ISAÏAH 17:3 - Khasi CL Bible (BSI)

³ Ka Israel kan long kaba khlem jingïada, bad ka Damaskos kan duh noh ïa ka jinglaitluid jong ka. Kito ki nong Syria kiba lait im kin don ha ka jinglehrain kum ki briew jong ka Israel. Nga, U Trai Badonbor Baroh, nga la kren.”

KA BAIBL

³ Ka kut baskhem kan duh noh ruh na Ephraim, bad ka hima ka Damaskos, bad i bynta ba dang sah ka Syria; kin long kum ka burom ki khun Israel,” ong U Trai ki paid.

ISAÏAH 17:3 ပူးပေါင်းရင်းမြစ်များ

2 SYIEM 16:9

U Tiglath Pileser, haba jubab ïa ka jingkyrpad u Ahas, u tur sha khmat bad la ka kynhun shipai pyrshah ïa ka Damaskos, u kurup ïa ka, u pynïap ïa u syiem Resin, bad u ïalam koidi ïa ki briew sha Kir.

2 SYIEM 17:6

kaba long ka snem kaba khyndai jong ka jingsynshar u Hoshea, u patsha ka Assyria u kurup ïa ka Samaria, u rah ïa ki Israel sha Assyria kum ki koidi, bad pynsah katto katne ngut na ki ha ka nongbah Halah, katto katne pat hajan ka wah Habor ha ka distrik Gosan, bad katto katne ha ki nongbah jong ka Media.

ISAÏAH 10:9

Nga la hiarthma ïa ki nongbah jong ka Kalno bad Karkhemish, ki nongbah jong u Hamath bad u Arpad. Nga la hiarthma ïa ka Samaria bad ïa ka Damaskos.

ISAÏAH 16:14

Bad mynta U Trai u ong, “Ha ki lai snem thik, ka spah bakhraw jong ka Moab kan jah noh. Na ki briew kiba bun jong ka, tang khyndiat ki ban lait im, bad kin long kiba tlot.”

ISAÏAH 17:4

U Trai u la ong, “Ka sngi ka wan ha kaba ka jingkhraw jong ka Israel kan poi sha kaba kut, bad ïa ka spah jong ka yn bujli da ka jingduk.

ISAÏAH 25:2

Me la pynjot ïa ki nongbah bad pynpra ïa ki jingtei-kut. Ki ïingsyiem kiba ki nongshun jong ngi ki la tei ki la jah noh junom.

ISAÏAH 7:16

Wat ha shuwa ba kata ka por kan wan, ïa ki ri jong kito ki ar ngut ki syiem kiba la pynshyrkhei ïa phi yn iehnoh.

ISAÏAH 7:8

Balei? Namar ba ka Syria kam long kaba kham khlaiñ ban ïa ka Damaskos, ka nongbah jong ka, bad ka Damaskos kam long kaba kham khlaiñ ban ïa u Syiem Resin. Katba ïa ka Israel, hapoh ki hynriewphew san snem yn sa pynkhynñiuh ïa ka ruh ban lait im kum ka jaitbynriew.

ISAÏAH 8:4

Ha shuwa ba u khynnah un heh un san ban ong ‘Mei’ bad ‘Pa’, ïa ka spah baroh jong ka Damaskos bad ïa ka mar lute baroh jong ka Samaria yn kit noh da u patsha ka Assyria.”

HOSIA 1:4

U Trai u la ong ha u Hosia, “Pynkyrteng ïa u, u ‘Jesreel,’ namar kan ym slem shuh shuwa ba ngan pynshitom ïa u syiem ki Israel namar ki kam pynïap briew ba u kpa tymmen jong u, u Jehu u la leh ha Jesreel. Ngan pynkut noh ïa ka jingsynshar na ka longïing syiem jong u Jehu.

HOSIA 1:6

Ka Gomer ka la kha ïa i khun ba ar — ha kane ka por da i kynthei. U Trai u la ong ha u Hosia, “Pynkyrteng ïa ka, ‘ka Lo-Ruhamah’ namar ngan ym pyn-i jingieit shuh ïa ki briew ka Israel, lane map ïa ki.

HOSIA 10:14

ka thma kan sa wan ha ki briew jong phi, bad ïa ki kut jong phi baroh yn pynjot. Kan long kum ka sngi ha kaba u syiem Shalman u la pynjot ïa ka nongbah Betharbel ha ka thma, ha kaba ïa ki kmie bad ki khun jong ki la pynlwet haduh ban da ïap.

HOSIA 3:4

Ha kane kajuh ka rukom ki briew ka Israel kin hap ban ap slem khlem ki syiem ne ki nongïalam, khlem jingkñia lane rishot mawkyntang, khlem bleithaw lane dur ban pyndonkam ha kaba khan blei.

HOSIA 8:8

Ki Israel kin long kum kiwei pat ki jaitbynriew bad kin long ki bymlarkam kum u khra ba la pait.

HOSIA 9:11

Ka jingkhraw ki Israel kan her noh kum ka sim, bad yn ym don shuh ki khun ban kha na ki, yn ym don shuh ki kynthei ki ban armet, yn ym don jingpunkhun shuh.

AMOS 8:14

Kito kiba smai ha ki bleithaw jong ka Samaria, kiba ong, ‘Da u blei jong ki Dan,’ lane, ‘Da u blei jong ki Beersheba,’ — kito ki briew kin kyllon, bad kin ym khie pat.”