ISAÏAH 17:7 - Khasi CL Bible (BSI)

⁷ Haba kata ka sngi ka wan, ki briew kin phai sha U Nongthaw jong ki ban ïoh ïarap, U Blei bakhuid jong ki Israel.

KA BAIBL

⁷ Ha kata ka sngi, u briew un khmied sha la U Nongthaw, bad ki khmat jong u kin ñiewkor ïa uta U Bakhuid jong u Israel.

ISAÏAH 17:7 ပူးပေါင်းရင်းမြစ်များ

2 SAMUEL 22:42

Ki wad jingïarap, hynrei ym don uba pyllait im ïa ki; ki khot kyrpad ïa U Trai, hynrei um jubab.

2 KHRONIKL 31:1

Hadien ba ka Jingkhawai Niam ka la kut, baroh ki paid Israel ki leit sha kawei pa kawei ka nongbah ha Judah bad ki pynpra ïa ki rishot maw, ki pyndkut ïa ki dur ka blei Asherah, bad ki pynjot ïa ki duwan bad ki jaka mane blei thala. Ki leh ïa kajuh ha baroh ki bynta basah jong ka Judah, bad ïa ki ri jong ki Benjamin, Ephraim bad Manasseh; nangta baroh na ki, ki leit phai sha ïing.

SALM 95:6

Ale, to ngin ïadem ngon bad mane ïa u; to ngin ïadem khohsiew ha khmat U Trai, U Nongthaw jong ngi!

ISAÏAH 19:22

U Trai un pynshitom ïa ki Ijipt, hynrei pynban un pynkhiah ïa ki. Kin phai sha u, bad un ïohsngew ïa ki jingduwai jong ki bad pynkoit ïa ki.

ISAÏAH 22:11

Khnang ban pynlang ïa ka um, phi la shna ka jaka pynlang um hapoh jong ka nongbah ban bat ïa ka um kaba tuid na ka pung kaba rim. Hynrei phim shym la pynshahshkor ïa U Blei, uba la thmu ïa kane baroh la slem bah bad uba la pynurlong ïa ka.

ISAÏAH 29:24

Ki briew kiba bieit kin nang ban sngewthuh, bad kito kiba khñium borabor kin kmen ban ïoh jinghikai.”

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

AMOS 3:12

U Trai u ong, “Kumba u nongaplangbrot u shem pat sa tang ar tylli ki kjat, ne ka shkor jong ka langbrot ba u sing u la bam, kumta ruh yn pyllait im tang khyndiat ïa ki briew ka Samaria, kiba mynta ki shong shaniah ha ki jingthiah baremdor.

MIKAH 7:7

Hynrei ngan ap khmih ïa U Trai; ngan ap skhem ïa U Blei, u ban pyllait im ïa nga. U Blei jong nga un sngew ïa nga.