ISAÏAH 18:4 - Khasi CL Bible (BSI)

⁴ U Trai u la ong ha nga, “Ngan jngoh sha tbian na bneng kumba ka umjer ka wandur jar jar ha ki miet basyiad ha ka aïom ot, kumba ka sngi ka phyrnai itynnat ha ka jingshit ka sngi.

KA BAIBL

⁴ Namar kumne U Trai u la ong ha nga, “Ngan shong khop, ngan khmih ruh ha la ka jaka shong; kum ka jingshit basngur ha ka bashai ka sngi, kum u lyoh umjer ha ka jingshit ka aïom ot.

ISAÏAH 18:4 ပူးပေါင်းရင်းမြစ်များ

2 SAMUEL 23:4

u long kum ka sngi kaba shat ha ka step bym don lyoh, ka sngi kaba pynshat phyrnai ïa u phlang hadien u slap.”

2 KHRONIKL 6:21

To sngew ïa ki jingduwai jong nga bad ki jingduwai jong ki briew jong me ki Israel haba ki phai khmat sha kane ka jaka bad duwai. Na ka ïing jong me ha bneng, to sngew ïa ngi bad map ïa ngi.

SALM 72:6

Ai ba u syiem un long kum u slap ha ki lyngkha, kum u 'lap praw uba hap halor ka khyndew.

PROBERB 19:12

Ka jingbitar u syiem ka long kum ka jingkyrhuh u sing, hynrei ka jingsngewbha jong u ka long kum u slap ba pdiang hun.

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

ISAÏAH 14:32

Kumno ngin jubab ïa ki nonglamktien kiba wan sha ngi na ki Philistia? Ngin ïathuh ïa ki ba U Trai u la seng nongrim ïa ka Seïon bad ba ki briew jong u kiba shahshitom kin shem ka jingshngain hangta.

ISAÏAH 18:7

Ka por ka wan haba U Trai Badonbor Baroh un pdiang ïa ki jingainguh na kane ka ri ba la pynïakhlad ïa ki wah, kane ka jaitbynriew kaba khlaiñ bad kaba donbor, ki briew kiba jrong bad kiba jlih ka sniehdoh, ïa kiba la sheptieng ha ka pyrthei baroh. Kin wan sha u Lum Seïon, ha kaba la mane ïa U Trai Badonbor Baroh.

ISAÏAH 26:19

Kito kiba dei napdeng ki briew jong ngi kiba la ïap kin im biang! Ki met jong ki kin wan phai biang sha ka jingim. Baroh kito kiba ïohthiah ha ki jingtep jong ki kin kyndit thiah bad kin rwai namar ka jingkmen. Kumba ka umjer baphyrnai ka pynthymmai bor ïa ka khyndew, kumta ruh U Trai un pynkhie im pat ïa kito kiba la ïap la slem.

ISAÏAH 26:21

U Trai u wan na ka jaka shong jong u na bneng ban pynshitom ïa ki briew jong ka pyrthei namar ki pop jong ki. Ki jingpynïap briew ha ka pyrthei ïa kiba la leh ha kaba rieh, yn pynpaw, bad ka khyndew kan ym lah shuh ban buhrieh ïa kito ïa kiba la pynïap.

ISAÏAH 31:9

U patsha jong ki un phet ha ka jingsngew shyrkhei, bad ki rangbah shipai kin sheptieng haduh katta katta haduh ba kin iehnoh ïa ki lama thma jong ki.” U Trai u la kren — U Trai ïa uba la mane ha Jerusalem bad uba ka ding jong u ka thang hangta ïa ki jingkñia.

ISAÏAH 46:13

Nga wallam ïa ka sngi ka jingjop sha jan — kam long satia kaba dang sha jngai. Ïa ka jingjop jong nga yn ym pynslem. Ngan pyllait im ïa ka Jerusalem bad ngan wallam ïa ka burom ka Israel hangta.”

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

HOSIA 14:5

Ngan long ïa ki paid Israel kum u slap ha ka dewryngkhiang. Kin phuh kum ki syntiew; kin suhthied skhem kum ki dieng ha Lebanon.

HOSIA 5:15

“Ngan lyndet noh ïa ki briew jong nga haduh ba kin shahshitom ha ban da biang na ka bynta ki pop jong ki bad wan ban wad ïa nga. Lehse ha ki jingshah shitom jong ki, kin pyrshang ban wad ïa nga.”

JOEL 3:17

“Te ko Israel, phan sa tip ba nga long U Trai U Blei jong pha. Nga shong ha Seïon, u lum bakyntang jong nga. Ka Jerusalem kan long ka nongbah bakyntang; ki nongwei kin ym lah ban jop shuh ïa ka lano lano ruh.

AMOS 3:7

U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.