniew ïa ka.

KA BAIBL

³ Nga U Trai nga sumar ïa ka; nga ai um ïa ka man ka khyllipmat: ïoh uno uno u pynsniew ïa ka, ngan sumar ïa ka mynmiet bad mynsngi.

ISAÏAH 27:3 ပူးပေါင်းရင်းမြစ်များ

JENESIS 6:17

Ngan sa pynshlei ïa ka pyrthei da ka um ban pynduh noh khoit ïa ki kynja ba-im baroh. Baroh kat kiba don ha ka pyrthei kin ïap.

JENESIS 9:9

“Mynta ngan pynlong ka jutang bad phi lem bad ki khun ki ksiew jong phi,

1 SYIEM 8:59

To ai ba un leh-isynei borabor ïa ki paid Israel bad ïa u syiem jong ki kat kum ki jingdonkam jong ki kiba man la ka sngi.

SALM 46:11

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 46:5

U Blei u don ha kata ka nongbah, bad yn ym pynjot ïa ka da lei lei; dang step phyrngab un wan ban ïarap ïa ka.

ISAÏAH 31:5

Kumba ka sim ka her tawiar halor ka skum jong ka ban ïada ïa ki khun rit jong ka, kumta ruh ma nga, U Trai Badonbor Baroh, ngan ïada ïa ka Jerusalem bad kyrshan ïa ka.”

ISAÏAH 42:6

“Nga, U Trai, nga la khot bad ai bor ïa phi, ban khmih ba ka jingbishar hok la pyndep ha pyrthei. Lyngba jong phi ngan pynlong ïa ka jutang bad ki briew baroh; lyngba jong phi ngan wanrah ka jingshai sha ki jaitbynriew.

ISAÏAH 44:3

“Ngan ai um ïa ka ri basliang bad pynlong ïa ki wahduid ban tuid ha ka khyndew ba-tyrkhong. Ngan theh noh ïa U Mynsiem jong nga ha ki khun jong phi bad ka jingkyrkhu jong nga ha ki khun ki ksiew jong phi.

ISAÏAH 46:4

Nga long U Blei jong phi bad ngan sumar ïa phi haduh ba phin da tymmen bad ba u shñiuh jong phi u la lieh. Nga la thaw ïa phi bad ngan sumar ïa phi; Ngan ai jingïarap ïa phi bad ngan pyllait ïa phi.

ISAÏAH 46:9

To kynmaw ïa kaei kaba la jia la slem bah; to pdiang ba tang ma nga, nga long U Blei bad ym don uwei pat kum ma nga.

ISAÏAH 49:8

U Trai u ong ha la ki briew, “Haba ka por ban pyllait im ïa phi ka la poi, ngan pynpaw ïa ka jingsngewbha jong nga ïa phi bad ban sngap ïa ki jingkhot kyrpad jingïarap. Ngan ri bad ïada ïa phi bad lyngba jong phi ngan pynlong ka jutang bad ki briew baroh. Ngan shah ba phi shongduh sa shisien ha la ka ri kaba mynta ka la shu sah shrah.

ISAÏAH 5:6

Ngan shah ïa ka ba kan dap da ki ñiut suda. Ngan ym khap ïa ki thning lane kara ïa ka khyndew, hynrei ngan shah ïa ki dieng shynraiñ bad ki shiah ba kin tap ïa ka. Ngan khang wat ïa ki lyoh ban pynhap slap ha ka.”

ISAÏAH 58:11

Bad ngan ïalam ïa phi borabor, bad pynkdang ïa phi da kiei kiei kiba bha. Ngan pynlong ïa phi kiba khlaiñ bad khiah krat. Phin long kum ka kper kaba pahuh um, kum ka umpohliew ka bym ju rngad.

ISAÏAH 60:16

Ki jaitbynriew bad ki syiem kin sumar ïa pha, kumba ka kmie ka sumar ïa la ki khun jong ka. Phan sa tip ba nga U Trai, nga la pyllait ïa pha, ba U Blei Bakhrawbor ki Israel u pyllaitluid ïa pha.

ESEKIEL 34:11

“Ma nga U Trai Nongsynshar, nga ïathuh ha phi ba nga hi da lade ngan wad ïa ki langbrot jong nga bad sumar ïa ki.

ESEKIEL 34:24

Ma nga, U Trai, ngan long U Blei jong ki, bad u syiem kum u shakri jong nga u Dabid ba un long u nongsynshar jong ki. Nga la kren.

ESEKIEL 37:14

Ngan pyrsad da ka mynsiem jong nga ha ki, bad kin im biang, bad ngan sa shah ïa ki ban im ha ka ri jong ki hi. Te kin sa tip ba nga long U Trai. Nga la kular ba ngan leh ïa kane — bad ngan leh. Ma nga, U Trai, nga la kren.”

ESEKIEL 37:28

Haba nga pynïeng ïa ka Templ jong nga hangta ba kan don hapdeng jong ki junom, te ki jaitbynriew kin sa tip ba ma nga, U Trai, nga la jied ïa ki Israel ba kin long ki briew ki jong nga hi.”

1 SAMUEL 2:9

“U ïada ïa ka jingim jong kito kiba shaniah ha u, hynrei kiba bymman kin shu jah lngaid ha ka jingdum; u briew u jop ym da ka bor la jong.