ISAÏAH 26:7 - Khasi CL Bible (BSI)

⁷ A Trai, me pynlong ka lynti kaba beit na ka bynta ki briew kiba bha; ka surok kaba ki ïaid ka long kaba madan.

KA BAIBL

⁷ Ka lynti ki bahok ka long ka jingbeit: ma me uba beit, me ju ïalam ïa ka lynti jong u bahok.

ISAÏAH 26:7 ပူးပေါင်းရင်းမြစ်များ

1 KHRONIKL 29:17

Nga tip ba me tynjuh ïa ka dohnud jong uwei pa uwei bad me sngewbha bad ki briew kiba im hok. Ha ka hok bad ka jinglong sngur nga la ai da ka mon sngewbha ïa kane baroh sha me, bad nga la ïohi katno ki briew jong me kiba la ïalumlang hangne ki kmen ban wanrah ki jingainguh sha me.

Ka Kitab U Job 31:6

To ai ba U Blei un thew ïa nga ha ki tarajur bahok, bad un ïohi katno uba lui lui nga long.

SALM 1:6

Ïa kiba hok la ïalam lynti bad ïada da U Trai, hynrei kiba sniew ki don ha ka lynti sha ka jingjot jong ki.

SALM 11:4

U Trai u don ha ka Templ bakhuid jong u; u don ka khet jong u ha bneng; u khmih ïa ki briew hangno hangno haba ki don, bad u tip ki ïaleh aïu.

SALM 11:7

U Trai u long uba hok, bad u ieit ïa ki kam babha; kito kiba leh ïa ki kin im ha ka jingdon ryngkat jong u.

SALM 25:4

To hikai ïa nga ïa ki lynti jong me, A Trai; pynlong ïa nga ban tip ïa ki.

SALM 25:5

To hikai ïa nga ban im kat kum ka jingshisha jong me, naba me long U Blei jong nga, uba pynim ïa nga. Nga shaniah borabor ha me.

SALM 27:11

To hikai ïa nga, A Trai, kaei me kwah ïa nga ban leh bad ïalam ïa nga ha ka lynti kaba shngain, namar nga don shibun ki nongshun.

SALM 5:9

Kaei kaba ki nongshun jong nga ki kren ka long ka bym lah da lei lei ban shaniah; ki kwah tang ban pynjot. Ki ktien jong ki, ki long kiba pynroh bad kiba jali ja-um, hynrei kiba dap da ka jingshukor kaba shyrkhei.

PROBERB 11:5

Ka jingbeit ka pynsuk ïa ka jingim u briew uba bha, hynrei u bymman u kyllon da la ki jong ki kam bymman.

PROBERB 20:7

Ki khun ki long kiba bha kupar lada ki don u kpa uba beit bad uba leh ïa kaei kaba dei.

PROBERB 21:8

Ki briew kiba pop ki ïaid ka lynti kyllaiñ; hynrei kiba lui lui ki ïaid ha kaba beit.

PROBERB 3:6

Kynmaw ïa U Trai ha kaei kaei kaba phi leh, bad un pyn-i ha phi ïa ki lynti kaba dei.

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

ISAÏAH 35:8

Kan long ka lynti bah hangta, ba la khot “Ka Lynti jong ka Jingkhuid.” Yn ym don nongpop u ban ïaid ha kata ka lynti; ym don ki riewbieit ki ban ïalam bakla ïa kito kiba bud ïa ka.

ISAÏAH 42:16

“Ngan ïalam ïa ki briew bamatlah jong nga na ki lynti kiba kim pat ju ïaid. Ngan pynkylla ïa ka jingdum jong ki sha ka jingshai bad pynlong ïa ki jaka khohruh khohram kiba jem ha khmat jong ki. Kine ki long ki jingkular jong nga, bad ngan batskhem ïa ki.

ISAÏAH 52:12

Ha kane ka sien phin ym hap mihnoh ha ka jingkyrkieh; phin ym pyrshang ban phet noh. U Trai U Blei jong phi un ïalam ïa phi bad un ïada ïa phi na ki liang baroh.

ISAÏAH 57:2

Kito kiba im ka jingim kaba bha ki ïoh jingsuk bad jingjahthait ha ka jingïap.

JEREMAÏAH 10:23

A Trai, nga tip ba ym don uno uno uba long u kynrad ïa la ka lawei jong u hi; ym don uno uno u briew uba bat synshar ïa ka jingim jong u hi.

HOSIA 14:9

To ai ba kito kiba stad kin shemphang ïa kaei kaba la thoh hangne; bad ai ba kin pdiang ïa ki naduh ka dohnud. Ki lynti U Trai ki long kiba beit, bad ki briew kiba hok ki im da kaba bud ïa ki, hynrei ki nongpop ki jynthut bad ki kyllon namar ba kim suidñiew ïa ki.

SEPHANAÏAH 3:5

Hynrei U Trai u dang don ha ka nongbah; u leh ïa kaei kaba dei bad da lei lei ruh em ïa kaei ka bymdei. Man ka step khlem bakla, u wallam ka jinglehhok ha ki briew jong u. Bad pynban hangta ki briew bymhok ki ïai leh bymdei bad kim sngewlehrain.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

2 KORINTH 1:12

Ngi sngewsarong ba ka jingïatiplem jong ngi ka pynskhem ïa ngi ba ka jingim jong ngi ha kane ka pyrthei, bad khamtam eh ba ki jingïadei jong ngi bad phi, la pynïaid da kata ka jingkhuid bad ka jingsngur kaba na U Blei, da ka bor ka jingaiei U Blei bad ym da ka jingstad briew.

EPHESOS 2:10

U Blei u la pynlong ïa ngi kumba ngi long, bad ha U Khrist Jisu u la pynlong ïa ngi ban im na ka bynta ki kam babha, ïa kiba u la pynkhreh lypa ba ngin leh ïa ki.

1 ÏOANNIS 3:10

Kane ka long ka jingïapher kaba shai kdar hapdeng ki khun U Blei bad ki khun u Soitan: Uno uno u bym leh ïa kaei kaba dei lane u bym ieit ïa la u hynmen u para um long u khun U Blei.

1 ÏOANNIS 3:7

To wat ai ba uno uno un shukor ïa phi, ko ki khun jong nga! Uno uno uba leh ïa kaei kaba dei, u long uba hok, kumba U Khrist u long uba hok.