ISAÏAH 26:1 - Khasi CL Bible (BSI)

¹ Ka sngi kan wan haba ki briew kin rwai ïa kane ka jingrwai ha ri Judah: Ka nongbah jong ngi ka long kaba skhem! U Blei da lade hi u ïada ïa ki kynroh jong ka!

KA BAIBL

¹ Ha kata ka sngi yn rwai ïa kane ka jingrwai ha ri Judah: “Ngi don ka nongbah badonbor; ïa ka jingpynim un pynlong ki kynroh bad ki jingker.

ISAÏAH 26:1 ပူးပေါင်းရင်းမြစ်များ

ESRA 3:11

Ki rwai ki jingïaroh ïa U Trai, da kaba ïai rwai ïa ka banktien: “U Trai u long uba bha, bad ka jingieit jong u ïa ki Israel ka long bymjukut.” Baroh ki pyrta jam katba don ka bor, da kaba ïaroh ïa U Trai, namar ka jingtei ïa ka nongrim jong ka Templ ka la sdang.

SALM 31:21

Ïaroh ïa U Trai! Katno kiba phylla u pyn-i ka jingieit ïa nga haba nga la shah kerkut bad tur ïaleh!

SALM 48:12

Ko ki briew jong U Blei, to ïaid sawdong ïa ka Seïon bad ñiew ïa ki jaka ap phira;

SALM 48:4

Ki syiem ki ïalumlang bad ki wan ban tur ïaleh ïa u lum Seïon.

ISAÏAH 12:1

Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

ISAÏAH 14:31

To ud bad to kyang ban ïoh jingïarap, phi baroh ki nongbah ka Philistia! To sngewshyrkhei, phi baroh! U lyoh pui pui u wan na ka phang bashatei — u long ka kynhun shipai bym don ki khawpud hapoh ka kyrdan jong ka.

ISAÏAH 2:11

Ka sngi kan wan ha kaba yn pynkut ïa ka jingsarong ba kynja briew bad yn pynjot thiaw ïa ka jinglehmeng ba kynja briew. Nangta tang ïa U Trai hi yn kyntiew burom.

ISAÏAH 2:20

Haba kata ka sngi ka wan, kin bret sharud ïa ki bleithaw ksiar bad rupa ba ki la thaw, bad kin iehnoh ïa ki ha ki khnai tynjit bad ha ki lymbit.

ISAÏAH 25:9

Haba kane kan jia, baroh kin ong, “U long U Blei jong ngi! Ngi la buh ïa ka jingshaniah jong ngi ha u, bad u la pyllait im ïa ngi. U long U Trai! Ngi la buh ïa ka jingshaniah ha u, bad mynta ngi kmen namar ba u la pynim ïa ngi.”

ISAÏAH 31:5

Kumba ka sim ka her tawiar halor ka skum jong ka ban ïada ïa ki khun rit jong ka, kumta ruh ma nga, U Trai Badonbor Baroh, ngan ïada ïa ka Jerusalem bad kyrshan ïa ka.”

ISAÏAH 31:9

U patsha jong ki un phet ha ka jingsngew shyrkhei, bad ki rangbah shipai kin sheptieng haduh katta katta haduh ba kin iehnoh ïa ki lama thma jong ki.” U Trai u la kren — U Trai ïa uba la mane ha Jerusalem bad uba ka ding jong u ka thang hangta ïa ki jingkñia.

ISAÏAH 33:5

Katno uba khraw u long U Trai! U synshar halor kiei kiei baroh. Un pyndap ïa ka Jerusalem da ka jinglehhok bad ka jinglong ba-beit bad pynlong ka jingskhem ha ka hima.

ISAÏAH 33:6

U ïada borabor ïa la ki briew bad u ai ïa ki ka jingstad bad ka jingtip. Ka jingkynshew spah bakhraw tam jong ki ka long ka jingtiengburom ïa U Trai.

