ISAÏAH 17:8 - Khasi CL Bible (BSI)

⁸ Kin ym shaniah shuh ha ki duwan kiba ki la thaw da ki kti jong ki, lane shaniah ha ki kam ki kti jong ki hi — ki dak jong ka bleithaw Asherah bad ki duwan ban thang jingiwbih.

KA BAIBL

⁸ Te un ym khmied sha ki duwan, ki jingtrei ki kti jong u, lymne un ym ñiewkor ïa kata kaba ki shynriah'ti jong u ki la thaw, ïa ki Asherah, lymne ïa ki dur sngi.

ISAÏAH 17:8 ပူးပေါင်းရင်းမြစ်များ

2 SAMUEL 22:42

Ki wad jingïarap, hynrei ym don uba pyllait im ïa ki; ki khot kyrpad ïa U Trai, hynrei um jubab.

2 KHRONIKL 14:5

Namar ba u pynduh noh ïa ki jaka mane blei thala bad ki duwan jingiwbih na baroh ki nongbah jong ka Judah, ka hima ka don ha ka jingsuk hapoh ka jingsynshar jong u.

2 KHRONIKL 31:1

Hadien ba ka Jingkhawai Niam ka la kut, baroh ki paid Israel ki leit sha kawei pa kawei ka nongbah ha Judah bad ki pynpra ïa ki rishot maw, ki pyndkut ïa ki dur ka blei Asherah, bad ki pynjot ïa ki duwan bad ki jaka mane blei thala. Ki leh ïa kajuh ha baroh ki bynta basah jong ka Judah, bad ïa ki ri jong ki Benjamin, Ephraim bad Manasseh; nangta baroh na ki, ki leit phai sha ïing.

2 KHRONIKL 34:4

Hapoh ka jingbthah jong u ïa ki duwan ha kaba la mane ïa u Baal la pynpra, bad ïa ki duwan jingiwbih hajan jong ki la pyntwa. Ki pynlwet kum ki pui pui ïa ki dur ka Asherah bad ïa kiwei ki bleithaw baroh bad nangta ki bret ïa u pui pui ha ki jingtep jong ki briew kiba la ai jingkñia ïa lade ha ki.

EKSODOS 34:13

Pynban, pynpra ïa ki duwan jong ki, pynjot ïa ki rishot kyntang jong ki, bad pom pynduh ïa ki shab jong ka Asherah, ka blei jong ki.

ISAÏAH 1:29

Phin sngewsih ba phi la ju mane ïa ki dieng bad thung ki kper kyntang.

ISAÏAH 10:20

Ka por ka poi ha kaba ki paid Israel kiba la lait im kin ym shaniah shuh ha ka jaitbynriew kaba la jan pynjot thiaw ïa ki. Da shisha kin buh ka jingshaniah jong ki ha U Trai, U Blei bakhuid jong ka Israel.

ISAÏAH 17:9

Haba kata ka sngi ka wan, ïa ki nongbah kiba la ïada bha yn iehnoh bad yn ieh ha ka jingjot jingpra kum ki nongbah kiba ki Hib bad ki Amor ki la iehnoh mynba ki phet ïap na ki paid Israel.

ISAÏAH 2:8

Ka ri jong ki ka dap da ki bleithaw, bad ki mane ïa kita kiba ki la shna da ki kti jong ki hi.

ISAÏAH 27:9

Hynrei ïa ki pop jong ki Israel yn map tang haba ïa ki maw jong ki duwan ki blei thala la pynlwet jin kum u shok, bad ba ym don shuh ki duwan thang iwbih lane ki dur jong ka blei Asherah kiba dang sah.

ISAÏAH 30:22

Phin shim ïa ki bleithaw jong phi ba la sop da ka rupa bad ïa ki blei jong phi ba la tap da ka ksiar, bad phin bret noh ïa ki kum ïa ka jakhlia, bad phin pyrta, “Wat don shuh ha khmat jong nga!”

ISAÏAH 37:19

bad ki la thang lut ïa ki blei jong ki — ki bym long satia ki blei, tang ki dur jong u dieng bad u maw ba la shna da ki kti briew.

ISAÏAH 41:29

Baroh kine ki blei ki long ki bymlarkam; Kim lah ban leh ei ei ruh em — Kine ki bleithaw ki long kiba tlot bad ki bymdonbor.”

ISAÏAH 44:15

U briew u pyndonkam shi bynta jong u dieng ban thang ding bad shi bynta jong u ban pynlong bleithaw. Da shi bynta u pynmeh ding ban pynsyaid ïa lade bad shet kpu; da kawei pat ka shi bynta u shna blei bad mane ïa ka.

JEREMAÏAH 17:2

Ki briew jong phi ki mane ha ki duwan bad ïa ki dak kiba la pynïeng na ka bynta ka blei Asherah harud jong uwei pa uwei u dieng bajyrngam, ha ki kliar lum

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

HOSIA 14:8

Ki paid Israel kim don bynta ei ei shuh bad ki bleithaw; ngan jubab ïa ki jingduwai jong ki bad sumar ïa ki; kum u dieng ba ïai jyrngam ngan kah tngen ïa ki; nga long u tynrai jong ki jingkyrkhu jong ki baroh.”

HOSIA 14:9

To ai ba kito kiba stad kin shemphang ïa kaei kaba la thoh hangne; bad ai ba kin pdiang ïa ki naduh ka dohnud. Ki lynti U Trai ki long kiba beit, bad ki briew kiba hok ki im da kaba bud ïa ki, hynrei ki nongpop ki jynthut bad ki kyllon namar ba kim suidñiew ïa ki.

SEPHANAÏAH 1:3

ïa baroh ki briew bad ki mrad, ki sim bad ki dohkha. Ngan wallam ka jingkyllon jong u bymman. Ngan pynjot ïa u bynriew baroh, bad yn ym pynsah ïa uno uno uba lait im. Ma nga, U Trai nga la kren.

SEKHARAÏAH 13:2

Ha kata ka por ngan weng noh ïa ki kyrteng jong ki bleithaw na ka ri, bad ym don mano mano ban kynmaw shuh ïa ki. Ngan weng noh ïa uno uno uba kam ba u long u nongïathuhlypa bad ngan shim noh ïa ka jingkwah ban mane ïa ki bleithaw.

DEUTERONOMI 7:5

Kumta, pynpra ïa ki duwan jong ki, pynpait pharia ïa ki rishot mawkyntang jong ki, mait ïa ki dak ka blei Asherah jong ki, bad thang ïa ki bleithaw jong ki.