ISAÏAH 18:1 - Khasi CL Bible (BSI)

¹ Sha lyndet ki wah jong ka Sudan don ka ri ha kaba la ïohsngew ïa ka jingsawa jong ki thapniang.

KA BAIBL

¹ A, ka ri ka jingriew ki thapniang, kaba don sha lyndet ki wah ka Ethiopia:

ISAÏAH 18:1 ပူးပေါင်းရင်းမြစ်များ

2 SYIEM 19:9

Ka ktien ka leit poi sha ki Assyria ba ka kynhun shipai Ijipt, ba la ïalam da u Tirhakah u syiem ka Ithiopia, u wan ban tur ïaleh ïa ki. Haba u nongsynshar u ïohsngew ïa kane, u phah ïa ka shithi sha u Hesekaïah u syiem ka Judah

SALM 17:8

To ïada ïa nga kumba me leh ïa la ki jong ki khmat; buhrieh ïa nga ha ka jingkah ki thapniang jong me

SALM 36:7

Katno kaba kordor, A Blei, ka long ka jingieit baneh jong me! Ngi ïoh jingïada hapoh ka syrngiew ki thapniang jong me.

SALM 57:1

To leh-isynei ïa nga, A Blei, to leh-isynei, namar nga wan sha me ban ïoh jingshngain. Ha ka syrngiew jong ki thapniang jong me nga shem ka jingïada haduh ba ki 'erïong bajur ki kut noh.

SALM 61:4

Ai ngan shong ha ka jaka kyntang jong me shi lynter ka jingim jong nga; ai ngan shem ka jingshngain hapoh ki thapniang jong me.

SALM 63:7

namar me la ïailong ka jingïarap jong nga. Ha ka syrngiew jong ki thapniang jong me nga rwai da kaba kmen.

SALM 91:4

Un tap ïa me da ki thapniang jong u; men long shngain hapoh ka jingsumar jong u; ka jinglong baïaineh jong u kan ïada bad kyrshan ïa me.

ISAÏAH 31:1

Kito kiba leit sha Ijipt ban ïoh jingïarap kin jot! Ki shaniah ha ka bor shipai bakhraw jong ka Ijipt — ki kulai, ki kali ïapom, bad ki shipai. Hynrei kim tip ban shaniah ha U Trai, U Blei Bakhuid ki Israel, lane pan na u ïa ka jingïarap.

ISAÏAH 37:9

Haba la poi ktien ha ki Assyria ba ki shipai Ijipt, ba la ïalam da u syiem Tirhakah jong ka Sudan, u dang wan ban tur ïaleh ïa ki.

ISAÏAH 45:14

U Trai u ong ïa ki Israel, “Ka spah ki Ijipt bad ki Sudan kan long ka jong phi, bad ki rangbah bajrong jong ka Seba kin long ki mraw jong phi; kin bud ïa phi ha ki kynjri. Kin dem ngon ha phi bad kin phla, ‘U Blei u don ryngkat bad phi — tang ma u, u long U Blei.

ESEKIEL 30:9

“Haba kata ka sngi ka wan bad ïa ka Ijipt la pynjot, ngan phah ïa ki nonglamktien ha ki liengbah ban pynkhih ïa ki briew ki bym poi pyrkhat jong ka Sudan, bad kin sngewtriem. Kata ka sngi ka la jan wan!”

SEPHANAÏAH 2:12

U Trai un pynïap ruh ïa ki briew jong ka Sudan.

SEPHANAÏAH 3:10

Wat na ka Sudan kaba sha jngai, ki briew jong nga kiba la sakma kin wallam ki jingainguh sha nga.

MATHAÏOS 23:37

“A Jerusalem, Jerusalem! Pha pynïap ïa ki nongïathuhlypa bad lynthem maw ïa ki nonglamktien kiba U Blei u la phah ha pha! Katno sien nga la kwah ban kdup ha ki ksang'ti jong nga ïa ki briew jong pha baroh, kumba ka syiar ka lumlang ïa la ki khun hapoh ki thapniang jong ka, hynrei pham shym la shah ïa nga.

RUTH 2:12

To U Trai un ainong ïa phi namar kaei kaba phi la leh. Ai ba phin ïoh ka bainong kaba pura na U Trai U Blei ki Israel, sha uba phi la wan ban ïoh jingïada.”