ISAÏAH 21:2 - Khasi CL Bible (BSI)

² Nga la ïohi ka jingïohipaw jong ki jingjia ba-ishyrkhei, ka jingïohipaw ïa ka jingshetkylla bad ka jingpynjot. Ko kynhun shipai jong ka Elam, to tur ïaleh! Ko kynhun shipai jong ka Media, to kerkut ïa ki nongbah! U Blei un pynkut ïa ka jingshitom kaba la wanrah da ka Babilon.

KA BAIBL

² Ka jingithuhpaw bashitom la pynpaw ha nga; u nongshetkylla u la shetkylla, bad u nonglute u lute. To leit kiew, ko Elam; to ker kut, ko Mid; nga la pynwai noh ïa ka jingud mynsiem jong ka baroh.

ISAÏAH 21:2 ပူးပေါင်းရင်းမြစ်များ

JENESIS 10:22

Ki khun shynrang jong u Shem — u Elam, u Asshur, u Arpakhshad, u Lud, bad u Aram — kiba long ki kpa tymmen jong ki briew kiba kheiñ jait na ki.

2 SYIEM 17:6

kaba long ka snem kaba khyndai jong ka jingsynshar u Hoshea, u patsha ka Assyria u kurup ïa ka Samaria, u rah ïa ki Israel sha Assyria kum ki koidi, bad pynsah katto katne ngut na ki ha ka nongbah Halah, katto katne pat hajan ka wah Habor ha ka distrik Gosan, bad katto katne ha ki nongbah jong ka Media.

SALM 119:158

Haba nga khmih ïa kito ki nongshetkylla, la pyndap ïa nga da ka jingijli, namar kim sumar ïa ki hukum jong me.

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

SALM 25:3

Ka jingshahjop kan ym wan ha kito kiba shaniah ha me, hynrei ha kito kiba kloi ban ïeng ïaleh pyrshah ïa me.

SALM 60:3

Me la pynlong ïa ki briew jong me ban shahshitom shibun eh; ngi ïaid sheng sheng kum kiba la buaid.

SALM 79:11

To shahshkor ïa ki jingud jong ki koidi, bad da ka borbah jong me, to pyllaitluid ïa kito ïa kiba la shah pynrem ban ïap.

PROBERB 13:15

Ka jingshemphang ka pynïoh ïa ka jingñiewburom, hynrei kito ki bym lah ban shaniah ki don ha ka lynti sha ka jingjot.

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 14:4

Haba u leh ïa kane, ki dei ban tim ïa u syiem ka Babilonia bad ong: “U syiem barunar u la kyllon! Un ym banbeiñ shuh da lei lei ïano ïano sa shisien pat!

ISAÏAH 14:7

Mynta ha kaba khatduh ka pyrthei baroh kawei ka ïoh ïa ka jingjahthait bad ka jingsuk, bad uwei pa uwei u rwai da kaba kmen.

ISAÏAH 22:6

Ki shipai na ka ri Elam ki la wan da kaba shong halor ki kulai, ki da kieng atiar da ki ryntieh bad ki khnam. Ki shipai na ka ri Kir ki la khreh ïa ki stieh jong ki.

ISAÏAH 24:16

Na ki bynta bajngai tam ka pyrthei ngin ïohsngew ïa ki jingrwai jingïaroh ïa ki Israel, ka jaitbynriew bahok. Hynrei ym don jingkyrmen na ka bynta jong nga! Nga shu duh lehnoh-ei! Ki nongshetkylla ki ïai shetkylla, bad ka kam shyrkhei jong ki ka nang sniew nang sniew.

ISAÏAH 33:1

Ki nongshun jong ngi ki la shahjop! Ki la lute bad shetkylla, wat la ym shym don kiba la lute ne shetkylla ïa ki. Hynrei ka por ban lute bad shetkylla kan kut, bad ma ki hi kin sa long kiba shah lute bad kiba shah shetkylla.

ISAÏAH 35:10

Kin poi sha Jerusalem da ka jingkmen, kin rwai bad kin pyrta da ka jingkmen. Kin long kiba kmen junom, kiba la lait junom na ka jingsngewsih bad ka jingpangnud.

ISAÏAH 47:6

Nga la bitar ïa ki briew jong nga; nga la shim ïa ki kumba kim dei shuh ki jong nga: Nga buh ïa ki ha ka bor jong pha, bad pham pyn-i jinglehisynei ïa ki; wat ïa kiba la tymmen pha leh da kaba tyngeh.

