ISAÏAH 20:2 - Khasi CL Bible (BSI)

² Lai snem mynshuwa, U Trai u la ong ïa u Isaïah u khun jong u Amos ban loit noh ïa ki juti jong u bad ïa ka jaiñ khain kaba u phong. U la kohnguh bad u la ïaid lyngkhuit bad da ka kjat suda.

KA BAIBL

² ha kata ka por U Trai u la kren da u Isaïah u khun u Amos, u da ong, “Khie, loit ruh ïa kata ka jaiñ byrni na ka syngkai jong me, bad law noh ka juti na la ka kjat.” U la leh kumta ruh, u da ïaid lyngkhuit bad khlem juti.

ISAÏAH 20:2 ပူးပေါင်းရင်းမြစ်များ

2 SAMUEL 15:30

Haba u Dabid u leit shalor u Lum ki Olib da kaba ïam; u ïaid da ka kjat suda bad u tap ïa la ka khlieh kum ka dak ka jingsngewsih. Baroh kiba bud ïa u ki la tap ïa la ki khlieh bad ki la ïam ruh.

2 SAMUEL 6:20

Hadien kata, haba u Dabid u la leit sha ïing ban khublei ïa la ki ba-ha-ïing, ka Mikhal ka wan mih ban ïakynduh ïa u. “U syiem ki Israel u la pynkhraw nam ïa lade ha kane ka sngi!” ka ong. “U la pynlyngkhuit ïa lade kum u bieit ha khmat ki shakri kynthei jong ki rangbah synshar jong u.”

2 SYIEM 1:8

“U phong ka jingkup kaba la shna na ki snieh mrad, ïa kaba la teh da u panpoh snieh,” ki jubab. “U dei u Elijah!” u syiem u la ong jam.

SALM 30:11

Me la pynkylla ïa ka jingsngewsih jong nga sha ka jingshadkmen; me la shim noh ïa ka jingsngewsih jong nga bad kerkut ïa nga da ka jingkmen.

EKSODOS 3:5

“Wat wan sha jan,” ong U Blei. “Loit noh ïa la ki juti, namar me ïeng ha ka jaka kaba khuid.

ISAÏAH 1:1

Kane ka kitab ka don ki khubor shaphang ka Judah bad ka Jerusalem kaba U Blei u la pynpaw ha u Isaïah u khun jong u Amos ha ka por ha kaba u Ussaïah, u Jotham, u Ahas bad u Hesekaïah ki long ki syiem ka Judah.

ISAÏAH 13:1

Kane ka dei ka khubor shaphang ka Babilon, kaba u Isaïah u khun jong u Amos u la ïohpdiang na U Blei.

ISAÏAH 37:2

U la phah ïa u Eliakim, u rangbah synshar ba dei peit ïa ka ïingsyiem, ïa u Shebna, u sekretari ka ïingbishar, bad ki lyngdoh ba rangbah sha u Isaïah u nongïathuhlypa, u khun jong u Amos. Ki ruh ki phong da ki jaiñ khain.

JEREMAÏAH 48:37

Baroh na ki, ki la khi ïa la ki khlieh bad ki la khapnoh ïa la ki 'ñiuhtmoh. Baroh ki la pynmong ïa la ki kti, bad uwei pa uwei u phong ïa ki jaiñ khain.

ESEKIEL 24:17

Wat ai ba yn pynsngew ïa ki jingïam jong pha. Wat leit kumto khlem tapkhlieh lane khlem jingsopkjat kum ka dak jong ka jingïam pangnud. Wat tap ïa la ka khmat lane bam ïa ka jingbam kaba ki nongïam pangnud ki bam.”

ESEKIEL 24:23

Phan ym leit khlem tapkhlieh lane khlem sopkjat lane sngewsih ne ïam. Phan pynsep-ei namar ki pop jong pha, bad phan ïa-ud iwei ha iwei.

ESEKIEL 4:1

U Blei u la ong, “Ko khun u briew, shim uwei u maw-it, buh ïa u ha khmat jong me bad pruid dak ha u ban ïeng na ka bynta ka nongbah Jerusalem.

MIKAH 1:11

Phi ki briew ka Shaphir, leit shah ringmraw, ha ka jinglyngkhuit bad jinglehrain. Kito kiba shong ha Saanan kim nud ban mih shabar na ka nongbah jong ki. Haba phi ïohsngew ïa ki briew jong ka Bethesel ki ïambriew, phin tip ba ym don jakarieh hangta.

MIKAH 1:8

Nangta u Mikah u la ong, “Namar kane ngan ïambriew bad ïam sngewsih. Ban pynpaw ïa ka jingsngewsih jong nga, ngan ïaid da ka kjat suda bad khlem jaiñkup. Ngan jlew kum u myrsiang, bad ngan ud kum ka ostrit.

SEKHARAÏAH 13:4

Haba kata ka por ka poi, yn ym don nongïathuhlypa u ban sngewsarong ïa ki jingïohipaw jong u lane leh kum u nongïathuhlypa lane kup ïa ka jaiñkup bakhain jong u nongïathuhlypa khnang ban shukor ïa ki briew.

MATHAÏOS 16:24

Nangta U Jisu u la ong ha la ki synran, “Lada uno uno u kwah ban wan bad nga, u dei ban klet ïa lade, ban bah ïa la ka diengphna, bad bud ïa nga.

MATHAÏOS 3:4

Ïa ki jaiñ jong U Ïoannis la shna da u shñiuh jong ka ut; u la panpoh da u panpoh snieh ha ka syngkai jong u, bad ka jingbam jong u ka la long da ki puit bad ka ngap khlaw.

ÏOANNIS 21:7

U synran ïa uba U Jisu u ieit u la ong ha u Petros, “U dei U Trai!” Haba u Petros u la ïohsngew ba dei U Trai, u tap da ka jaiñ ïa la ka met (naba u la loit noh ïa la ki jaiñphong) bad u la ryngkoh shapoh um.

KI KAM 19:16

Uta u briew uba la don u mynsiem bymman u la tur puk sha ki da ka jinglehbor kaba haduh katta ba u la jop ïa ki baroh. Ki la phet noh na ka ïing jong u, kiba la mynsaw bad ha ki jaiñ kiba la shah tar.

KI KAM 21:11

U la wan sha ngi, u la shim ïa u panpoh jong u Paul, u la teh ïa la ki kti bad ki kjat da uta, bad u la ong, “Kane ka long kaei kaba U Mynsiem Bakhuid u ong: Ïa u trai jong une u panpoh yn teh ha kane ka rukom da ki Jiw ha Jerusalem, bad kin sa aiti ïa u ha ki Jentil.”

JOSHUA 5:15

Te uta u rangbah ai hukum jong ka kynhun ïapom U Trai u ong ha u, “Loit noh ïa ki juti jong me, naba kata ka jaka ha kaba me ïeng ka long kaba khuid.” Bad u Joshua u la leh kumba la bthah ïa u.

JINGPYNPAW 11:3

Ngan sa phah ïa ki sakhi jong nga ar ngut kiba kup da ki jaiñ khain, bad kin pynbna ïa ka khubor U Blei ha kita ki shihajar arspah hynriewphew sngi.”

1 SAMUEL 19:24

U loit noh ïa la ki jaiñ bad u shad bad risa ha khmat u Samuel, bad u thiah lyngkhuit ha kata ka sngi baroh shi sngi bad ha kata ka miet baroh shi miet. (Ha kane ka rukom la mih ka jingong, “Hato wat u Saul ruh u la kylla long u nongïathuhlypa?”)