ISAÏAH 22:2 - Khasi CL Bible (BSI)

² Ka nongbah baroh kawei ka don ha ka jingkhihwin, la pyndap da ka jingsawa bad ka jingshongshit. Ki rangbah jong phi kiba la ïap ha kane ka thma kim shym ïap ha ka jingïaleh.

KA BAIBL

² A pha kaba la dap da ki jingrisa, ka nongbah bakhihwin, ka shnong bakmen; ïa kiba la pynïap jong pha ym shym la pynïap da ka waitlam, lymne kim shym la ïap ha ka thma.

ISAÏAH 22:2 ပူးပေါင်းရင်းမြစ်များ

ISAÏAH 10:4

Phin shah pynïap ha ka thma lane phin shah paring kum ki koidi. Pynban wat la katta ruh, ïa ka jingbitar jong U Trai yn ym pynkut; ka kti jong u kan dang ïai kner ban pynshitom.

ISAÏAH 23:7

Hato kane kan long ka nongbah bakmen jong ka Tyros, ïa kaba la tei naduh mynbarim? Hato kane ka dei ka nongbah kaba la phah ïa ki nongshong shnong sha shiliang ka duriaw ban buhai shnong?

ISAÏAH 32:13

bad ki bniap shiah bad ki shynraiñ ki mih ha ka ri ki briew jong nga. To ïam na ka bynta ki ïing baroh ha kaba ki briew ki la ju long kiba kmen bad ka nongbah kaba la ju dap da ka jingim.

ISAÏAH 32:14

Wat ïa ka ïingsyiem yn iehnoh bad ka nongbah kan long kynjah jar. Ki ïing bad ki jaka ba la tei kut kiba ïada ïa ki kin don hapdeng ka jingjot junom. Ki kada khlaw kin ïashang hangta, bad ki langbrot kin shem ki jaka phlang hangta.

ISAÏAH 37:33

“Kane ka long kaei kaba U Trai u la ong shaphang u patsha Assyria: ‘Un ym ïohrung ha kane ka nongbah lane siat ïa uwei u khnam pyrshah ïa ka. Yn ym don ki shipai lem bad ki stieh ki ban wan hajan ka nongbah, bad yn ym don ka kynton ba la tei ha sawdong jong ka.

ISAÏAH 37:36

U angel jong U Trai u leit sha ka jaka shong dara ki Assyria bad u pynïap shi lakh phraphew san hajar ngut ki shipai. Dang step phyrngab ka sngi kaba bud hangta ki thiah, baroh ki la ïap!

JEREMAÏAH 14:18

Haba nga leit sha ki lyngkha, nga ïohi ïa ki met jong ki rangbah kiba la shah pynïap ha ka thma; haba nga leit sha ki shnong, nga ïohi ïa ki briew kiba ïapthngan. Ki nongïathuhlypa bad ki lyngdoh ki trei la ki kam, hynrei kim tip ïa kaei ki leh.”

JEREMAÏAH 38:2

U Trai u la ong, “Uno uno uba shong ha ka nongbah un ïap ha ka thma lane ka jingïapthngan lane ka jingpang. Hynrei uno uno uba mihnoh bad uba pyndem ha ki nong Babilonia, yn ym pynïap; la kumno kumno un pyllait ïa la ka jingim.”

JEREMAÏAH 52:6

Ha ka sngi kaba khyndai jong u bnai uba saw jong kata kajuh ka snem, haba ka 'nemsniew ka la jur palat kat haduh ba ki briew kim don ei ei shuh ban bam, ïa ki kynroh ka nongbah la pynpei lyngba.

SNGEWSYNEI 1:1

Katno kaba kynjah long ka Jerusalem, kaba shisien ka long kaba dap da ki briew! Shisien la pyndonburom da ka pyrthei, mynta ka long kum ka riewkynthei; kaba donburom tam na ki nongbah ka la kyllon sha ka jinglongmraw.

SNGEWSYNEI 2:20

Ha khmih, ko Trai! Khmih ïa kito kiba me la pynshitom! Ki kynthei ki bam ïa ka met jong ki khun kiba ki ieit! Ki lyngdoh bad ki nongïathuhlypa ki shah pynïap hapoh ka Templ hi!

ESEKIEL 22:5

Ki ri ba-marjan bad ki ri ba hajngai ki krenbeiñ ïa pha namar ka jingbymdon aiñ ha pha.

SEPHANAÏAH 2:15

Kata ka long kaei ka ban jia ïa ka nongbah kaba sarong katta katta ïa la ka bor bad kaba pyrkhat ba ka don ha ka jingshngain. Ki briew jong ka ki pyrkhat ba ka nongbah jong ki ka long kaba khraw tam ha ka pyrthei. Katno kan long ka jaka kaba kynjah, ka jaka ha kaba ki mradkhlaw kin pynjahthait! Uwei uwei baroh uba ïaid lyngba jong ka un kynran dien ha ka jingsheptieng.