JEREMAÏAH 31:20

“Ko Israel, phi long u khun ba-ieit eh jong nga, u khun uba nga ieit tam. Man ba nga ong ïa ka kyrteng jong phi, nga pyrkhat shaphang jong phi da ka jingieit. Ka dohnud jong nga ka leit sha phi; ngan isynei ïa phi.

JEREMAÏAH 31:25

Ngan pynthymmai bor ïa kito kiba la thait bad pynhun da ka jingbam ïa baroh kiba la tlot na ka jingthngan.

JEREMAÏAH 49:34

Shen hadien ba u Sedekaïah u la long u syiem ka Judah, U Trai Badonbor Baroh u la kren ha nga shaphang ka ri Elam.

JEREMAÏAH 49:35

U ong, “Ngan pynïap ïa ki nongsiatkhnam kiba la pynlong ïa ka Elam ban long kaba khrawbor.

JEREMAÏAH 50:14

“Ko nongsiatkhnam, to ïeng ryntih na ka bynta ka thma pyrshah ïa ka Babilon bad kerkut ïa ka. To siat ïa ki khnam jong phi baroh ïa ka Babilon, namar ka la leh pop pyrshah ïa nga, U Trai.

JEREMAÏAH 50:34

Hynrei uwei u ban pyllait ïa ki u long uba khlaiñ — ka kyrteng jong u ka long U Trai Badonbor Baroh. Ma u hi da lade un bahkhlieh na ka bynta jong ki bad un wallam ïa ka jingsuk ha ka pyrthei, hynrei ka jingjynjar ïa ki briew jong ka Babilonia.”

JEREMAÏAH 51:11

U Trai u la pynkhih ïa ki syiem jong ka Media, namar u thmu ban pynjot ïa ka Babilonia. Dei da kumta un siew kylliang namar ka jingpynjot ïa ka Templ jong u. Ki rangbah ai hukum ban tur ïaleh, ki hukum, “Pynnep ïa ki khnam jong phi! Pynkhreh ïa ki stieh jong phi!

JEREMAÏAH 51:44

Ngan pynshitom ïa u Bel, u blei ki nong Babilonia, bad ngan pynlong ïa u ban aiti noh ïa ki tiar jong u kiba shu tuh; ki jaitbynriew kin ym mane shuh ïa u. “Ki kynroh ka Babilon ki la khyllem.

JEREMAÏAH 51:53

Wat la ka Babilon ka lah ban kiew sha suiñbneng bad tei ka kut baskhem hangta, ngan dang ïai phah hi ïa ki briew ban pynjot ïa ka. Ma nga, U Trai nga la kren.”

SNGEWSYNEI 1:22

“To pynrem ïa ki na ka bynta ka jingbymman jong ki baroh; to pynshitom ïa ki kumba me la pynshitom ïa nga na ka bynta ki pop jong nga. Nga ud ha ka jingjynjar, bad nga pang ha ka dohnud jong nga.”

DANIEL 5:28

Ki jingbynta, Ïa ka hima jong phi la pynbynta bad la ai ha ki Mid bad ki Persia.”

DANIEL 5:9

Ha ka jingjynjar jingmut u syiem Belshassar u la nang kham lieh blaid blaid, bad ki rangbah donburom jong u kim tip shuh kumno yn leh.

DANIEL 8:2

Ha ka jingïohipaw nga la shem kynsan ïa lade ha ka nongbah Susa ba la ker kynroh ha ka probins jong ka Elam. Nga la ïeng harud ka wah Ulai,

DANIEL 8:20

“U langbrot uba me ïohi uba la don ar tylli ki reng u ïeng na ka bynta ki hima jong ka Media bad Persia.

JINGPYNPAW 13:10

Uno uno uba dei ban shah kem un shah kem da shisha; uno uno uba dei ban shah pynïap da ka waitlam un shah pynïap shisha da ka waitlam. Kane ka dawa ïa ka jingïaishah bad ïa ka jingngeit na ka liang jong ki briew jong U Blei.”

1 SAMUEL 24:13

Phi tip ïa ka jingong mynbarim, ‘Ïa ka jingbymman la leh tang da ki riewbymman.’ Bad kumta ngan ym pynmynsaw ïa phi.