ISAÏAH 16:3 - Khasi CL Bible (BSI)

³ Ki ong ha ki briew jong ka Judah, “Ong ïa ngi kaei ba ngin leh. To ïada ïa ngi kum u dieng uba shat syrngiew tngen ha ka jingshit jong ka shiteng sngi, bad shah ïa ngi ban pynjahthait ha ka jingda jong me. Ngi long ki phetwir; to buhrieh ïa ngi ha ka jaka ha kaba ym don mano mano ban shem ïa ngi.

KA BAIBL

³ “Ai jingsneng, to leh ïa ka jingbishar; pynlong ïa la ka syrngiew kum ka miet hapdeng kaba shiteng sngi: buhrieh ïa ki nongshah beh, wat pynpaw ïa uba phet wir.

ISAÏAH 16:3 ပူးပေါင်းရင်းမြစ်များ

1 SYIEM 18:4

bad haba ka Jesebel ka dang pynïap ïa ki nongïathuhlypa jong U Trai, u Obadaïah u la shim bad pynrieh ïa ki shispah ngut ki nongïathuhlypa ha ki krem, da kaba phiah ïa ki ha ki ar kynhun kiba sanphew ngut ha kawei kawei ka kynhun, bad u la pynbiang jingbam bad um ïa ki.)

ISAÏAH 1:17

bad to nang ban leh ïa kaba dei. Khmih ba yn leh ïa ka jingbishar hok — ïarap ïa kito kiba shah banbeiñ, ai ha ki khunswet ïa ki hok jong ki, bad ïada ïa ki riewkynthei.”

ISAÏAH 25:4

Kiba duk bad ki bym don jingïarap ki phet sha me bad ki shongshngain ha ki por ka jingjynjar. Me ai jakarieh ïa ki na ki 'erïong bad ka jakarieh tngen na ka jingshit kyr-ang. Ki riewrunar ki tur ïaleh kum ka 'erïong tlang,

ISAÏAH 32:2

Uwei pa uwei na ki un long kum ka jingkah na ka lyer bad ka jaka ban rieh na ki 'erïong. Kin long kum ki wahduid kiba tuid ha ka ri shyiap, kum ka jingkah syrngiew u mawsiang bah ha ka ri shrah.

ISAÏAH 56:8

U Trai Nongsynshar, uba la wallam pat ïa ki paid Israel sha ïing na ka ri ka jinglongmraw, u la kular ba un sa wallam ïa kiwei pat ki briew ban ïasoh lang bad ki.

ISAÏAH 58:7

Ïasam lang ïa ki jingbam jong phi bad kiba thngan, bad ai jaka sah ïa kiba duk ki bym don ïing. Ai jaiñphong ïa kito ki bym don jaiñ ban phong, bad wat kyntait ban ïarap ïa la ki jong ki ba-ha-ïing.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 22:3

“Ma nga, U Trai, nga hukum ïa phi ban leh ïa kaei kaba hok bad kaba beit. Ïada ïa u briew uba shah thok na uta uba shukor ïa u. Wat lehbeiñ ne banbeiñ ïa ki nongwei, ki khunswet, ne ki riewkynthei, bad wat pynïap ïa ki briew kiba lui lui ha kane ka jaka kaba khuid.

DANIEL 4:27

Kumta te, ko Syiem Kynrad, to bud ïa ka jingai jingmut jong nga. Sangeh ban leh pop, to leh ïa kaba dei, bad to sngewsynei ïa kiba duk. Te phin ïailong uba manbha.”

SEKHARAÏAH 7:9

“La slem bah nga la ai ïa kine ki hukum ha ki briew jong nga: ‘Phi dei ban peit ba ïa ka jinglehhok la pyndep, bad phi dei ban pyn-i ka jingbhasbun bad ka jingisynei iwei ïa iwei pat.

MATHAÏOS 25:35

Nga la thngan bad phi la bsa ïa nga, nga la sliang bad phi la ai jingdih ïa nga; nga la long u nongwei bad phi la pdiang sngewbha ïa nga ha ki ïing jong phi,

HEBRU 13:2

Da kynmaw ban pdiang sngewbha ïa ki nongwei ha ki ïing jong phi. Don kiba la leh kumta bad pdiang sngewbha ïa ki angel khlem da tip ïa kata.

NONGBISHAR 9:15

U dieng shiah u jubab, ‘Lada phi kwah shisha ban pynlong ïa nga u syiem jong phi, te ale wan bad riehtngen hapoh ka syrngiew jong nga. Lada phim kwah, ka ding kan klang na ki tnat shiah jong nga bad bam duh ïa ki dieng Kedar ka Lebanon.’