ISAÏAH 24:1 - Khasi CL Bible (BSI)

¹ U Trai un sa pynjot ïa ka pyrthei bad un pynlong kynjah ïa ka. Un sa khyrwait ïa ka khmat jong ka pyrthei bad pynsakma ïa ki briew jong ka.

KA BAIBL

¹ Ha khmih, U Trai u pynsuda ïa ka khyndew, bad u pynlong jaka kynjah ïa ka, u pynkylla khongpong ïa ka, bad u pynsaphred kylleng ïa kiba shong ha ka.

ISAÏAH 24:1 ပူးပေါင်းရင်းမြစ်များ

2 SYIEM 21:13

Ngan pynshitom ïa ka Jerusalem kumba nga la leh ïa ka Samaria, kumba nga la leh ïa u Ahab u syiem ka Israel bad ïa ki khun ki ksiew jong u. Ngan pynkhuid phar ïa ka Jerusalem na ki briew jong ka kumba khuid ka pliang ba la ñiad bad pyndem pyllup ïa ka.

NEHEMAÏAH 1:8

To kynmaw mynta kaei kaba me la ong ha u Moses: ‘Lada ma phi ki briew ka Israel phin ym ïaineh ha nga, ngan pynsakma ïa phi hapdeng kiwei ki jaitbynriew.

SALM 146:9

U ïada ïa ki nongwei kiba shong basah ha ka ri jong ngi; u ïarap ïa ki riewkynthei bad ki khunswet, hynrei u leit lam ïa ki bymman sha ka jingjot jong ki.

ISAÏAH 13:13

Ngan pynlong ïa ki bneng ban khynñiuh bad ïa ka khyndew yn pynkhih shabar na ka jaka jong ka ha kata ka sngi ha kaba ma nga, U Trai Badonbor Baroh, nga pyn-i ïa ka jingbitar jong nga.

ISAÏAH 13:5

Ki ïawan na ki ri kiba jngai bah ha kiba kut ka pyrthei. Ha ka jingbitar jong u, U Trai u wan ban pynjot ïa ka ri baroh kawei.

ISAÏAH 2:19

Ki briew kin rieh ha ki krem ha mawsiang lum lane tih thliew ha khyndew ban pyrshang ban lait na ka jingbitar jong U Trai bad ban rieh na ka bor bad ka burom jong u, haba u wan ban pynkhynñiuh ïa ka pyrthei.

ISAÏAH 24:19

Ka pyrthei kan orpait bad kan kad.

ISAÏAH 24:20

Ka pyrthei hi kan khih kum u nongbuaid bad khih shane bad shatai kum ka ïingtrep ha ka 'erïong. Ïa ka pyrthei la pynkhia da ki pop jong ka; kan khyllem bad kan ym lah khie khlieh shuh.

ISAÏAH 27:10

Ka nongbah ba la kerkut ka don ha ka jingjot. La iehnoh kynjah ïa ka kum ka ri khlaw kynjah bym don ei ei. Ka la long ka jaka bam phlang jong ki masi, ha kaba ki lah ban shongthait bad bam phlang.

ISAÏAH 29:16

Ki pynkylla khongpong ïa kiei kiei baroh. Kano kaba kham donkam, u nongthaw khiew ne ka dewbyrtha? Hato lah mo ba kaei kaei kaba u briew u la thaw kan ong ha u, “Phim shym la thaw ïa nga?” Lane hato ka lah ban ong ha u, “Phim tip ïa kaei kaba phi leh?”

ISAÏAH 29:2

bad nangta U Blei un wallam ka jingjot ïa ka nongbah ïa kaba la khot “ka duwan U Blei.” Kan don ka jingïam bad ka jingïambriew, bad ka nongbah baroh kawei kan long kum ka duwan ba la tap da ka snam.

ISAÏAH 30:32

Kumba U Trai u shoh bad u ïai shoh ïa ki, ki briew jong u pat kin ïa-ïaid ryngkat bad ki sur jong ki ksing bad ki duitara. U Blei hi da lade un ïaleh pyrshah ïa ki Assyria.

