ISAÏAH 2:10 - Khasi CL Bible (BSI)

¹⁰ Kin rieh ha ki krem ha ki mawsiang lum lane tih ki thliew ha khyndew ban pyrshang ban lait na ka jingbitar U Trai bad ban rieh na ka bor bad ka burom jong u!

KA BAIBL

¹⁰ To leit bsut sha u mawsiang, bad rieh ha ka 'dewmet, na khmat ka jingitieng U Trai, bad na ka burom ka jingkhraw jong u.

ISAÏAH 2:10 ပူးပေါင်းရင်းမြစ်များ

Ka Kitab U Job 31:23

Namar ba nga sheptieng ïa ka jingpynshitom U Blei, ngam shym lah ban leh ïa kaba kum kata.

Ka Kitab U Job 40:13

Tep ïa ki baroh hapoh ka khyndew; teh ïa ki ha ka pyrthei kiba ïap.

SALM 145:12

ba baroh kin tip shaphang ki jingtrei borbah jong me bad ka burom bakhraw jong ka hima jong me.

SALM 90:11

Uei uba sngew ïa ka borbah ka jingbitar jong me? Uei uba tip kaei ka jingsheptieng ba ka jingbitar shla jong me kan wallam?

ISAÏAH 10:3

Kaei phin leh haba U Blei u pynshitom ïa phi? Kaei phin leh haba u wallam ka jingpynjot halor jong phi na ka ri bajngai? Shano phin mareh ban shem jingïarap? Hangno phin buhrieh ïa ka spah jong phi?

ISAÏAH 25:11

Kin pyiar ïa la ki kti kumba ki pyrshang ban jngi, hynrei U Blei un pynjahburom ïa ki, bad ki kti jong ki kin ngam khlem ïoh jingïarap.

ISAÏAH 42:22

Hynrei mynta ïa ki briew jong u la shah lute; ki la shah set ha ki krem byndi bad shah buhrieh ha ki ïingbyndi. Ki la shah lute bad shah pynjot. Khlem uno uno uba wan ban pyllait im ïa ki.

JEREMAÏAH 10:10

Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

JEREMAÏAH 10:7

Uei u ban ym pyndonburom ïa me, u syiem jong ki jaitbynriew baroh? Me dei hok ban ïoh ka pyndonburom. Ym don mano mano uba kum ma me hapdeng ki riewstad baroh jong ki jaitbynriew lane napdeng uno uno u syiem jong ki.

JEREMAÏAH 13:9

“Kumne kan long kumno ba ngan pynjot ïa ka jingsarong jong ka Judah bad ïa ka jingsarong bakhraw jong ka Jerusalem.

HOSIA 10:8

Ïa ki jaka mane blei ha kliar lum Aben, ha kiba ki paid Israel ki mane ïa ki bleithaw, yn pynjot noh. Ki shiah bad ki ñiut kin san ha ki duwan jong ki; ki briew kin sa pyrta ha ki lumbah, “To buhrieh ïa ngi!” bad ha ki lumrit, “To tap ïa ngi.”

NAHUM 3:11

Ko Ninebeh, pha ruh phan hap ha ka jingbuaid bymtip briew! Pha ruh phan pyrshang ban lait phet na ki nongshun jong pha.

LOUKAS 12:5

Ngan pyn-i ha phi ïano ban sheptieng: To sheptieng ïa U Blei, uba, hadien ka jingpynïap, u don ka bor ban bret sha ka dujok. To ngeit ïa nga, u long ma u uta uba phi dei ban sheptieng!

LOUKAS 23:30

Kata kan long ka por ha kaba ki briew kin ong ha ki lumbah, ‘To hap halor jong ngi!’ bad ha ki lumrit, ‘To buhrieh ïa ngi!’

2 THESSALONI 1:9

Kin shah ïa ka jingpynshitom jong ka jingpynjot bymjukut, kiba la pynïakhlad na ka jingdon ryngkat ka jong U Trai bad na ka jingkhlaiñbor badonburom jong u,