ISAÏAH 15:2 - Khasi CL Bible (BSI)

² Ki briew jong ka Dibon ki kiew ïa u lum ban ïam ha ka jaka mane blei. Ki briew jong ka Moab ki la ïam ha ka jingsngewsih ïa ki nongbah jong ka Nebo bad Medeba; ki la khi ïa la ki khlieh bad ïa u 'ñiuhtmoh ha ka jingsngewsih.

KA BAIBL

² U la leit kiew sha Baith, bad sha Dibon, sha ki jaka bajrong ban ïambriew: ka Moab ka lynñiar namar ka Nebo, bad namar ka Medeba: ha ki khlieh jong ki baroh don ka jinglyndum, ïa u 'ñiuh tmoh baroh la khi noh.

ISAÏAH 15:2 ပူးပေါင်းရင်းမြစ်များ

2 SAMUEL 10:4

U Hanun u la kem ïa ki nonglamktien jong u Dabid, u la khi shiliang ïa u 'ñiuhtmoh jong ki, u khap ïa ki jaiñ jong ki na mar skhep, bad u la phah noh ïa ki.

1 KHRONIKL 19:4

U Hanun u kem ïa ki nonglamktien jong u Dabid bad u khi ïa ki 'ñiuhtmoh jong ki, bad ot ïa ki jaiñphong jong ki ha ki syngkai, bad phah noh ïa ki.

Ka Kitab U Job 1:20

Te u Job u ïeng joit bad u kad ïa la ki jaiñ ha ka jingsngewsih. U khi ïa la ka khlieh bad u bret ïa lade da pyllup ha ka khyndew.

ISAÏAH 14:31

To ud bad to kyang ban ïoh jingïarap, phi baroh ki nongbah ka Philistia! To sngewshyrkhei, phi baroh! U lyoh pui pui u wan na ka phang bashatei — u long ka kynhun shipai bym don ki khawpud hapoh ka kyrdan jong ka.

ISAÏAH 15:3

Ki briew ha ki lynti bah ki la kup da ki jaiñ khain, ha ki jaka paidbah jong ka nongbah bad halor ki tnum ïing ki briew ki ïambriew bad kyang.

ISAÏAH 16:12

Ki briew jong ka Moab ki pynlwait ïa lade da kaba leit sha ki jaka mane ha ki lumbah bad sha ki templ jong ki ban duwai, hynrei kan ym manbha ïa ki.

ISAÏAH 16:7

Ki briew jong ka Moab kin lynñiar namar ki jingjynjar ba ki shah. Baroh kin ïam haba ki kynmaw ïa ka jingbam babha kaba ki ju bam ha ka nongbah jong ka Kir Heres. Yn beh ïa ki baroh sha ka jingduh jingkyrmen.

ISAÏAH 22:12

U Trai U Nongsynshar Badonbor Baroh u la khot ïa phi ha kato ka por ban ïam bad ïam pangnud, ban khi ïa ki khlieh jong phi bad ban phong ki jaiñ khain.

ISAÏAH 3:24

Ha ka jaka ba kin sleh jingiwbih kin sma iwkhong; ha ka jaka ki panpoh ba-itynnat kin teh da ki tyllai barew; ha ka jaka ban don u shñiuh ba-itynnat kin long kiba lyndum; ha ka jaka ki jaiñ ba-itynnat kin phong ki jaiñjot; ka jingbhabriew jong ki kan kylla sha ka jinglehrain.

JEREMAÏAH 3:21

La ïohsngew ïa ka jingsawa halor ki kliar lum: ki dei ki paid Israel kiba ïam bad ïasaid, namar ba ki la im ka jingim ba-dap da ka pop bad ba ki la klet ïa U Trai U Blei jong ki.

JEREMAÏAH 47:2

U ong: “Ha khmih! Ki um ki la nang shlei na shatei bad kin tuid stet kum ka wah ba la shlei um. Kin tap ïa ka ri bad ïa kiei kiei baroh kiba don ha ka, ki nongbah bad ki briew kiba im hangta. Ki briew kin pyrta jingïarap; baroh kiba ha ka pyrthei kin ïamkthang.

JEREMAÏAH 47:5

Ka jingsngewsih bakhraw ka la wan ha ki briew jong ka Gasa, bad ki briew jong ka Ashkelon ki sngap jar. Katno slem kiba dang sah ha Philistia kin ïam sngewsih?

