ISAÏAH 18:7 - Khasi CL Bible (BSI)

⁷ Ka por ka wan haba U Trai Badonbor Baroh un pdiang ïa ki jingainguh na kane ka ri ba la pynïakhlad ïa ki wah, kane ka jaitbynriew kaba khlaiñ bad kaba donbor, ki briew kiba jrong bad kiba jlih ka sniehdoh, ïa kiba la sheptieng ha ka pyrthei baroh. Kin wan sha u Lum Seïon, ha kaba la mane ïa U Trai Badonbor Baroh.

KA BAIBL

⁷ Ha kata ka por yn sa wallam jingai sha U Trai ki paid, na u paidlang bajrong bad bajlih, bad na u paidlang ba-ishyrkhei naduh kaba sdang ter ter; ka jaid bynriew bakhlaiñ bad baïuh roit, kaba ïa ka ri jong ka ki wah ki ïabynta, sha ka jaka ka kyrteng U Trai ki paid, u lum Seïon keiñ.

ISAÏAH 18:7 ပူးပေါင်းရင်းမြစ်များ

SEPHANAÏAH 3:10

Wat na ka Sudan kaba sha jngai, ki briew jong nga kiba la sakma kin wallam ki jingainguh sha nga.

ISAÏAH 45:14

U Trai u ong ïa ki Israel, “Ka spah ki Ijipt bad ki Sudan kan long ka jong phi, bad ki rangbah bajrong jong ka Seba kin long ki mraw jong phi; kin bud ïa phi ha ki kynjri. Kin dem ngon ha phi bad kin phla, ‘U Blei u don ryngkat bad phi — tang ma u, u long U Blei.

ISAÏAH 18:4

U Trai u la ong ha nga, “Ngan jngoh sha tbian na bneng kumba ka umjer ka wandur jar jar ha ki miet basyiad ha ka aïom ot, kumba ka sngi ka phyrnai itynnat ha ka jingshit ka sngi.

2 KHRONIKL 32:23

Bun ki briew ki la wan sha Jerusalem, da kaba wanrah ïa ki jingainguh sha U Trai bad ki jingai ïa u Hesekaïah, ba nangta sha khmat baroh ki jaitbynriew ki pyndonburom ïa u Hesekaïah.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

MIKAH 4:13

U Trai u ong, “Ko ki briew ka Jerusalem, to leit bad pynshitom ïa ki nongshun jong phi! Ngan pynlong ïa phi kiba khlaiñ kum u masi kyrtong uba don ki reng nar bad ki kjat rnong. Phin pynlwet ïa ki jaitbynriew ba bun, bad ïa ka spah kaba ki la ïoh da ka jingleh jubor phin ai sngewbha ïa nga, U Trai jong ka pyrthei baroh kawei.”

ISAÏAH 16:1

Na ka nongbah jong ka Sela ha ka ri shyiap, ki briew jong ka Moab ki phah u khunlangbrot kum ka jingai sngewbha ïa uta uba synshar ha Jerusalem.

MATHAÏOS 2:11

Ki la leit rung shapoh ka ïing, bad haba ki la ïohi ïa u khunlung lem bad ka kmie jong u ka Mari, ki la dem khohsiew bad ki la mane ïa u. Ki la sei ïa ki jingai sngewbha jong ki da ka ksiar, ka jingiwbih bad ka Mirr, bad ki la ai ïa ki ha u.

ISAÏAH 18:2

Na kata ka ri, ki nongkit 'tiensyiem ki la wan arsut ïa ka Nile ha ki lieng ba la shna da ki khah. Khie noh sha ïing, ko nonglamktien bastet! Rah noh ïa ka khubor sha ka ri jong phi kaba la pynïakhlad ïa ki wah, sha ka jaitbynriew jong phi kaba khlaiñ bad kaba donbor, sha ki briew jong phi kiba jrong bad kiba jlih ka sniehdoh, ïa kiba la sheptieng ha kylleng ka pyrthei baroh.

HABAKKUK 1:7

Ki wallam ïa ka jingtieng bad jingpyntriem, bad ha ka jingsarong jong ki, ki shim ïa ka aiñ ha lade.

SALM 68:32

To rwai ha U Blei, phi ki hima jong ka pyrthei; to rwai ki jingïaroh ïa U Trai,