ISAÏAH 2:12 - Khasi CL Bible (BSI)

¹² Ha kata ka sngi U Trai Badonbor Baroh un pynpoh ïa uwei pa uwei uba khrawbor, ïa uwei pa uwei uba sarong bad uba sngewmeng.

KA BAIBL

¹² Namar kan don ka sngi ïa U Trai ki paid halor kaba sarong bad kaba meng baroh, bad halor kaba la pynkyntiew baroh; te yn pynpoh ïa ka:

ISAÏAH 2:12 ပူးပေါင်းရင်းမြစ်များ

2 SAMUEL 22:28

Me pyllait im ïa kito kiba sngewrit, hynrei me pynhiar ïa kito kiba sarong.

Ka Kitab U Job 24:1

Balei ba U Blei um buh ka por na ka bynta ka jingbishar, ka sngi jong ka jingbishar hok ïa kito kiba shakri ïa u?

SALM 131:1

A Trai, nga la iehnoh noh ïa ka jingsarong jong nga bad phai noh na ka jingsngewmeng jong nga. Ngam da sngewkhia ïa ki kam kiba khraw bad ki phang kiba eh than ba ngan sngewthuh.

SALM 18:28

A Trai, me ai ha nga ka jingshai; me pynjah ïa ka jingdum jong nga.

SALM 37:13

hynrei U Trai u rkhiebeiñ ïa ki bymman, namar u tip ba shen kin sa shah pynjot.

SALM 94:2

Me long u nongbishar ïa ki briew baroh; A to ïeng bad ai ha kiba sarong ïa kaei kaba ki dei hok ban ïoh!

PROBERB 16:5

U Trai u isih ïa baroh kiba leh meng; da lei lei un ym shah ba kin lait na ka jingpynshitom.

ISAÏAH 10:12

Hynrei U Trai u ong, “Haba nga pyndep ïa kaei kaba nga leh halor u lum Seïon, ngan pynshitom ïa u patsha jong ka Assyria namar ki jingkob bad ki jingsarong jong u baroh.”

ISAÏAH 10:33

U Trai Badonbor Baroh un wallam ïa ki bad pynhap shapoh kum ki tnat dieng ba la khet na u dieng. Ïa kiba sarong eh bad kiba kynjang tam jong ki yn khet bad yn pynjahburom.

ISAÏAH 13:11

U Trai u ong, “Ngan wallam ka jingpynjot halor ka pyrthei bad ngan pynshitom ïa ki riewbymman baroh namar ki pop jong ki. Ngan pyndem ïa uno uno uba sarong bad ngan pynshitom ïa uno uno uba sngewmeng bad uba runar.

ISAÏAH 13:6

To ud ha ka jingpang! Ka sngi ka jong U Trai ka la hajan, ka sngi ha kaba U Badonbor Baroh u wallam ka jingpynjot.

ISAÏAH 13:9

Ka sngi ka jong U Trai ka wan — kata ka sngi barunar jong ka jingbitar bashyrkhei bad bashla jong u. Ïa ka pyrthei yn pynlong ka ri khlaw, bad ïa uwei pa uwei u nongpop yn pynjot thiaw.

ISAÏAH 14:15

Hynrei pynban, la pynhiar ïa me sha ka bynta kaba jylliew tam jong ka pyrthei kiba ïap.

ISAÏAH 23:9

U Trai Badonbor Baroh u la thmu ïa kata. U la thmu ïa kata khnang ban pynkut noh ïa ka jingsarong jong ki ha kaei kaba ki la leh bad ban pynpoh ïa ki rangbah ïa kiba la ñiewburom.

ISAÏAH 24:21

Ka por kan poi haba U Trai un pynshitom ïa ki bor ba-halor bad ïa ki nongsynshar ka pyrthei.

ISAÏAH 24:4

Ka pyrthei ka tyrkhong bad ka stai noh; ka pyrthei baroh kawei ka kylla tlot; ka pyrthei bad ka sahit bneng, baroh ar, kin pyut noh.

ISAÏAH 40:23

U pynhiar shapoh ïa ki nongsynshar badonbor um pynlong ei ei shuh ïa ki.

ISAÏAH 42:15

Nga pyntwa ïa ki lumrit bad ki lumbah ngan pyntyrkhong ïa u phlang bad ki dieng. Ngan pynkylla ïa ki them wah sha ki jaka shyiap bad pyntyrkhong ïa ki pukri um.

ISAÏAH 5:15

Ïa uwei pa uwei yn pynjahburom, bad ïa baroh kiba sarong yn pynrit.