ISAÏAH 4:2

Ka por ka poi ha kaba U Trai un pynlong ïa uwei pa uwei u jingthung bad u dieng ha ka ri ban long uba heh bad ba-itynnat. Baroh ki paid Israel kiba lait im kin dap da ka jingkmen bad jingsarong ha ki mar rep ba ka ri ka pynmih.

ISAÏAH 5:1

To pynshahshkor katba nga rwai ha phi ïa kane ka jingrwai, ka jingrwai u paralok jong nga bad ka bri sohwaiñ jong u: U paralok jong nga u don ka bri sohwaiñ ha u lumrit uba seisoh bha.

ISAÏAH 56:5

te ïa ka kyrteng jong me yn ïai kynmaw ha ka templ jong nga bad hapdeng ki briew jong nga kham slem ban ïa kaba me don ki khun shynrang bad ki khun kynthei. Yn ym klet ïa me lano lano ruh.”

ISAÏAH 60:18

Ïa ki jingleh thombor yn ym ïohsngew shuh, ka jingjot kan ym don shuh hapoh ki pud jong pha; ngan ïada bad kyrshan ïa pha kum ka kynroh: Phan ïaroh ïa nga namar nga la pyllait ïa pha.

ISAÏAH 62:10

Ko ki paid ka Jerusalem, leit shabar ka nongbah bad shna ka lynti na ka bynta u paidlang u ban wan phai! Pynkhreh ïa ka lynti bah; da pynkhuid ïa ki maw kiba don ha ka! To sieh ïa ka lama, khnang ba ki jaitbynriew kin tip.

ISAÏAH 62:11

Ba U Trai u la pynbna shaduh ka pyrthei baroh: “To ong ha ki paid ka Jerusalem ba U Trai un wan ban ïada ïa phi un wallam bad u ïa ki briew kiba u la pyllait im.”

JEREMAÏAH 33:11

Hynrei ha kine ki jaka phin ïohsngew biang ïa ki jingpyrta jong ka jingkmen bad ka jinglehkmen bad ki jingsawa bakmen jong ki jingïabam khawai shongkurim. Phin ïohsngew ba ki briew ki ïarwai katba ki wallam ïa ki jingainguh thang sha ka Templ jong nga; kin ïa-ong, “ ‘To ainguh ïa U Trai Badonbor Baroh, namar u long uba bha bad ka jingieit jong u ka neh bymjukut.’ Ngan pynlong ïa kane ka ri kaba roi kyrhai kumba mynshuwa. Ma nga, U Trai, nga la kren.”

ESEKIEL 40:5

Kaei kaba nga la ïohi ka long ka Templ, bad la don ka kynroh sawdong jong ka. U briew u la shim ïa u diengthew jong u, uba jrong lai mitar bad u la thew ïa kata ka kynroh. Ka long lai mitar ka kynjang, bad lai mitar ka jingrben.

SEKHARAÏAH 2:5

U Trai u la lah kular ba ma u hi un long ka kynroh ding sawdong ïa ka nongbah ban ïada ïa ka bad ba un shong un sah hangta ha ka burom jong u baroh.”

SEKHARAÏAH 2:9

“U Trai da lade hi un ïaleh pyrshah ïa phi, bad ïa phi yn sa lute da ki briew kiba shisien ki la long ki shakri jong phi.” Haba kane ka jia, uwei uwei baroh un tip ba U Trai Badonbor Baroh u la phah ïa nga.

JINGKHEIÑ 21:17

Te ki Israel ki rwai ïa kane ka jingrwai: “Ko ki pukri, pynkyrsoi ïa ka um jong phi, Da ka jingrwai ngin pdiang sngewbha ïa ka.

MATHAÏOS 16:18

Bad kumta nga ong ha me, ko Petros: me long u mawsiang, bad halor kane ka nongrim mawsiang ngan tei ïa ka balang jong nga, bad wat ka jingïap hi kan ym lah ban jop ïa ka.