ISAÏAH 24:3 - Khasi CL Bible (BSI)

³ Ka pyrthei kan ka pra bad kan jot. U Trai u la kren bad ïa kata yn pyndep.

KA BAIBL

³ Ïa ka khyndew yn pynsuda khoit, bad yn lute khoit; namar U Trai u la kren ïa kane ka ktien.

ISAÏAH 24:3 ပူးပေါင်းရင်းမြစ်များ

2 KHRONIKL 36:21

Bad kumta ïa kaei kaba U Trai u la ïathuh mynshuwa lyngba u Jeremaïah u nongïathuhlypa la pyndep: “Ka ri kan sa sah kynjah haduh hynñiewphew snem, ban pynïabiang ïa ka jingshongthait Sabbaton, ïa kaba ym pat shym la rakhe.”

ISAÏAH 21:17

Ki 'rang bahryntieh ki long ki rangbah kiba shlur tam jong ka Kedar, hynrei tang khyndiat na ki yn iehnoh, nga U Trai U Blei ki Israel, nga la kren.”

ISAÏAH 22:25

Haba kata ka jia, u snar uba la pynskhem un sa kylluid bad hap. Bad kata kan long ka jingkut jong kiei kiei baroh kiba la sdien ha u.” U Trai u la kren.

ISAÏAH 24:1

U Trai un sa pynjot ïa ka pyrthei bad un pynlong kynjah ïa ka. Un sa khyrwait ïa ka khmat jong ka pyrthei bad pynsakma ïa ki briew jong ka.

ISAÏAH 24:2

Uwei pa uwei un ïakynduh ïa kajuh ka kupar — ki lyngdoh bad ki briew, ki mraw bad ki kynrad, kiba thied bad kiba die, kiba ai kylliang bad kiba shim kylliang, kiba riewspah bad kiba duk.

ISAÏAH 24:4

Ka pyrthei ka tyrkhong bad ka stai noh; ka pyrthei baroh kawei ka kylla tlot; ka pyrthei bad ka sahit bneng, baroh ar, kin pyut noh.

ISAÏAH 42:22

Hynrei mynta ïa ki briew jong u la shah lute; ki la shah set ha ki krem byndi bad shah buhrieh ha ki ïingbyndi. Ki la shah lute bad shah pynjot. Khlem uno uno uba wan ban pyllait im ïa ki.

ISAÏAH 5:6

Ngan shah ïa ka ba kan dap da ki ñiut suda. Ngan ym khap ïa ki thning lane kara ïa ka khyndew, hynrei ngan shah ïa ki dieng shynraiñ bad ki shiah ba kin tap ïa ka. Ngan khang wat ïa ki lyoh ban pynhap slap ha ka.”

ISAÏAH 6:11

Nga la kylli, “Sa katno kan long kumne, ko Trai?” U la jubab, “Tad haduh ba ki nongbah kin jot kin pra bad long thylli — tad haduh ba ki ïing kin long ïingjah — tad haduh ba ka ri hi kan long ka jaka thylli kaba kynjah.

JEREMAÏAH 13:15

Ko ki paid Israel, U Trai u la kren! To pynrit bad shahshkor ïa u.

ESEKIEL 36:4

Kumta mynta to shahshkor ïa kaei kaba ma nga, U Trai Nongsynshar, nga ong ha phi ki lumbah bad ki lumrit, ha phi ki wahduid bad ki jaka them, bad ha phi ki jaka kiba sah ha ki jingjot jingpra, bad ha phi ki nongbah ba la iehnoh kynjah kiba la shah lute bad shah rkhiebeiñ da baroh ki jaitbynriew kiba don sawdong.

MIKAH 2:4

Haba kata ka por ka poi, ki briew kin pyndonkam ïa ka jingïathuhkhana jong phi kum ka nuksa ïa ka jingpynjot, bad kin rwai ïa kane ka jingrwai sngewsih ïa ka jingshem jong phi: “La pynjot thiaw ïa ngi! U Trai u la shim noh ïa ka ri jong ngi bad u la ai ïa ka sha kito kiba la ring koidi ïa ngi.”

MIKAH 4:4

Uwei pa uwei un shongsuk hapdeng ki bri sohwaiñ bad ki dieng Dumbur la ki jong hi, bad yn ym don mano mano ban pynsheptieng ïa u. U Trai Badonbor Baroh u la kular ïa kane.

DEUTERONOMI 29:23

Ki lyngkha kin long shrah bad kin ym seisoh shuh, naba kin dap da u kyndok bad ka mluh suda; yn ym thung ei ei hangta, bad wat u ñiut ruh, un ym mih hangta. Ka ri jong phi kan long kum ki shnong Sodom bad Gomorrah, kum ka Admah bad ka Seboiim, ïa kiba U Trai u la pynjot mynba u bitar shla.

DEUTERONOMI 29:28

U Trai u la bitar shla, bad ha kata ka jingbitar, u rat dyngkhong ïa ki na ka ri jong ki bad u bret ïa ki sha ka ri nongwei, bad hangta ki dang don haduh mynta.’