ISAÏAH 2:6 - Khasi CL Bible (BSI)

⁶ A Blei me la iehnoh ïa ki briew jong me, ki khun ki ksiew jong u Jakob! Ka ri ka dap da ki jingleh myntor na ka ri Mihngi bad na ka Philistia. Ki briew ki bud ïa ki dustur nongwei.

KA BAIBL

⁶ Naba me la iehnoh ïa u paidlang jong me, ka ïing u Jakob, namar ki la dap da ki rukom na mihngi, bad ki long ki nongkren byrtong kum ki Philistia, bad ki ïathab kti bad ki khun ki nongwei.

ISAÏAH 2:6 ပူးပေါင်းရင်းမြစ်များ

2 SYIEM 1:2

U Ahasaïah, u syiem Israel u la hap na ka jaka jngoh kai halor ka tnum jong ka ïingsyiem jong u ha Samaria, bad u la mynsaw jur. Kumta u phah katto katne ki nonglamktien ban kylli ïa u Baalsebub, u blei jong ka Ekron, ka nongbah Philistia, khnang ban tip la un ïohkhiah ne em.

2 SYIEM 17:20

U Trai u la kyntait ïa ki Israel baroh, u pynshitom ïa ki bad u aiti noh ïa ki sha ki nongshun barunar haduh ha kaba khatduh ban pyndam ïa ki na khmat jong u.

1 KHRONIKL 10:13

U Saul u la ïap namar ka jingbymïaineh jong u ha U Trai. Um shym la kohnguh ïa ki hukum U Trai; u pyrshang ban wad jingshai da kaba kylli na ki mynsiem jong kiba la ïap, ha ka jaka ba un kylli na U Trai.

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

2 KHRONIKL 24:20

Nangta U Mynsiem U Blei u wan ha u Sekharaïah u khun jong u Jehoïada u lyngdoh. U la ïeng ha ka jaka ba ki briew ki lah ban ïohi ïa u, bad u pyrta, “U Trai U Blei u kylli balei ba phim shym kohnguh ïa ki hukum jong u bad ba phi wallam ka jingpynjot halor lade hi! Phi la iehnoh ïa u, kumta u la iehnoh ïa phi!”

NEHEMAÏAH 13:23

Ha kata ka por, nga shem ruh ba bun na ki rangbah Jiw ki la shongkurim ïa ki kynthei na Ashdod, Ammon, bad Moab.

SALM 106:35

hynrei ki la ïashongkha khleh bad ki bad bud ïa ki rukom leh blei thala jong ki.

EKSODOS 22:18

“Pynïap ïa kano kano ka briew kaba leh byrtong.

EKSODOS 34:16

Ki khun shynrang jong phi kin lah ban ïashongkurim bad ki khun kynthei jong ki, ki ban ïalam ïa ki ban ym ïaineh shuh ha nga bad ban mane ïa ki blei thala jong ki.

PROBERB 6:1

Ko khun jong nga, hato phi la kular ban bahkhlieh ïa ka ram jongno re?

ISAÏAH 14:29

Ko ki briew ka Philistia, u dieng uba la tied ïa phi u la kheiñ, hynrei phim don kano kano ka daw ban shadkmen. Haba uwei u bseiñ u ïap, uwei pat uba kham sniew u wan ha ka jaka jong u. Ka pylleng bseiñ ka pynmih ïa u Ïakjakor uba her.

ISAÏAH 8:19

Hynrei ki briew kin ong ïa me ban kylli ïa ki khubor na ki nongbatai kupar bad ki nongkren byrtong kiba kren jam bad kiba kren mian mian. Kin ong, “Nalor baroh, ki briew ki dei ban kylli ïa ki khubor na ki mynsiem bad kylli na kiba ïap na ka bynta kiba im.”

JEREMAÏAH 10:2

U ong, “Wat bud ïa ki rukom jong kiwei pat ki jaitbynriew; wat khih jingmut da ki jingïohi bym ju kham ïohi ha ka sahit bneng, wat la kiwei pat ki jaitbynriew ki la sheptieng.

JEREMAÏAH 12:7

U Trai u ong, “Nga la iehnoh ïa ka Israel; nga la kyntait noh ïa ka jaitbynriew ba la jied jong nga. Nga la ai ïa ki briew ba nga ieit ha ka bor jong ki nongshun jong ki.

SNGEWSYNEI 5:20

Balei ba me la iehnoh ïa ngi slem katta katta? Hato men dang kynmaw biang ïa ngi?

LEBITIKOS 19:31

“Wat leit ban pan jingmut na ki briew kiba wad jingtip na ki mynsiem jong ki briew kiba la ïap. Lada phi leh kumta, yn ñiew ïa phi ki bymkhuid. Nga long U Trai U Blei jong phi.

LEBITIKOS 20:6

“Lada uno uno u leit pan jingmut na ki briew kiba wad jingtip na ki mynsiem jong ki briew kiba la ïap, ngan phai pyrshah ïa u bad ngan ym ñiew shuh ïa u kum uwei na ki briew jong nga.

MIKAH 5:11

Ngan pynjot ïa ki nongbah ha ka ri jong phi bad pynpra ïa ki jingïada jong phi baroh.

MIKAH 5:12

Ngan pynjot ïa ki jingleh myntor kiba phi pyndonkam bad ngan iehnoh ïa phi khlem ki nongkren byrtong.

SEPHANAÏAH 1:8

“Ha kata ka sngi ka jingpynïap,” ong U Trai, “ngan pynshitom ïa ki rangbah pynïaidkam, ki khun shynrang jong u syiem, bad baroh kiba leh ïa ki rukom nongwei.

JINGKHEIÑ 23:7

U Balaam u la kren ïa kane ka jingïathuhlypa: “U Balak u syiem Moab u la wan ïalam ïa nga Na Syria, na ki lum mihngi. ‘Ale kren lem na ka bynta jong nga,’ u ong. ‘Buh ka jingtim halor ki paid Israel.’

Ka Shithi U Paul Sha Ki Nong Rom 11:20

Kata ka long kaba shisha. Ïa ki la pynkheiñ noh namar kim shym la ngeit, katba phi sah ha la ka jaka namar ba phi ngeit. Hynrei wat sngewsarong na ka bynta kata; pynban, to sheptieng.

1 SAMUEL 6:2

ki briew ki khot ïa ki lyngdoh bad ki nongleh myntor bad ki kylli, “Ngin leh kumno ïa kane ka Synduk ka Jutang U Trai? Lada ngi phah biang ïa ka sha ka jaka jong ka da-ei ngin phah ryngkat bad ka?”