ISAÏAH 2:7 - Khasi CL Bible (BSI)

⁷ Ka ri jong ki ka dap da ka rupa bad ka ksiar, bad ym don jingkut ïa ki jingkynshew jong ki. Ka ri jong ki ka dap da ki kulai, bad ym don jingkut ïa ki kali ïapom jong ki.

KA BAIBL

⁷ Te ka ri jong ki ka dap da ka rupa bad ka ksiar, bad ym don jingkut ïa ki jingkynshew jong ki; ka ri jong ki, ka dap ruh da ki kulai, bad ym don jingkut ïa ki kali ïapom jong ki.

ISAÏAH 2:7 ပူးပေါင်းရင်းမြစ်များ

1 SYIEM 4:26

U Solomon u don sawphew hajar tylli ki sem ïa ki kulai ring kali, bad khat-ar hajar ngut ki shipai shong kulai.

Ka Kitab U Job 3:15

Te ngan jin da la ïohthiah kum ki khun syiem kiba pyndap ïa ki ïing jong ki da ka ksiar bad ka rupa, lane ïohthiah kum u khunlung ba dang shu kha.

SALM 20:7

Katto katne ki shaniah ha ki kali ïapom jong ki bad kiwei pat ha ki kulai jong ki, hynrei ngi, ngi shaniah ha ka bor jong U Trai U Blei jong ngi.

ISAÏAH 30:16

Pynban, phi thmu ban lait im na ki nongshun jong phi da kaba shong ha ki kulai bastet. Phi pyrkhat ïa kaba dei — ka jinglait im ka long kaei kaba phi donkam! Phi pyrkhat ba ki kulai jong phi ki long kiba stet bha, hynrei kito kiba beh nadien jong phi ki kham stet!

ISAÏAH 31:1

Kito kiba leit sha Ijipt ban ïoh jingïarap kin jot! Ki shaniah ha ka bor shipai bakhraw jong ka Ijipt — ki kulai, ki kali ïapom, bad ki shipai. Hynrei kim tip ban shaniah ha U Trai, U Blei Bakhuid ki Israel, lane pan na u ïa ka jingïarap.

ISAÏAH 57:17

Nga la bitar ïa ki namar ka pop bad ka jingkwah lalot jong ki, bad kumta nga la pynshitom bad iehnoh ïa ki. Hynrei ki la long mutlop bad ki la nang ïaid ha la ki jong ki lynti.

HOSIA 14:3

Ka Assyria kan ym lah da lei lei ban pyllait im ïa ngi, bad ki kulai thma kim lah ban ïada ïa ngi. Ngin ym ong shuh ha ki bleithaw jong ngi ba ki long U Blei jong ngi. A Trai, me pyn-i jingisynei ha kito ki bym don uno uno sha uba ki lah ban phai.”

MIKAH 5:10

U Trai u ong, “Ha kata ka por ngan shim noh ïa ki kulai jong phi bad yn pynjot ïa ki kali ïapom.

JINGPYNPAW 18:3

Naba ki jaitbynriew baroh ki la dih ïa ka waiñ jong ka — ka waiñ bakhor jong ka jingkwah brai awria jong ka. Ki syiem jong ka pyrthei ki la ïaleh awria bad ka, bad ki nongkhaïi jong ka pyrthei ki la kiew spah bha na ka jingkwah brai bym lah teh lakam jong ka.”