ISAÏAH 32:12

To tied ïa la ki shadem ha ka jingsngewsih namar ki lyngkha baseisoh bad ki bri sohwaiñ ki la shah pynjot,

ISAÏAH 33:9

Ka ri ka sah shrah bad long ri shyiap. Ki khlaw ka Lebanon ki la tyrkhong, ka them baseisoh ka Sharon ka long kum ka ri shyiap, bad ha Bashan bad ha u lum Karmel ki sla ki hap na ki dieng.

ISAÏAH 34:10

Kan ing mynsngi bad mynmiet, bad ka tdem kan kiew na ka junom. Ka khyndew kan sah lehnoh-ei na kawei ka rta sha kawei pat, bad yn ym don shuh u ban ïaid lyngba jong ka.

ISAÏAH 34:2

U Trai u bitar ïa baroh ki hima bad baroh ki kynhun shipai jong ki. U la pynrem ïa ki sha ka jingjot.

ISAÏAH 42:15

Nga pyntwa ïa ki lumrit bad ki lumbah ngan pyntyrkhong ïa u phlang bad ki dieng. Ngan pynkylla ïa ki them wah sha ki jaka shyiap bad pyntyrkhong ïa ki pukri um.

ISAÏAH 5:6

Ngan shah ïa ka ba kan dap da ki ñiut suda. Ngan ym khap ïa ki thning lane kara ïa ka khyndew, hynrei ngan shah ïa ki dieng shynraiñ bad ki shiah ba kin tap ïa ka. Ngan khang wat ïa ki lyoh ban pynhap slap ha ka.”

JEREMAÏAH 4:7

Kum u sing uba wan mih na ka jakarieh jong u, u nongpynjot jong ki jaitbynriew u la mihnoh. U wan ban pynjot ïa ka Judah. Ïa ki nongbah jong ka Judah yn ieh ha ki jingjot, bad yn ym don mano mano bashong ba sah ha ki.

JEREMAÏAH 40:15

Te u Johanan u la ong ha kaba rieh ha u, “Ai ba ngan leit ban pynïap ïa u Ishmael, bad yn ym don batip mano ba la leh ïa kata. Balei ba yn shah ïa u ban pynïap ïa phi? Kata kan pynlong ïa ki Jiw baroh kiba ïalum sawdong jong phi ban shah pynsakma, bad kan wallam ïa ka jingjot ha baroh ki briew ïa kiba la pynsah ha Judah.”

JEREMAÏAH 50:17

U Trai u ong, “Ki paid Israel ki long kum ki langbrot, ba la shah beh bad pynsakma da ki sing. Nyngkong, la tur ïaleh da u patsha ka Assyria, bad nangta u Nebukhadnessar u syiem ka Babilonia u ktha ïa ki shyieng jong ki.

JEREMAÏAH 51:34

U syiem ka Babilonia u la pynkut ïa ka Jerusalem bad bam ïa ka. U pynthylli ïa ka nongbah kum ïa u khra; kum u mrad kynsha u la nguid ïa ka. U la shim kat ïa kaba u kwah bad bret noh ïa kiba sah.

JEREMAÏAH 9:16

Ngan pynsakma ïa ki hapdeng ki jaitbynriew kiba ma ki lymne ki kpa tymmen jong ki, ki la ïohsngew, bad ngan phah ki kynhun shipai pyrshah ïa ki tad haduh ba ngan da pynjot khoit ïa ki.”

ESEKIEL 12:20

Ïa ki nongbah kiba mynta ki dap da ki briew yn pynjot, bad ïa ka ri yn pynkylla ri khlaw. Nangta te kin tip ba nga long U Trai.”

ESEKIEL 24:11

Mynta buh ïa u khiew rnong ba suda halor ki rnga bad ai ba un sawlep. Te u khiew un long ba la pynkhuid ha ka jinglehniam sa shisien hadien ba ka sarang ka la ing lut,

ESEKIEL 35:14

U Trai Nongsynshar u ong, “Ngan sa pynlong ïa me ka ri kaba kynjah katta katta ba ka pyrthei baroh kawei kan shadkmen namar ka jingkyllon jong me,

ESEKIEL 5:14

Uno uno na ki jaitbynriew baroh sawdong jong pha uba dei ïaid lynti un rkhiebeiñ ïa pha bad un kiar na pha.

