ISAÏAH 2:8 - Khasi CL Bible (BSI)

⁸ Ka ri jong ki ka dap da ki bleithaw, bad ki mane ïa kita kiba ki la shna da ki kti jong ki hi.

KA BAIBL

⁸ Bad ka ri jong ki, ka dap da ki bleithaw; ki ïamane ïa ka jingtrei ki kti jong ki hi, kaba ki shynriah'ti jong ki, ki la thaw.

ISAÏAH 2:8 ပူးပေါင်းရင်းမြစ်များ

1 SYIEM 16:7

Kata ka khubor na U Trai pyrshah ïa u Baasha bad ïa ka longïing jong u la ai da u Jehu u nongïathuhlypa namar ki pop ba u Baasha u la leh pyrshah ïa u Trai. U la pynkhih bitar ïa U Trai ym tang namar ki kam bymman ba u la leh, kumba u syiem Jeroboam u la leh ha shuwa jong u, hynrei ruh namar ba u la pynïap ïa baroh na ka longïing jong u Jeroboam.

2 SYIEM 17:10

Ha baroh ki lumrit bad ha syrngiew jong uwei pa uwei u dieng ki pynïeng ïa ki païa maw bad ki dur jong ka blei Asherah,

2 SYIEM 17:16

Ki pynkheiñ ïa baroh ki hukum U Trai U Blei jong ki bad ki thaw ar tylli ki khun masi da ka nar ban mane; ki thaw ruh ïa ka durblei jong ka blei Asherah, ki mane ïa ki khlur, bad ki shakri ïa u blei Baal.

2 KHRONIKL 27:2

U la leh ïa kaei kaba pynsngewbha ïa U Trai, kumba u kpa jong u, u la leh; hynrei, ym kum u kpa jong u, um shym la leh pop da kaba thang jingiwbih ha ka Templ. Ki briew pynban, ki dang ïai leh pop.

ISAÏAH 17:8

Kin ym shaniah shuh ha ki duwan kiba ki la thaw da ki kti jong ki, lane shaniah ha ki kam ki kti jong ki hi — ki dak jong ka bleithaw Asherah bad ki duwan ban thang jingiwbih.

ISAÏAH 26:13

A Trai, U Blei jong ngi, ïa ngi la synshar da kiwei pat, hynrei tang ma me, me long U Trai jong ngi.

ISAÏAH 37:19

bad ki la thang lut ïa ki blei jong ki — ki bym long satia ki blei, tang ki dur jong u dieng bad u maw ba la shna da ki kti briew.

ISAÏAH 40:19

Um long kum i bleithaw ba u nongtrei u shna ba ki kamar ki sop da ka ksiar bad pynshong ha u khiew rupa.

ISAÏAH 41:29

Baroh kine ki blei ki long ki bymlarkam; Kim lah ban leh ei ei ruh em — Kine ki bleithaw ki long kiba tlot bad ki bymdonbor.”

ISAÏAH 57:5

Phi mane ïa ki blei pynkharoi da kaba ïathiah shongkha hapoh ki dieng bakyntang jong phi; phi ai ïa la ki khun kum ki jingkñia hapoh ki synrang mawsiang harud ki phud wahduid.

JEREMAÏAH 1:16

Ngan pynshitom ïa ki briew jong nga namar ki la leh pop; ki la phai dien noh na nga, ki la ai jingkñia sha kiwei pat ki blei, bad ki la shna ïa ki bleithaw bad mane ïa ki.

JEREMAÏAH 11:13

Ki briew jong ka Judah ki la don shibun bah ki blei kumba ki la don ki nongbah, bad ki nongshong shnong jong ka Jerusalem ki la pynïeng katta tylli ki duwan na ka bynta ki jingkñia sha uta u blei Baal ba-ijli kat ka jingdon ki lynti hapoh ka nongbah.

JEREMAÏAH 2:28

“Hangno ki blei kiba phi la thaw na ka bynta ïa lade? Haba phi don ha ka jingjynjar, ai ba ma ki kin pynim ïa phi — lada ki lah! Ko Judah pha la don shibun ki blei kumba pha don ki nongbah.

HOSIA 12:11

La katta ruh ki dang mane ïa ki bleithaw ha Gilead, bad kito kiba mane ïa ki kin ïap. Ha Gilgal ki kñia ïa ki masi kyrtong, bad ki duwan hangta kin kylla long kum ki kynton maw ha ki pyntha bym don jingkah.”

HOSIA 13:2

Kin nang ïai leh pop shuh shuh da kaba saiñ ïa ki durblei ban mane — ki bleithaw kiba da ka rupa, kiba la saiñdur da ka jingpyrkhat briew, ba la shna da ki kti briew. Bad nangta ki ong, “Ai ki jingkñia sha ki!” Kumno ki briew kin doh ïa kito ki bleithaw — ki bleithaw ha ka dur ki masi kyrtong!

HOSIA 14:3

Ka Assyria kan ym lah da lei lei ban pyllait im ïa ngi, bad ki kulai thma kim lah ban ïada ïa ngi. Ngin ym ong shuh ha ki bleithaw jong ngi ba ki long U Blei jong ngi. A Trai, me pyn-i jingisynei ha kito ki bym don uno uno sha uba ki lah ban phai.”

HOSIA 8:6

U nongsaiñdur na Israel uba la thaw ïa u bleithaw, bad um dei satia u blei! Ïa u khun masi ksiar ba mane ha Samaria yn sa pynpait lyngkhot lyngkhai.

MIKAH 5:12

Ngan pynjot ïa ki jingleh myntor kiba phi pyndonkam bad ngan iehnoh ïa phi khlem ki nongkren byrtong.

KI KAM 17:16

Katba u Paul u dang ap ha Athens ïa u Silas bad u Timothi, u sngew shitom jingmut shikatdei eh haba u la ïohi ba ka nongbah ka shlei da ki bleithaw.

DEUTERONOMI 4:28

Hangta phin shakri ïa ki blei dieng bad ki blei maw ïa kiba la thaw da ka kti briew, ki bym lah ban ïohi lane ban ïohsngew, ban bam lane ban sma.

JINGPYNPAW 9:20

Kiba sah na u bynriew, baroh kito kiba ym shym la pynïap noh da kine ki jingïapthem, kim shym la phai noh na kaei kaba ki hi ki la pynlong. Kim shym la sangeh ban mane ïa ki ksuid, lane ïa ki blei ba la thaw da ka ksiar, ka rupa, ka rnong, u maw, bad da ka dieng, ki bym lah ban ïohi, ne ïohsngew, ne ïaid.