ISAÏAH 17:6 - Khasi CL Bible (BSI)

⁶ Tang khyndiat ki briew kin lait im, bad ka Israel kan long kum u dieng Olib na kaba la kheit lut ïa ki soh Olib lait noh ar ne lai tylli kiba ha kliar eh, lane khyndiat kiba la iehnoh ha ki tnat kiba shapoh. Nga, U Trai U Blei jong ki Israel, nga la kren.”

KA BAIBL

⁶ Pynban, yn pynsah soh khyrdong hangta, kum kaba pynkhynñiuh ïa u dieng Olib, ar ne lai tylli ki soh ha kliar ka tnat bajrong tam, saw ne san tylli ha ki tnat ba ha tduh eh jong u dieng basei bha,” ong U Trai, U Blei ki Israel.

ISAÏAH 17:6 ပူးပေါင်းရင်းမြစ်များ

1 SYIEM 19:18

Pynban ngan pynsah hynñiew hajar ngut ki briew ha Israel — kito kiba ïaineh ha nga bad ki bym shym la dem ïa u Baal ne doh ïa u bleithaw jong u.”

ISAÏAH 1:9

Lada U Trai Badonbor Baroh um shym ailad ïa ki katto katne ki briew ban lait im, yn jin da la pynjot hi thiaw ïa ka Jerusalem, kumba long ïa ka Sodom bad Gomorrah.

ISAÏAH 10:22

Wat la mynta ki don bun ki paid Israel kumba don ki symboh shyiap harud ka duriaw, tang khyndiat ngut ki ban wan phai pat. La pynap ïa ka jingpynjot na ka bynta ki briew, bad ka long kaba dei ban ïoh pura.

ISAÏAH 24:13

Kane ka dei kaei ka ban jia ha baroh ki jaitbynriew kylleng ka pyrthei. Kan long kum ka jingkut jong ka jingot, haba ïa ki soh Olib la dep tied pynhap na uwei pa uwei u dieng bad ba ïa ki sohwaiñ bakhatduh la kheit na ki dieng sohwaiñ.

ISAÏAH 27:12

Ha kata ka sngi, na Ïuphratis shaduh u pud ka ri Ijipt, U Trai un ïalum ïa uwei pa uwei na ki briew jong u, kum uba pynkhlad ïa u kew na u stait.

JEREMAÏAH 4:27

(U Trai u la ong ba ka pyrthei baroh kawei kan kylla long ka ri khlaw, hynrei ba un ym pynjot khoit ïa ka.)

ESEKIEL 39:29

Ngan theh buk ïa U Mynsiem jong nga ha ki paid Israel, bad ngan ym phai dien shuh na ki. Ma nga, U Trai Nongsynshar, nga la kren.”

OBADAÏAH 1:5

“Haba ki nongtuh ki wan mynmiet, ki rah tang ïa kaei kaba ki kwah. Haba ki briew ki lum ïa ki sohwaiñ, borabor ki pynsah khyrdong khyndiat. Hynrei ki nongshun jong pha ki la pyndam noh khoit ïa pha.

MIKAH 7:1

Ka long ka jingduh jingkyrmen! Nga long kum u briew uba thngan uba shem ba ym don soh ba dang sah ha ki dieng bad ym don sohwaiñ ha ki dieng sohwaiñ. Ïa baroh ki sohwaiñ bad baroh ki soh Dumbur ba-bang la kheit lut.

Ka Shithi U Paul Sha Ki Nong Rom 11:26

Bad kane ka long kumno ba ïa baroh ki Israel yn pynim. Kumba ka Jingthoh Bakhuid ka ong, “U Nongpynim un wan na Seïon bad un weng noh ïa baroh ka jingbymman na ki khun ki ksiew u Jakob.

Ka Shithi U Paul Sha Ki Nong Rom 9:27

Bad U Isaïah u la pyrta shaphang ki Israel: “Wat lada ki paid Israel ki bun kat u shyiap harud duriaw, pynban tang khyndiat na ki yn pynim;

DEUTERONOMI 4:27

U Trai un pynsakma ïa phi hapdeng kiwei pat ki jaitbynriew, bad hangta tang khyndiat eh na phi phin lait im.

NONGBISHAR 8:2

Hynrei u ong ha ki, “Kaei kaba nga lah ban leh kam long ei ei haba nujor bad kaei kaba phi la leh. Wat kata kaba rit eh kaba ma phi ki paid Ephraim phi la leh ka long kaba kham kor shikatdei eh ban ïa kaei kaba ka kur jong nga baroh ka la leh.