ISAÏAH 22:5 - Khasi CL Bible (BSI)

⁵ Kane ka dei ka por jong ka jingkhih jingmut, ka jingshahjop, bad ka jingkulmar jingmut ha ka Them ka Jingïohipaw, bad U Trai U Nongsynshar Badonbor Baroh u la phah ïa ka ha ngi. Ïa ki kynroh jong ka nongbah jong ngi la tied pynkhyllem, bad ki jingkyang ban ïoh jingïarap ki la sawa hapdeng ki lum.

KA BAIBL

⁵ Namar ka long ka sngi ka jingjop, bad ka jingïuh roit, bad ka jinglyngngoh, na U Trai, U Trai ki paid, ha ka them ka jingithuhpaw; ka jingpynkyllon ïa ki kynroh, bad ka jinglynñiar sha ki lum.

ISAÏAH 22:5 ပူးပေါင်းရင်းမြစ်များ

2 SYIEM 19:3

Kane ka dei ka khubor kaba u ong ban ai ha u Isaïah: “Kane ka dei ka sngi jong ka jingshah shitom; ngi la shah pynshitom bad don ha ka jinglehrain. Ngi long kum ka briew kaba la khreh ban kha khun, hynrei ka tlot palat ban kha.

2 SYIEM 25:10

bad ki shipai jong u ki la pynkhyllem ïa ki kynroh ka nongbah.

ESTHER 3:15

Ha ka hukum u syiem ïa ka hukum la pyntip paidbah ha Susa, ka nongbah jong ka hima, bad ki nongrah-khubor ki rah ïa ka khubor sha ki jylla. U syiem bad u Haman ki shong bad ïadih sngewbha katba ka nongbah Susa ka la don hapdeng ka jingkulmar.

ISAÏAH 10:6

Nga la phah ïa ka Assyria ban tur ïaleh ïa ka jaitbynriew bym don blei, ki briew kiba la pynbitar ïa nga. Nga la phah ïa ki ban lute, ban tuh bad ban ïuhroit ïa ki briew kum ïa u pui pui ha ki lynti.”

ISAÏAH 22:1

Kane ka dei ka khubor shaphang ka Them ka Jingïohipaw. Kaei kaba jia? Balei ki briew baroh jong ka nongbah ki rakhe lehkmen halor ki tnum ïing?

ISAÏAH 25:10

U Trai un ïada ïa u Lum Seïon, hynrei ki briew jong ka Moab kin shah ïuhroit, kumba ïa u phlangïap la ïuh haba shna sboh.

ISAÏAH 37:3

Kane ka long ka khubor ba u ïathuh ha ki ban ai ha u Isaïah; “Mynta ka long ka sngi jong ka jingjynjar; ngi la shah pynshitom bad ngi long ha ka jinglehrain. Ngi long kum ka kynthei kaba la suh kha, hynrei kaba tlot katta katta ba kam lah ban kha.

ISAÏAH 5:5

“Kane ka dei kaei kaba ngan leh ïa ka bri sohwaiñ jong nga: Ngan weng noh ïa ka jingker baroh sawdong jong ka, ngan pynpra ïa ka kynroh kaba da ïa ka, ngan shah ïa ki mradkhlaw ban bam ïa ka bad ïuhroit ïa ka.

ISAÏAH 63:3

U Trai u jubab, “Nga la ïuh ïa ki jaitbynriew kum ki sohwaiñ, bad ym don uwei ruh u ba la wan ban ïarap ïa nga. Nga la ïuh ïa ki ha ka jingbitar, bad ka snam jong ki ka la bit lut ha ki jaiñphong jong nga.

ISAÏAH 63:6

Ha ka jingbitar jong nga, nga ïuhroit ïa ki jaitbynriew baroh bad nga lynthaw ïa ki. Nga la theh ïa ka snam jong ki ha madan.”

JEREMAÏAH 30:7

Ka sngi kaba shyrkhei ka wan; ym don kano kano kawei pat ka sngi kaba lah ban nujor bad ka — ka por ka jingnoh mynsiem na ka bynta ki briew jong nga, hynrei kin lait im.”

SNGEWSYNEI 1:5

Ki nongshun jong ka ki la jop; ki la bat ïa ka ha ka bor jong ki. U Trai u la pynlong ïa ka ban shahshitom na ka bynta ki pop kiba bun jong ka baroh. Ïa ki khun jong ka la kem bad la shah rah noh.

SNGEWSYNEI 2:2

U Trai u la pynjot khlem ka jingisynei ïa kawei pa kawei ka nongrit ha Judah bad u la kad pynpra ïa ki kut kiba ïada ïa ka ri. U la wallam ka jingjahburom ha ka hima bad ki nongsynshar jong ka.

SNGEWSYNEI 2:8

U Trai u la kut jingmut ba ki kynroh jong ka Seïon ki dei ban khyllem; u la thew ïa ki ban pynthikna ïa ka jingpynjot thiaw. Ki mot bad ki kynroh mynta ki ïadon lang ha ka jingjot.

ESEKIEL 7:7

Kaba kut ka la wan ha phi ki briew kiba shong ha ka ri. Ka por ka la jan ha kaba yn ym don shuh ka jingïaleh kmen ha ki jaka mane ha ki lumbah, tang ka jingkulmar suda.

HOSIA 10:8

Ïa ki jaka mane blei ha kliar lum Aben, ha kiba ki paid Israel ki mane ïa ki bleithaw, yn pynjot noh. Ki shiah bad ki ñiut kin san ha ki duwan jong ki; ki briew kin sa pyrta ha ki lumbah, “To buhrieh ïa ngi!” bad ha ki lumrit, “To tap ïa ngi.”

MIKAH 7:4

Wat kiba bha tam bad bahok tam na ki, ki long ki bymdondor kum ki ñiut. Ka sngi ka la poi haba U Blei un pynshitom ïa ki briew, kumba u la maham ïa ki lyngba ki nongap phira, ki nongïathuhlypa. Mynta ki don ha ka jingkulmar jingmut.

SEPHANAÏAH 1:15

Kan long ka sngi jong ka jingbitar shla, ka sngi ka jingjynjar bad ka jingnoh mynsiem, ka sngi ka jingjot bad ka jingpynjot, ka sngi ka jingdum bad ka jingsngewsih, kaba dum bad ka sngi ba kah lyoh,

MATHAÏOS 24:16

“Nangta kito kiba don ha Judia ki dei ban phet sha ki lum.

LOUKAS 23:30

Kata kan long ka por ha kaba ki briew kin ong ha ki lumbah, ‘To hap halor jong ngi!’ bad ha ki lumrit, ‘To buhrieh ïa ngi!’