ESEKIEL 5:2

Ïa ka shi bynta na ka lai bynta jong uta u shñiuh men thang hapoh ka nongbah, ynda la dep ka jingkerkut. Shim ïa ka bynta kaba ar bad shaiñ ïa ka da ka waitlam jong me haba me ïaid baroh sawdong ka nongbah. Ïa ka bynta kaba dang sah men pynher ha ka lyer, bad ngan sa pynbud da ka waitlam jong nga nadien jong ki.

ESEKIEL 6:14

Ho-oid ngan kner ïa ka kti jong nga bad pynjot ïa ka ri jong ki. Ngan sa pynlong ïa ka, ka jaka shrah naduh ka ri shyiap bashathie shaduh ka nongbah Riblah kaba na shatei, khlem da map ïa kano kano ruh ka jaka bashong ki Israel. Te baroh kin sa tip ba nga long U Trai.”

ESEKIEL 6:6

Ïa baroh ki nongbah ka Israel yn pynjot noh, kumta ba ïa ki duwan jong ki bad ki bleithaw jong ki yn pynpait lyngkhot lyngkhai, ïa ki duwan jingiwbih jong ki yn pynpra lyngkhot lyngkhai, bad ïa ki jingtei jong ki baroh yn sa pynjot noh.

ESEKIEL 7:12

Ka por ka la poi. Ka sngi ka la jan, ha kaba ka jingïadie ïathied kan ym don jingmut shuh, namar ka jingpynshitom U Blei kan hap ha baroh kumjuh.

ESEKIEL 7:14

Ka turoi ka riew bad baroh ki la pynkhreh. Hynrei ym don uwei ruh uba leit sha ka thma, naba ka jingbitar jong U Blei ka long halor baroh kumjuh.

NAHUM 1:5

Ki lumbah ki khynñiuh ha ka jingdon ryngkat U Trai; ki lumrit ki um noh ha khmat jong u. Ka pyrthei ka khih haba U Trai u mihpaw; ka pyrthei bad ki briew jong ka baroh ki kyiuh.

NAHUM 2:10

Ïa ka Ninebeh la pynjot, la iehnoh, kaba kynjah! Ki dohnud ki um da ka jingsheptieng; ki khohsiew ki khynñiuh, ka jingkhlaiñ ka la jah noh; ki durkhmat ki la kylla lieh blaid blaid.

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

KI KAM 17:6

Hynrei haba kim shym lap ïa ki, ki la paring ïa u Jason bad ïa ki katto katne ngut kiwei pat ki parabangeit ha khmat ki bor synshar jong ka nongbah bad ki la pyrta, “Kine ki briew ki la thaw jingkulmar kylleng kylleng! Mynta ki la wan sha ka nongbah jong ngi, bad u Jason u la pynsah ïa ki ha ka ïing jong u.

DEUTERONOMI 28:64

“U Trai un pynsakma ïa phi hapdeng ki jaitbynriew baroh, kylleng sawdong ka pyrthei, bad hangta phin shakri ïa kiwei pat ki blei kiba da ka dieng bad da u maw, ki blei kiba ma phi bad ki kpa tymmen jong phi phim pat ju mane mynshuwa.

DEUTERONOMI 32:26

Ngan jin da la pynjot thiaw ïa ki, khnang ban ym don ba kynmaw shuh ïa ki.

DEUTERONOMI 4:27

U Trai un pynsakma ïa phi hapdeng kiwei pat ki jaitbynriew, bad hangta tang khyndiat eh na phi phin lait im.

JAKOB 1:1

Na u Jakob, u shakri jong U Blei bad U Jisu Khrist uba U Trai: Ka jingai khublei ïa baroh ki briew jong U Blei ba la pynsakma sha kylleng ka pyrthei.