ISAÏAH 2:2 - Khasi CL Bible (BSI)

² Ha ki sngi ban wan u lumbah ha kaba ka Templ ka ïeng un long uba jrong tam na baroh, uba da jrong eh halor ki lumrit baroh. Kiba bun ki jaitbynriew kin tuid sha u,

KA BAIBL

² Te kan long ha ki sngi bakhatduh, ba yn pynskhem ïa u lum ka ïing U Trai ha kliar ki lum bah, bad yn pynkyntiew halor ki lum rit; bad ki jaid bynriew baroh kin tuid sha ka.

ISAÏAH 2:2 ပူးပေါင်းရင်းမြစ်များ

JENESIS 49:1

Te u Jakob u khot ïa la ki khun shynrang bad u ong, “Ïalumlang baroh, ba ngan ïathuh aïu kan jia ïa phi ha ka lawei:

Ka Kitab U Job 19:25

Hynrei nga tip ba don ha bneng u ban wan ha kaba khatduh ban pynksan ïa nga.

SALM 102:23

U Trai u la pynlong tlot ïa nga haba nga dang samla; u la pynlyngkot ïa ka jingim jong nga.

SALM 2:8

To pan, bad ngan ai ha me ïa ki jaitbynriew baroh; ka pyrthei baroh kawei kan long ka jong me.

SALM 22:27

Baroh ki jaitbynriew kin kynmaw ïa U Trai. Na ki bynta baroh jong ka pyrthei kin phai sha u; baroh ki kynja bynriew kin mane ïa u.

SALM 22:28

U Trai u long u Syiem, bad u synshar ïa ki hima.

SALM 48:2

Ha Seïon, u lum jong U Blei, u long uba jrong bad uba itynnat; ka nongbah jong u syiem bakhraw kaba wanrah ïa ka jingkmen ha ka pyrthei baroh kawei.

SALM 68:17

Lem bad ki phew hajar ki kali ïapom bakhlaiñ jong u, U Trai u wan na Sinai sha ka jaka bakhuid.

SALM 72:8

Ka hima jong u kan kot na ka duriaw sha ka duriaw, na ka Ïuphratis sha kiba kut jong ka pyrthei.

SALM 86:9

Baroh ki jaitbynriew ba me la thaw kin wan bad dem ngon ha khmat jong me, kin ïaroh ïa ka jingkhraw jong me.

SALM 87:1

U Trai u tei ïa ka nongbah jong u halor u lum bakyntang,

SALM 87:2

u kham ieit ïa ka nongbah Jerusalem ban ïa kiwei pat ki jaka ha Israel.

ISAÏAH 11:10

Ka sngi ka wan ha kaba u syiem bathymmai na ka longïing syiem jong u Dabid un long ka dak ka shin ïa ki jaitbynriew. Kin ïalumlang ha ka nongbah ba kynja syiem jong u bad ai ka jingpyndonburom ïa u.

ISAÏAH 25:6

Hangne halor u Lum Seïon, U Trai Badonbor Baroh un pynkhreh ka jingkhawai bah na ka bynta ki jaitbynriew baroh jong ka pyrthei — ka jingkhawai bah da ki jingbam bakyrhai eh bad ka waiñ bakynsai tam.

ISAÏAH 27:13

Haba kata ka sngi kan wan, ïa ka turoi yn put ban khot pat na Assyria bad Ijipt ïa baroh ki Israel kiba don ha ka jinglongmraw hangta. Kin wan bad mane ïa U Trai ha Jerusalem, ha u lum bakyntang jong u.

ISAÏAH 30:29

Hynrei ma phi, ki briew jong U Blei, phin long kiba kmen bad phin rwai kumba phi leh ha ka miet jong ka Jingkhawai Niam bakyntang. Phin long kiba kmen kum kito kiba ïaid ryngkat bad ki sur jong ki tangmuri sha ka Templ U Trai, u nongkyrshan jong ki Israel.

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 56:5

te ïa ka kyrteng jong me yn ïai kynmaw ha ka templ jong nga bad hapdeng ki briew jong nga kham slem ban ïa kaba me don ki khun shynrang bad ki khun kynthei. Yn ym klet ïa me lano lano ruh.”

ISAÏAH 56:7

“Ngan ïalam ïa phi sha Seïon, sha u lum bakyntang jong nga, ngan ai ha phi ka jingkmen ha ka ïing jingduwai jong nga; bad pdiang ïa ki jingkñia kiba phi ai ha ka duwan jong nga. Ïa ka ïing jong nga yn khot ka ïing jingduwai na ka bynta ki briew jong ki ri baroh.”

