ISAÏAH 19:3 - Khasi CL Bible (BSI)

³ Ngan pynpulom ïa ki jingthmu jong ki nong Ijipt bad ngan pynjot ïa ka jingsngewskhem jong ki. Kin kyrpad ïa ki bleithaw jong ki ban ïarap ïa ki, bad kin leit ban kylli na ki nongleh byrtong bad kylli na ki mynsiem jong kiba ïap ban ïoh jingmut.

KA BAIBL

³ Bad ïa ka mynsiem ka Ijipt yn pynsuda noh hapdeng jong ka; ngan pynjot ruh ïa ka jingïasylla jong ka: te kin leit wad ha ki bleithaw, bad ha ki nongai jadu, bad ha kita kiba shong ksuid, bad ha ki nongai ksuid.

ISAÏAH 19:3 ပူးပေါင်းရင်းမြစ်များ

2 SAMUEL 15:31

Haba la ïathuh ha u Dabid ba u Ahithophel u la ïasoh lang bad ka jingïaleh pyrshah jong u Absalom, u la duwai, “Ko Trai, sngewbha pynpulom ïa ka jingaibuit u Ahithophel.”

2 SAMUEL 17:14

U Absalom bad ki Israel baroh ki ong, “Ka jingai jingmut jong u Hushai ka kham bha ban ïa ka jong u Ahithophel.” U Trai u la rai ban pynpulom ïa ka jingai jingmut babha ka jong u Ahithophel, khnang ba ka jingjot kan wan ha u Absalom.

2 SAMUEL 17:23

Haba u Ahithophel u la ïohi ba ïa ka jingai jingmut jong u ym shym la pdiang, u la teh jin ïa la ka kada bad u leit phai noh sha la shnong. Ynda u la dep pynbeit ïa la ki kam ïing kam sem, u la sdien phasi ïa lade. La tep ïa u ha ka jingtep ka longïing jong u.

2 SYIEM 1:2

U Ahasaïah, u syiem Israel u la hap na ka jaka jngoh kai halor ka tnum jong ka ïingsyiem jong u ha Samaria, bad u la mynsaw jur. Kumta u phah katto katne ki nonglamktien ban kylli ïa u Baalsebub, u blei jong ka Ekron, ka nongbah Philistia, khnang ban tip la un ïohkhiah ne em.

1 KHRONIKL 10:13

U Saul u la ïap namar ka jingbymïaineh jong u ha U Trai. Um shym la kohnguh ïa ki hukum U Trai; u pyrshang ban wad jingshai da kaba kylli na ki mynsiem jong kiba la ïap, ha ka jaka ba un kylli na U Trai.

SALM 107:27

ki jynthut bad ki ïaid sheng sheng kum ki briew kiba buaid — baroh ka jingtbit jong ki ka la lehnoh-ei.

SALM 33:10

U Trai u pyndiaw ïa ki jingthmu ki jaitbynriew; um shah ïa ki ban pyntreikam ïa ki jingthmu jong ki.

SALM 76:12

u pyndem ïa ki khun syiem shynrang kiba sarong, bad u pynshyrkhei ïa ki syiem kiba khraw.

PROBERB 21:30

Ka jingstad briew, ka jingproh jabieng, ka jingsngewthuh — kim lah ïarap ei ei lada U Trai u long pyrshah ïa phi.

ISAÏAH 14:27

U Trai Badonbor Baroh u la kut jingmut ban leh ïa kane, u la kner ïa la ka kti ban pynshitom, bad ym don mano mano ba lah ban pynsangeh ïa u.

ISAÏAH 15:2

Ki briew jong ka Dibon ki kiew ïa u lum ban ïam ha ka jaka mane blei. Ki briew jong ka Moab ki la ïam ha ka jingsngewsih ïa ki nongbah jong ka Nebo bad Medeba; ki la khi ïa la ki khlieh bad ïa u 'ñiuhtmoh ha ka jingsngewsih.

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

ISAÏAH 44:25

Nga pynpaw bieit ïa ki nongpeit kti bad pynkulmar ïa ki jingïathuh lypa ki nongbatai kupar. Ki ktien jong kiba stad nga kyntait bad pyn-i ba ka jingstad jong ki ka long ka jingbieit.

ISAÏAH 47:12

Buh ïa ki jingleh myntor bad jingkhan jong pha baroh; pha la pyndonkam ïa ki naduh ba pha dang samla. Lehse ki lah ban long jingïarap katto katne ïa pha; lehse pha lah ban pyntieng ïa ki nongshun jong pha.

ISAÏAH 57:16

Nga ai ka jingim ïa ki briew jong nga, bad ngan ym mudui sah ïa ki lane bitar ïa ki junom.

ISAÏAH 8:19

Hynrei ki briew kin ong ïa me ban kylli ïa ki khubor na ki nongbatai kupar bad ki nongkren byrtong kiba kren jam bad kiba kren mian mian. Kin ong, “Nalor baroh, ki briew ki dei ban kylli ïa ki khubor na ki mynsiem bad kylli na kiba ïap na ka bynta kiba im.”

JEREMAÏAH 46:15

Balei ba u Apis u blei bakhrawbor jong phi u kyllon? U Trai u la shoh pynkyllon ïa u!’

ESEKIEL 21:7

Haba ki kylli ïa me balei ba me ud, ïathuh ïa ki ba ka long na ka daw ka khubor kaba la ïohpdiang. Haba ka wan, ki dohnud jong ki kin dap da ka jingsheptieng, ki kti jong kin noh kyrwep, ka jingshlur jong ki kan duh, bad ki khohsiew jong ki kin kyiuh. Ka por ka la poi; ka long hangne.” U Trai Nongsynshar u la kren.

ESEKIEL 22:14

Hato phi pyrkhat ba phin dang don ka jingshlur kaba sah lane phin dang donbor kat ban rah ïa la ka kti ynda nga la pyndep bad phi? Ma nga, U Trai, nga la kren, bad nga bat ïa la ka ktien.

DANIEL 1:20

Kam pher kaei ka jingkylli ba u syiem u la kylli, lane kano ka jingeh kaba u pynpaw, kine ki saw ngut ki la kham tip shiphew shah ban ïa uno uno u nongbatai kupar lane u nongleh myntor ha ka hima jong u baroh kawei.

DANIEL 2:2

kumta u la phah khot ïa ki nongbatai kupar, ki nongleh myntor, ki nongkheiñ ksuid bad ki nongleh byrtong ban ïawan bad batai ïa ka jingphohsniew ha u. Haba ki la ïawan bad ïeng ha khmat u syiem,

DANIEL 5:7

U la pyrta ïano ïano ban wallam shapoh ïa ki nongleh myntor, ki nongleh byrtong, bad ki nongpeit kti. Haba ki la ïawan shapoh, u syiem u la ong ha ki, “Ïa uno uno uba lah ban pule ïa kane ka jingthoh bad ïathuh ïa nga ïa ka jingmut jong ka yn pynphong ha ki jaiñkup syiem kiba sawbthuh, un deng u kynjri ksiar ka jingpyndonburom sawdong ka ryndang jong u, bad un long uba lai ha ka bor hapoh ka hima.”

1 SAMUEL 25:37

Nangta, ynda u la pyngngad, ka la ïathuh ha u ïa kaei kaei baroh. U la ïohpang kyndit bad u la long kum uba ïap baroh shi rynïeng.