ISAÏAH 2:11 - Khasi CL Bible (BSI)

¹¹ Ka sngi kan wan ha kaba yn pynkut ïa ka jingsarong ba kynja briew bad yn pynjot thiaw ïa ka jinglehmeng ba kynja briew. Nangta tang ïa U Trai hi yn kyntiew burom.

KA BAIBL

¹¹ Ïa ka jingkhmih basarong jong u briew yn pynpoh, bad ïa ka jingmeng ki briew yn pyndem, te tang ïa U Trai hi yn pynkyntiew ha kata ka sngi.

ISAÏAH 2:11 ပူးပေါင်းရင်းမြစ်များ

2 SAMUEL 22:28

Me pyllait im ïa kito kiba sngewrit, hynrei me pynhiar ïa kito kiba sarong.

SALM 18:27

Me pyllait im ïa kito kiba sngewrit, hynrei me pynhiar ïa kito kiba sarong.

SALM 18:28

A Trai, me ai ha nga ka jingshai; me pynjah ïa ka jingdum jong nga.

SALM 20:8

Kiba kum kine ki briew kin jynthut bad kyllon, hynrei ngi, ngin khie bad ngin ïeng skhem.

SALM 46:10

“Sangeh ka jingïaleh,” u ong, “to tip ba nga long U Blei, uba ha khlieh duh hapdeng ki jaitbynriew, uba ha khlieh duh ha ka pyrthei baroh.”

SALM 46:11

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 94:2

Me long u nongbishar ïa ki briew baroh; A to ïeng bad ai ha kiba sarong ïa kaei kaba ki dei hok ban ïoh!

PROBERB 16:5

U Trai u isih ïa baroh kiba leh meng; da lei lei un ym shah ba kin lait na ka jingpynshitom.

PROBERB 30:13

Don ki briew kiba pyrkhat ba ki long kiba bha palat — oh, katno ka jingbha ki pyrkhat ba ki long!

ISAÏAH 10:12

Hynrei U Trai u ong, “Haba nga pyndep ïa kaei kaba nga leh halor u lum Seïon, ngan pynshitom ïa u patsha jong ka Assyria namar ki jingkob bad ki jingsarong jong u baroh.”

ISAÏAH 12:1

Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

ISAÏAH 12:4

Ka sngi ka wan ha kaba ki briew kin rwai, “To ainguh ïa U Trai! To khot kyrpad ïa u ban ïarap ïa phi! Ïathuh ha ki jaitbynriew baroh ïa kaei kaba u la leh! Ïathuh ïa ki haduh katno u long uba khraw!

ISAÏAH 13:11

U Trai u ong, “Ngan wallam ka jingpynjot halor ka pyrthei bad ngan pynshitom ïa ki riewbymman baroh namar ki pop jong ki. Ngan pyndem ïa uno uno uba sarong bad ngan pynshitom ïa uno uno uba sngewmeng bad uba runar.

ISAÏAH 14:15

Hynrei pynban, la pynhiar ïa me sha ka bynta kaba jylliew tam jong ka pyrthei kiba ïap.

ISAÏAH 2:17

Ïa ka jingsarong ba kynja briew yn pynkut bad ïa ka jinglehmeng ki briew yn pynjot. Ki bleithaw kin jah noh plain, bad tang ïa U Trai yn kyntiew burom ha kata ka sngi.

ISAÏAH 23:9

U Trai Badonbor Baroh u la thmu ïa kata. U la thmu ïa kata khnang ban pynkut noh ïa ka jingsarong jong ki ha kaei kaba ki la leh bad ban pynpoh ïa ki rangbah ïa kiba la ñiewburom.

ISAÏAH 24:21

Ka por kan poi haba U Trai un pynshitom ïa ki bor ba-halor bad ïa ki nongsynshar ka pyrthei.

ISAÏAH 25:9

Haba kane kan jia, baroh kin ong, “U long U Blei jong ngi! Ngi la buh ïa ka jingshaniah jong ngi ha u, bad u la pyllait im ïa ngi. U long U Trai! Ngi la buh ïa ka jingshaniah ha u, bad mynta ngi kmen namar ba u la pynim ïa ngi.”

ISAÏAH 26:1

Ka sngi kan wan haba ki briew kin rwai ïa kane ka jingrwai ha ri Judah: Ka nongbah jong ngi ka long kaba skhem! U Blei da lade hi u ïada ïa ki kynroh jong ka!