ISAÏAH 60:3

Ki jaitbynriew kin wan bud ïa ka jingshai jong pha, bad ki syiem sha ka jingshai jong ka step phyrngab jong pha.

ISAÏAH 65:11

“Hynrei kan long pher ïa phi kiba la kyntait ïa nga, kiba lyndet ïa ka Seïon, u lum bakyntang jong nga, bad mane ïa u Gad bad u Meni, ki blei ka nusip bad ka kupar.

ISAÏAH 66:20

Kin wallam pat ïa baroh ki para kur ki para jait jong phi na ki jaitbynriew baroh kum ka jingai sngewbha ïa nga. Kin wallam ïa ki sha u lum bakyntang jong nga ha Jerusalem ha ki kulai, ki khashor bad ha ki ut, bad ha ki kali ïapom bad ki kali kit jingkit, kumba ki Israel ki wanrah ïa ki jingainguh bam sha ka Templ ha ki khiew lehniam kiba khuid.

ISAÏAH 66:23

Ha man kawei pa kawei ka Jingkhawai Niam Bnai Thymmai, bad ha man kawei pa kawei ka Sabbaton, ki jaitbynriew na ki hima baroh kin wan ban mane ïa nga hangne ha Jerusalem,” ong U Trai.

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 23:20

bad kan ym kut haduh ba un da leh ïa baroh kaba U thmu ban leh. Ha ki sngi ki ban wan ki briew jong U kin sa sngewthuh shai ïa kane.”

JEREMAÏAH 26:18

“Mynba u Hesekaïah u long u syiem ka Judah, u Mikah u nongïathuhlypa na Moresheth u la bthah ïa baroh ki briew ba U Trai Badonbor Baroh u la lah ong, “ ‘Ïa ka Seïon yn lur kum ka lyngkha, ka Jerusalem kan kylla ka kynton ki jingpra, bad u lum ka Templ un kylla khlaw.’

JEREMAÏAH 3:17

Haba kata ka por ka wan, ïa ka Jerusalem yn khot, ‘Ka Khet ka jong U Trai,’ bad baroh ki jaitbynriew kin ïalumlang hangta ban mane ïa nga. Kin ym leh shuh ïa kaei ba ka dohnud ba-mutlop bad basniew jong ki ka ong.

JEREMAÏAH 31:12

Kin wan bad rwai da ka jingkmen ha u lum Seïon bad kin kmen ha ki jingai sngewbha jong nga — ki jingai sngewbha da u kew bad ka waiñ bad ka umphniang Olib, ki jingai sngewbha da ki langbrot bad ki masi. Kin long kum ka kper bad la ai um bha; kin don baroh kat kaba ki donkam.

JEREMAÏAH 48:47

Hynrei ha ki sngi ki ban wan U Trai un pynlong ïa ka Moab kaba dap kyrhai sa shisien. Kane baroh ka long kaei kaba U Trai u la ong ba kan jia ïa ka Moab.

JEREMAÏAH 49:39

Hynrei hadien ngan pynlong ïa ki briew ka Elam ba kin manbha biang. Ma nga, U Trai, nga la kren.”

JEREMAÏAH 51:44

Ngan pynshitom ïa u Bel, u blei ki nong Babilonia, bad ngan pynlong ïa u ban aiti noh ïa ki tiar jong u kiba shu tuh; ki jaitbynriew kin ym mane shuh ïa u. “Ki kynroh ka Babilon ki la khyllem.

ESEKIEL 38:16

Men sa tur ïaleh ïa ki briew jong nga ki Israel kum ka 'erïong kaba beh halor ka ri. Haba ka por ka poi, ngan phah ïa me ban hiarthma ïa ka ri jong nga, khnang ban pyn-i ha ki jaitbynriew uei nga long, ban pyn-i ïa ka jinglongkhuid jong nga da kaei kaba nga leh lyngba jong me.

ESEKIEL 40:2

Ha ka jingïohipaw, U Blei u la rah ïa nga sha ka ri Israel, bad u la pynshong ïa nga halor uwei u lumbah uba jrong. Nga la ïohi ha khmat jong nga shi kynhun ki jingtei kiba i kum ka nongbah.

