ISAÏAH 17:1 - Khasi CL Bible (BSI)

¹ U Trai u la ong, “Ka Damaskos kan ym long shuh ka nongbah; kan long tang ka thup ki jingjot jingpra.

KA BAIBL

¹ Ka jingkit ka Damaskos. “Ha khmih, ïa ka Damaskos la pynkylla noh, na ka ban long ka nongbah, te kan sa long lymbher tait.

ISAÏAH 17:1 ပူးပေါင်းရင်းမြစ်များ

JENESIS 14:15

Hangta u pynbynta kynhun kynhun ïa la ki briew, u tur pyrshah ïa ki nongshun mynmiet, bad u jop ïa ki. U beh ruh ïa ki haduh Hobah, kaba shaphang shatei jong ka Damaskos, bad u la ïoh pat ruh ïa kat kaba ki la lute.

JENESIS 15:2

Hynrei u Abram u ong, “Ko Trai Nongsynshar, kan myntoi aïu ka bainong jong me ïa nga haba ngam don khun? U nongïoh pateng jong nga u dei tang u Eliesar uba na Damaskos.

1 SYIEM 11:24

(Kane ka jia hadien ba u Dabid u la jop ïa u Hadadeser bad u la pynïap ïa ki paralok jong u na Syria.) U Reson bad ki rangbah jong u ki leit bad sah ha Damaskos, ha kaba ki rangbah jong u ki pynlong ïa u, u syiem ka Syria.

2 SYIEM 16:9

U Tiglath Pileser, haba jubab ïa ka jingkyrpad u Ahas, u tur sha khmat bad la ka kynhun shipai pyrshah ïa ka Damaskos, u kurup ïa ka, u pynïap ïa u syiem Resin, bad u ïalam koidi ïa ki briew sha Kir.

1 KHRONIKL 18:5

Haba ki Syria jong ka Damaskos ki phah ïa ka kynhun shipai ban ïarap ïa u syiem Hadadeser, u Dabid u tur ïaleh ïa ka bad u pynïap arphew hajar ngut ki rangbah.

2 KHRONIKL 28:23

U kñia ki jingainguh ha ki blei jong ki Syria, kiba la jop ïa u. U ong, “Ki blei jong ki Syria ki la ïarap ïa ki syiem Syria, kumta lada nga ai jingkñia sha ki, ki lah ban ïarap ïa nga ruh.” Kane ka la wanrah jingpynjot ïa u bad ha ka hima jong u.

2 KHRONIKL 28:5

Namar ba u syiem Ahas u la leh pop, U Trai U Blei jong u, u la shah ïa u syiem ka Syria ban jop ïa u bad ban ring koidi bun bah na ki Judia sha Damaskos. U Trai u la shah ruh ïa u Pekah u syiem ka Israel, u khun jong u Remalaïah, ban jop ïa u Ahas bad pynïap shi lakh arphew hajar ki shipai Judia kiba shlur bha tang hapoh shi sngi. U Trai U Blei jong ki kpa tymmen jong ki u la shah ïa kane ban jia, namar ki briew ka Judah ki la kyntait noh ïa u.

ISAÏAH 10:9

Nga la hiarthma ïa ki nongbah jong ka Kalno bad Karkhemish, ki nongbah jong u Hamath bad u Arpad. Nga la hiarthma ïa ka Samaria bad ïa ka Damaskos.

ISAÏAH 13:1

Kane ka dei ka khubor shaphang ka Babilon, kaba u Isaïah u khun jong u Amos u la ïohpdiang na U Blei.

ISAÏAH 15:1

Kane ka dei ka khubor shaphang ka Moab. Ïa ki nongbah jong ka Ar bad ka Kir la pynjot tang ha kawei ka miet, bad ka jingkynjah ka tap ïa ka ri Moab.

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

ISAÏAH 25:2

Me la pynjot ïa ki nongbah bad pynpra ïa ki jingtei-kut. Ki ïingsyiem kiba ki nongshun jong ngi ki la tei ki la jah noh junom.

ISAÏAH 37:26

“Hato mem pat ju ïohsngew ba nga la thmu ïa kane baroh slem mynshuwa? Bad mynta nga pynurlong ïa ka. Nga ai ha me ka bor ban pynkylla ïa ki nongbah ba la ker kynroh sha ki kynton theh ñiut.

ISAÏAH 7:16

Wat ha shuwa ba kata ka por kan wan, ïa ki ri jong kito ki ar ngut ki syiem kiba la pynshyrkhei ïa phi yn iehnoh.

ISAÏAH 7:8

Balei? Namar ba ka Syria kam long kaba kham khlaiñ ban ïa ka Damaskos, ka nongbah jong ka, bad ka Damaskos kam long kaba kham khlaiñ ban ïa u Syiem Resin. Katba ïa ka Israel, hapoh ki hynriewphew san snem yn sa pynkhynñiuh ïa ka ruh ban lait im kum ka jaitbynriew.

ISAÏAH 8:4

Ha shuwa ba u khynnah un heh un san ban ong ‘Mei’ bad ‘Pa’, ïa ka spah baroh jong ka Damaskos bad ïa ka mar lute baroh jong ka Samaria yn kit noh da u patsha ka Assyria.”

JEREMAÏAH 49:2

Hynrei ka por ka poi haba ngan pynlong ïa ki briew jong ka nongbah Rabbah ban ïohsngew ïa ka jingsawa jong ka thma, bad yn ieh ïa ka ha ka jingjot bad ïa ki nongrit jong ka ban thang haduh khyndew. Nangta ki Israel kin shim pat ïa la ka jaka na kito kiba la shim ïa ka na ki.

MIKAH 1:6

Kumta U Trai u ong, “Ngan pynlong ïa ka Samaria ka kynton ñiut ha rudnong, ka jaka ban thung ïa ki dieng sohwaiñ. Ngan theh noh ïa ka jakhlia jong ka nongbah sha ka jaka them, bad ngan pynpaw shabar tang ïa ki maw nongrim jong ka nongbah.

MIKAH 3:12

Bad kumta, namar jong phi, ïa ka Seïon yn lur kum ïa ka lyngkha, ka Jerusalem kan long kum ka kynton ñiut, bad u lum ka Templ un long kum ka khlaw.

SEKHARAÏAH 9:1

Kane ka long ka khubor jong U Trai: U la rai pynshitom ïa ka ri Hadrakh bad ïa ka nongbah Damaskos. Ym tang ki jait Israel hynrei ka nongbah Syria ruh ka long ka jong U Trai.

KI KAM 9:2

U la leit sha u Rangbah Lyngdoh, bad u la pan ïa ki shithi pynithuh sha ki synagog kiba ha Damaskos, khnang ba lada un lap ïano ïano hangta kiba bud ïa ka Lynti jong U Trai, un lah ban kem ïa ki, shynrang bad kynthei bad wallam pat ïa ki sha Jerusalem.

DEUTERONOMI 13:16

Lumlang ïa ki jingdon jingem jong ki briew baroh kiba shong hangta bad kynton ïa ki ha ka madan shnong. Nangta thang ïa kata ka shnong bad ïa kata ka spah ka phew baroh kum ka jingainguh thang sha U Trai U Blei jong phi. Ka dei ban sah junom ha ka jingjot bad ym dei ban tei pat.