ISAÏAH 28:5

Ka sngi kan wan haba U Trai Badonbor Baroh un long kum ka pansngiat badonburom jong ki syntiew na ka bynta ki briew jong u kiba dang sah.

ISAÏAH 29:18

Ynda kata ka sngi kan wan, kiba kyllut kin sa lah ban ïohsngew ba la pule jam ïa ka kot, bad ba kiba matlah, kiba ju im ha ka jingdum, kin plie ïa la ki khmat bad ïohi.

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

ISAÏAH 30:23

Man ba phi bet ïa ki symbai jong phi, U Trai un phah slap ban pynlong ïa ki ban san bad ai ïa phi ka jingot kaba bun, bad ki jingri jong phi kin don shibun ki jaka bam phlang.

ISAÏAH 37:23

Ïano ba me pyrkhat ba me la ñiewbeiñ bad rkhiebeiñ? Me la long uba khlem burom ïa nga, U Blei bakhuid jong ki Israel.

ISAÏAH 4:1

Haba kata ka por ka wan, hynñiew ngut ki kynthei kin bat ïa uwei u briew bad ong, “Ngi lah ban bsa bad pynkup jaiñ ïa lade, hynrei sngewbha shah ïa ngi ban ong ba phi long u tnga jong ngi, ba kumta ngim donkam ban shah ïa ka jinglehrain jong ka jinglong bym pat shongkurim.”

ISAÏAH 40:23

U pynhiar shapoh ïa ki nongsynshar badonbor um pynlong ei ei shuh ïa ki.

ISAÏAH 52:6

Ha ki por ki ban wan phin sa pdiang ba nga long U Blei bad ba nga la kren ha phi.”

JEREMAÏAH 12:9

Ki briew ba la jied jong nga ki long kum ka sim kaba la shah tur ïaleh ha ki kbeit na baroh ki liang. To khot ïa ki mradkhlaw ban wan bad ïashim bynta ha ka jingkhawai!

JEREMAÏAH 9:24

Lada uno uno u kwah ban kob sarong, u dei ban kob sarong ba u ithuh bad ba u shemphang ïa nga, namar ka jingieit jong nga ka long kaba neh, bad nga leh ïa kaba hok bad kaba dei. Kine ki long kita kiei kiei kiba pynsngewbha ïa nga. Ma nga, U Trai, nga la kren.”

ESEKIEL 38:14

Kumta U Trai Nongsynshar u la phah ïa nga ban ïathuh ha u Gog ïa kaei kaba u ong ïa u: “Mynta katba ki Israel, ki briew jong nga ki dang shong ha ka jingsngewskhem,

ESEKIEL 38:19

Nga pynbna ha ka jingbitar bameh ding jong nga ba ha kata ka sngi kan don ka jingkhih jumai kaba jur ha ka ri Israel.

ESEKIEL 39:11

U Trai u ong, “Haba kane baroh ka jia, ngan ai ïa u Gog ka jaka tep hangta ha Israel, ha ka them ki nongleit jingleit, shaphang mihngi ka Duriaw Baïap; hangta yn tep ïa u Gog bad ka kynhun shipai jong u, bad ïa ka them yn khot ïa ka, ‘Ka them ka kynhun shipai u Gog.’

ESEKIEL 39:22

Ki Israel kin tip naduh kata ba nga long U Trai U Blei jong ki.

DANIEL 4:34

“Haba ki hynñiew snem ki la leit,” la ong u syiem, “Nga la khmih shajrong sha sahit bneng, bad ka jingtipbriew jong nga ka la wan phai. Nga la ïaroh ïa U Blei Bahakhlieh Tam Eh bad nga la ai ka jingpyndonburom bad ka burom ïa uta uba im junom. “Un synshar junom, bad ka hima jong u kan neh ha ki por baroh.

HOSIA 2:16

Nangta sa shisien pat kan sa khot biang ïa nga u tnga jong ka — kan ym khot shuh ïa nga u Baal jong ka.

HOSIA 2:18

Ha kata ka por, ngan pynlong ka jutang bad baroh ki mradkhlaw bad ki sim, khnang ba kin ym pynmynsaw shuh ïa ki briew jong nga. Ngan weng noh ruh ïa baroh ki tiar thma na ka ri, baroh ki waitlam bad ki ryntieh, bad ngan ailad ba ki briew jong nga kin ïoh im ha ka jingsuk bad jingshngain.