DANIEL 10:14

Nga la wan ban pynsngewthuh ïa me ïa kaei ka ban jia ha ki briew jong me ha ka lawei. Kane ka dei ka jingïohipaw ïa ka lawei.”

DANIEL 2:28

Hynrei don U Blei ha bneng, uba pynpaw ïa ki jingmaïan. U la pyntip ïa u Syiem Kynrad kaei ka ban jia ha ka lawei. Mynta ngan ïathuh ha phi ïa ka jingphohsniew, ka jingïohipaw kaba phi lah ïoh mynba phi dang ïohthiah.

DANIEL 2:35

Kumta hi ka nar, ka dewbyrtha, ka rnong, ka rupa bad ka ksiar ki la khyllem bad ki la long kum u pui pui ha ka jaka shoh kew ha ka por lyiur. Ka lyer ka la kit noh ïa u, khlem da pynsah dien ei ei. Hynrei u maw u la san ban long u lumbah uba tap ïa ka pyrthei baroh kawei.

DANIEL 2:45

Phi la ïohi kumno u maw u la lait na ka synrang khlem don mano mano ba ktah ïa u bad kumno u la shoh ïa ka durbriew kaba la shna da ka nar, ka rnong, ka dewbyrtha, ka rupa bad ka ksiar. U Blei uba khraw u ïathuh ïa u Syiem Kynrad kaei ka ban sa jia ha ka lawei. Nga la ïathuh thik ïa kaei kaba phi la phohsniew bad nga la ai ha phi ïa ka jingmut bashisha.”

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

SEKHARAÏAH 14:10

Ïa ka thain baroh kawei naduh Geba ha ka phang bashatei bad shaduh Rimmon ha ka phang bashathie, yn pynmadan. Ka Jerusalem kan ïeng halor ka ri sawdong jong ka; ka nongbah kan kot naduh ka Khyrdop Benjamin shaduh ka Khyrdop Kyndong, ha kaba la ju don ka khyrdop ba-mynshuwa, bad na u Mot Hananel sha ki jaka khñiot waiñ jong u syiem.

SEKHARAÏAH 14:9

Nangta U Trai un long u syiem jong ka pyrthei baroh; uwei pa uwei baroh un mane ïa u kum U Blei bad tip ïa u da kajuh ka kyrteng.

SEKHARAÏAH 8:22

Bun ki briew bad ki jaitbynriew bakhlaiñbor kin wan sha Jerusalem ban mane ïa U Trai Badonbor Baroh bad ban duwai na ka bynta ka jingkyrkhu jong u.

SEKHARAÏAH 8:3

Ngan wan phai pat sha Jerusalem, ka nongbah bakhuid jong nga, bad ban shong ban sah hangta. Ïa ka yn tip kum ka nongbah baïaineh, bad ïa u lum jong U Trai Badonbor Baroh yn khot u lum bakyntang.

MALAKHI 3:12

Te ki briew jong ki hima baroh kin khot ïa phi kiba suk, namar ka ri jong phi kan long ka jaka kaba bha ban shong ban sah.

JINGKHEIÑ 24:14

U Balaam u ong ha u Balak, “Mynta ngan leit phai pat sha la ki briew, hynrei shuwa ba ngan mih, nga maham lypa ïa phi aïu ki Israel kin leh ïa ki briew jong phi hadien habud.”

KI KAM 2:17

“ ‘Kane ka long kaei kaba ngan leh ha ki sngi bakhatduh, U Blei u ong: Ngan theh noh ïa U Mynsiem jong nga halor uwei pa uwei baroh. Ki khun shynrang bad ki khun kynthei jong phi kin pynbna ïa ka khubor jong nga; ki samla shynrang jong phi kin ïohi ki jingïohipaw, bad ki rangbah ba la tymmen jong phi kin ïoh ki jingphohsniew.

2 TIMOTHI 3:1

To kynmaw ba kin sa wan ki por kiba jynjar ha ki sngi kiba khatduh.

HEBRU 1:2

Hynrei ha kine ki sngi kiba khatduh u la kren ha ngi lyngba U Khun jong u. U la long uta da uba U Blei u la thaw ïa ka pyrthei, uta ïa uba U Blei u la jied ban long u nongïoh kynti ïa kiei kiei baroh ha kaba kut.

2 PETROS 3:3

Nyngkong eh, phi dei ban sngewthuh ba ha kine ki sngi kiba khatduh yn don ki briew kaba ïa ka jingim jong ki la tyllep da ki jingkwah brai jong ki hi.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.