ISAÏAH 61:2

U la phah ïa nga ban pynbna ba ka por ka wan haba U Trai un pynim ïa ki briew jong u bad jop ïa ki nongshun jong ki. U la phah ïa nga ban pyntngen ïa baroh kiba sngewsih,

JEREMAÏAH 12:9

Ki briew ba la jied jong nga ki long kum ka sim kaba la shah tur ïaleh ha ki kbeit na baroh ki liang. To khot ïa ki mradkhlaw ban wan bad ïashim bynta ha ka jingkhawai!

JEREMAÏAH 13:9

“Kumne kan long kumno ba ngan pynjot ïa ka jingsarong jong ka Judah bad ïa ka jingsarong bakhraw jong ka Jerusalem.

JEREMAÏAH 30:7

Ka sngi kaba shyrkhei ka wan; ym don kano kano kawei pat ka sngi kaba lah ban nujor bad ka — ka por ka jingnoh mynsiem na ka bynta ki briew jong nga, hynrei kin lait im.”

JEREMAÏAH 46:10

Kane ka long ka sngi jong U Trai Nongsynshar Badonbor Baroh: ha kane ka sngi un pynhiarkput; ha kane ka sngi un pynshitom ïa ki nongshun jong u. Ka waitlam jong u kan bam ïa ki haduh ban da kdang, bad dih ïa ka snam jong ki haduh ban da sngewhun. Ha kane ka sngi u Badonbor Baroh u kñia ïa kiba la shah pynmong ha ka phang bashatei, hajan ka Ïuphratis.

JEREMAÏAH 50:31

“Ko Babilonia, pha la dap da ka jingsarong, te ma nga, U Trai Nongsynshar Badonbor Baroh, nga long pyrshah ïa pha! Ka por ka la poi ïa nga ban pynshitom ïa pha.

ESEKIEL 13:5

Kim sumar ïa ki jaka ha kaba ki kynroh ki la khyllem, lymne ba ki tei pat ïa ki kynroh, bad kumta ym lah ban ïada ïa ka Israel haba wan ka thma ha ka sngi ka jong U Trai.

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

AMOS 5:18

Katno kaba sngewshyrkhei kan long ïa phi kiba angnud ïa ka sngi U Trai! Kaei kaba bha ba kata ka sngi kan long ïa phi? Na ka bynta jong phi kan long tang ka sngi jong ka jingdum, bad ym jong ka jingshai.

MIKAH 2:3

Bad kumta U Trai u ong, “Nga dang thmu ban wallam ïa ka jingjot ha phi, bad phin ym lah ban lait na ka. Phin sa shem ïa lade ha ka jingeh, bad nangta phin ym ïaid sngewsarong shuh.

MIKAH 5:11

Ngan pynjot ïa ki nongbah ha ka ri jong phi bad pynpra ïa ki jingïada jong phi baroh.

SEPHANAÏAH 1:16

ka sngi kaba dap da ka jingsawa ki turoi thma bad ka jingpyrta-thma jong ki shipai kiba tur ïaleh ïa ki nongbah ba la ker kynroh bad ïa ki kut bajrong.

SEPHANAÏAH 3:11

Ha kata ka por, ma phi, ki briew jong nga phim donkam shuh ban lehrain ba phi la ïeng ïaleh pyrshah ïa nga. Ngan weng noh ïa uno uno baroh uba sarong bad uba sngewmeng, bad phin ym ïeng ïaleh pyrshah shuh da lei lei ïa nga ha u lum bakyntang jong nga.

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

MALAKHI 4:5

“Hynrei ha shuwa ka sngi kaba khraw bad kaba shyrkhei jong U Trai kan wan, ngan phah ha phi ïa u Elijah u nongïathuhlypa.

MATHAÏOS 23:12

Ïa uno uno uba pynkhraw ïa lade yn pynrit, bad ïa uno uno uba pynrit ïa lade yn pynkhraw.”

LOUKAS 14:11

Naba ïa uno uno uba pynkhraw ïa lade, yn pynrit; bad ïa uno uno uba pynrit ïa lade, yn pynkhraw.”

1 KORINTH 5:5

Haba phi ïaseng lang, bad haba nga ïashem ïa phi ha ka mynsiem jong nga, da ka bor jong U Jisu uba U Trai jong ngi uba don ryngkat bad ngi, phi aiti noh ïa une u briew sha u Soitan ban pynjot ïa ka met jong u, khnang ba ïa ka mynsiem yn ïoh pynim ha ka Sngi jong U Trai.

1 THESSALONI 5:2

Naba phi hi da lade phi tip bha ba ka Sngi jong U Trai kan wan kum u nongtuh mynmiet.

JAKOB 4:6

Hynrei ka jingaiei kaba U Blei u ai ka long kaba kham khlaiñ shuh shuh. Kumba ka Jingthoh Bakhuid ka ong, “U Blei u pyrshah ïa kiba sarong, hynrei u ai ïa ka jingaiei ha kiba sngewrit.”