HOSIA 2:21

Ha kata ka por ngan jubab ïa ki jingduwai ki briew jong nga ki Israel. Ngan phah ïa u slap ba un hap ha ka khyndew

JOEL 3:18

“Ha kata ka por ïa ki lumbah yn tap da ki bri sohwaiñ, bad ïa ki masi yn shem ha uwei pa uwei u lum; yn don kyrhai ka um na ka bynta ki wahduid baroh ha Judah. Ka wahduid kan tuid na ka Templ jong U Trai, bad kan ai um ïa ka Them Akasia.

AMOS 9:11

U Trai u ong, “Ka sngi ka la poi haba ngan pynïeng pat ïa ka hima u Dabid kaba long kum ka ïing kaba la khyllem ha ki jingjot. Ngan shna pynbha ïa ki kynroh jong ka bad ngan pynïeng pat ïa ka. Ngan tei pat ïa ka bad ngan pynlong ïa ka kumba ka la ju long mynshuwa.

OBADAÏAH 1:8

“Ha ka sngi ba nga pynshitom ïa ki Edom, ngan pynduh noh ïa ki rangbah basian buit jong ki bad pynjah noh ïa ka jingstad jong ki baroh.

MIKAH 2:3

Bad kumta U Trai u ong, “Nga dang thmu ban wallam ïa ka jingjot ha phi, bad phin ym lah ban lait na ka. Phin sa shem ïa lade ha ka jingeh, bad nangta phin ym ïaid sngewsarong shuh.

MIKAH 4:6

“Ka por kan poi,” ong U Trai, “haba ngan lumlang ïa ki briew kiba nga la pynshitom, kito kiba la shahshitom ha ka jingshah ringmraw.

MIKAH 5:10

U Trai u ong, “Ha kata ka por ngan shim noh ïa ki kulai jong phi bad yn pynjot ïa ki kali ïapom.

SEPHANAÏAH 3:11

Ha kata ka por, ma phi, ki briew jong nga phim donkam shuh ban lehrain ba phi la ïeng ïaleh pyrshah ïa nga. Ngan weng noh ïa uno uno baroh uba sarong bad uba sngewmeng, bad phin ym ïeng ïaleh pyrshah shuh da lei lei ïa nga ha u lum bakyntang jong nga.

SEPHANAÏAH 3:16

Ka por ka poi haba kin ong ïa ka Jerusalem, “Wat sheptieng, ko ka nongbah Seïon! Wat ai ba ki kti jong pha kin noh kyrwep!

SEKHARAÏAH 9:16

Haba kata ka sngi ka poi, U Trai un pyllait im ïa ki briew jong u, kumba u nongaplangbrot u pyllait im ïa ka kynhun langbrot jong u na ka jingma. Kin tyngshaiñ ha ka ri jong u kum ki mawlynnai ha ka pansngiat.

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

LOUKAS 18:14

Nga ong ha phi,” U Jisu u la ong, “u nonglum khajna, bad ym u Pharisi, uba don ha ka liang kaba dei bad U Blei haba u leit noh sha ïing. Naba ïa uno uno uba pynkhraw ïa lade yn pynrit, bad ïa uno uno uba pynrit yn pynkhraw.”

2 KORINTH 10:17

Hynrei kumba ka Jingthoh Bakhuid ka ong, “Uno uno uba kwah ban sngewsarong u dei ban sngewsarong ïa kaei kaba U Trai u la leh.”

2 KORINTH 10:5

Ngi pynïap nia ïa ki jingïatainia ba-thala; ngi pynduh ïa ka jingpynwit basngewmeng baroh ba la pynïeng pyrshah ïa kata ka jingtip U Blei; ngi shim ïa ka jingpyrkhat baroh bad pynkohnguh ïa ka ha U Khrist.

2 THESSALONI 1:10

haba u wan ha kata ka Sngi ban ïohpdiang ïa ka burom na ki briew jong u baroh bad ka jingpyndonburom na baroh kiba ngeit. Phi ruh phin long napdeng jong ki, namar ba phi la ngeit ïa ka khubor kaba ngi la ïathuh ha phi.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”