ISAÏAH 26:3 - Khasi CL Bible (BSI)

³ Ma me, A Trai, me ai ka jingsuk bajanai ïa kito kiba batskhem ïa ka jingthmu jong ki bad kiba buh ïa la ka jingshaniah ha me.

KA BAIBL

³ Men bat ha ka jingsuk bajanai ïa uba pynneh la ka jingmut ha me: naba u shaniah ha me.

ISAÏAH 26:3 ပူးပေါင်းရင်းမြစ်များ

1 KHRONIKL 5:20

Ki la buh ka jingshaniah ha U Blei bad ki la duwai ha u na ka bynta ka jingïarap, bad U Blei u la jubab ïa ki jingduwai jong ki bad u la pynlong ïa ki ban jop halor ki Hagrit bad ki paralok jong ki.

2 KHRONIKL 13:18

Bad kumta ki paid Judah ki la long nongjop halor ki Israel, namar ki la shaniah ha U Trai, U Blei jong ki kpa tymmen jong ki.

2 KHRONIKL 16:8

Hato ki Sudan bad ki Libya kim don ki kynhun shipai baheh paid ryngkat bad ki kali ïapom bad ki nongshong kulai? Hynrei namar ba me la shaniah ha U Trai, u la ai ka jingjop ïa me halor jong ki.

SALM 119:165

Kito kiba ieit ïa ka aiñ jong me ki don ka jingshngain bajanai, bad ym don kano kano kaba lah ban pynkyllon ïa ki.

SALM 125:1

Kito kiba shaniah ha U Trai ki long kum u lum Seïon, u bym lah ban pynkhynñiuh, u bym lah ban pynkhih.

SALM 9:10

Kito kiba ithuh ïa me, A Trai, kin shaniah ha me, mem ju iehnoh ïano ïano ba wan sha me.

ISAÏAH 12:2

U Blei u long u nongpynim jong nga; ngan shaniah ïa u bad ngan ym sheptieng. U Trai u ai ha nga ka bor bad ka jingkhlaiñ, u long u nongpynim jong nga.

ISAÏAH 26:12

Men ai ïa ngi ka jingroi jingpar, A Trai; baroh kata kaba ngi pyndep ha ka jingjop ka long ka jingmih na kaei kaba me leh.

ISAÏAH 27:5

Hynrei lada ki nongshun jong ki briew jong nga ki kwah ïa ka jingïada jong nga, ai ba kin ïasuk bad nga. Ho-oid, ai kin ïasuk bad nga.”

ISAÏAH 31:1

Kito kiba leit sha Ijipt ban ïoh jingïarap kin jot! Ki shaniah ha ka bor shipai bakhraw jong ka Ijipt — ki kulai, ki kali ïapom, bad ki shipai. Hynrei kim tip ban shaniah ha U Trai, U Blei Bakhuid ki Israel, lane pan na u ïa ka jingïarap.

ISAÏAH 32:17

Namar ba uwei pa uwei un leh ïa kaei kaba dei, kan don ka jingsuk bad ka jingshongshngain junom.

ISAÏAH 32:18

Ki briew jong U Blei kin lait na ki jingkhuslai, bad ki ïing jong ki kin suk bad kin shngain.

ISAÏAH 42:19

Hato don uno uno uba kham matlah ban ïa u shakri jong nga, uba kham kyllut ban ïa u nonglamktien ba nga phah?

ISAÏAH 42:6

“Nga, U Trai, nga la khot bad ai bor ïa phi, ban khmih ba ka jingbishar hok la pyndep ha pyrthei. Lyngba jong phi ngan pynlong ïa ka jutang bad ki briew baroh; lyngba jong phi ngan wanrah ka jingshai sha ki jaitbynriew.

ISAÏAH 48:2

Bad pynban phi sngewsarong ban ong ba phi long ki nongshong shnong jong ka nongbah bakhuid bad ba phi shaniah ha U Blei ki Israel, uba ka kyrteng jong u ka long U Trai Badonbor Baroh.

ISAÏAH 49:8

U Trai u ong ha la ki briew, “Haba ka por ban pyllait im ïa phi ka la poi, ngan pynpaw ïa ka jingsngewbha jong nga ïa phi bad ban sngap ïa ki jingkhot kyrpad jingïarap. Ngan ri bad ïada ïa phi bad lyngba jong phi ngan pynlong ka jutang bad ki briew baroh. Ngan shah ba phi shongduh sa shisien ha la ka ri kaba mynta ka la shu sah shrah.

ISAÏAH 50:1

U Trai u ong, “Phi tharai ba nga la phah noh ïa la ki briew kum u briew uba pyllait noh ïa la ka tnga? Hangno te, ki don ki kot pyllait tnga? Phi tharai nga la die ïa phi sha ka jingshahtehmraw kum u briew uba die ïa la ki khun kum ki mraw? Em, phi la leit shahtehmraw noh namar ki pop jong phi; la phah noh ïa phi namar ki kam bymman jong phi.

ISAÏAH 50:10

Phi baroh kiba burom ïa U Trai bad kiba kohnguh ïa ki ktien u shakri jong u, ka lynti kaba phi ïaid ka lah ban long kaba dum da shisha, hynrei shaniah ha U Trai, aiti ha U Blei jong phi.

ISAÏAH 66:12

U Trai u ong, “Ngan wallam ha phi ïa ka jingdap kyrhai baneh; ka spah jong ki jaitbynriew kan tuid sha phi kum ka wah, ka bym ju rngad. Phin long kum i khunlung iba la sumar da la ka kmie, ba la rah ha ki ksang'ti jong ka, bad sumar da ka jingieit.

JEREMAÏAH 39:18

Ngan pyllait ïa me na ka jingma, bad yn ym pynïap ïa me. Men lait im namar me la buh ïa la ka jingshaniah ha nga. Ma nga, U Trai, nga la kren.”

DANIEL 3:17

Lada U Blei uba ngi shakri u lah ban pyllait im ïa ngi na ka lawar ding baklang bad na ka bor jong phi, te un leh.

DANIEL 3:28

U syiem u la ong, “To ïaroh ïa U Blei jong u Shadrakh, u Meshakh, bad u Abednego! U la phah ïa u angel jong u bad pyllait im ïa kine ki rangbah kiba la shakri bad shaniah ha u. Kim shym la kohnguh ïa ka hukum jong nga bad ki la kheiñduh ïa la ka jingim ban ïa kaba dem ngon bad mane ïa uno uno u blei lait tang u jong ki hi.

DANIEL 6:23

U syiem u la kmen shikatdei bad u la ai hukum ba yn tan noh ïa u Daniel na ka thliew. Kumta ki la tan ïa u shajrong bad ki la ïohi ba um shym la mynsaw ei ei, namar u la shaniah ha U Blei.

MIKAH 5:5

Haba ki Assyria ki hiarthma ïa ka ri jong ngi bad tur lyngba ki jingïada jong ngi, ngin phah ïa ki nongïalam bakhlaiñ tam ban ïaleh ïa ki.

ÏOANNIS 14:27

“Ïa ka jingsuk nga iehnoh ha phi, ïa ka jingsuk jong nga hi, nga ai ha phi. Ngam ai ïa ka kumba ka pyrthei ka ai. Wat sngewkhuslai bad sngewdiaw; wat sngewsheptieng.

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

Ka Shithi U Paul Sha Ki Nong Rom 5:1

Mynta ngi don ka jingïadei bad U Blei lyngba ka jingngeit, ngi don ka jingïasuk bad U Blei lyngba U Jisu Khrist uba U Trai jong ngi.

PHILIPPI 4:7

Bad ka jingsuk U Blei kaba palat ïa ka jingshemphang briew baroh, kan ri jai jai ïa ki dohnud jong phi, bad ïa ki jingmut jong phi ha U Khrist Jisu.