JEREMAÏAH 48:1

Kane ka dei kaei kaba U Trai Badonbor Baroh u ong shaphang ka Moab: “Isynei ïa ki briew jong ka Nebo — ïa ka shnong jong ki la pynjot! La kurup ïa ka Kiriathaim, ïa ka kut baskhem la pynpra, bad ïa ki briew jong ka la pynlehrain; ka burom jong ka Moab ka la jah noh.

JEREMAÏAH 48:18

Phi kiba shong ha Dibon, to hiar noh na ka jaka badonburom jong phi bad shong ha khyndew ha u pui pui; u nongpynjot ka Moab u don hangne bad u la ieh ïa ki kut jong ka ha ki jingjot.

JEREMAÏAH 48:31

Bad kumta ngan ïam na ka bynta uwei pa uwei ha Moab bad na ka bynta ki briew jong ka Kir Heres.

JEREMAÏAH 48:35

Ngan pynsangeh ïa ki briew ka Moab na kaba thang jingainguh ha ki jaka mane jong ki bad ban ai ïa ki jingkñia sha ki blei jong ki. Ma nga, U Trai, nga la kren.

JEREMAÏAH 49:3

Ki briew ka Heshbon, ki kyang! Ïa ka Ai la pynjot! Ki kynthei ka Rabbah, ki leit ïam sngewsih! Ki phong ïa ki jaiñ khain bad ïam pangnud. Ki mareh lamwir. Ïa u Molekh u blei jong phi yn ïalam mraw, lem bad ki lyngdoh bad ki khun syiem.

JEREMAÏAH 7:29

“To ïambriew, ko ki briew ka Jerusalem; to ot noh ïa u shñiuh jong phi bad bret noh ïa u. To rwai ka jingrwai ïapbriew halor ki kliar lum, namar ma nga, U Trai, nga bitar, bad nga la kyntait ïa ki briew jong nga.

ESEKIEL 27:31

Ki khi noh ïa la ki khlieh na ka bynta jong pha bad ki kup ïa lade ha ki jaiñ khain. Ki dohnud jong ki, ki kthang sngewsih katba ki dang ïam.

ESEKIEL 30:2

“Ko khun u briew,” u la ong, “to ïathuhlypa bad pynbna ïa kaei kaba ma nga, U Trai Nongsynshar, nga ong. Men pyrta ïa kine ki ktien: “Ka sngi kaba sngewtriem kan wan!

ESEKIEL 7:18

Kin kup da ka jaiñ khain bad kin kyiuh ha ki jaka baroh. Yn khi lyndum ïa ki khlieh jong ki, bad yn pynlehrain ïa ki baroh.

LEBITIKOS 13:40

Lada u briew u hap shñiuh na shadien ne na sha khmat ka khlieh jong u, kata kam pynlong ïa u bymkhuid.

LEBITIKOS 21:5

“U lyngdoh um dei ban khi ïa la u 'ñiuhkhlieh, lane khap ïa la u 'ñiuhtmoh, lane pynmong ïa la ka met.

AMOS 8:10

Ngan pynkylla ïa ki Jingkhawai Niam jong phi sha ki jingtep briew bad ngan pynkylla ïa ki jingrwai kmen jong phi sha ki jingïam sngewsih. Ngan pynlong ïa phi ba phin khi lyndum ïa la ka khlieh bad phin phong ka jaiñ khain, bad phin long kum ki kmie ki kpa kiba ïambriew na ka bynta u khun ba tang marwei jong ki. Kata ka sngi kan long kaba kthang haduh kaba kut.

JINGKHEIÑ 21:28

Shisien na kane ka nongbah Heshbon Ka kynhun ïapom jong u Sihon ka mih kum ka ding; Ka da pynjot ïa ka nongbah Ar ha Moab Bad ka bam duh ïa ki lum ka Arnon bashaneng.

JINGKHEIÑ 21:30

Hynrei mynta ïa ki khun ki ksiew jong ki la shah pynjot, Shi lynter naduh Heshbon haduh Dibon, Naduh Nashim haduh Nophah, hajan ka Medeba.”

JINGKHEIÑ 32:3

“Kane ka thain ba U Trai u la ïarap ïa ki Israel ban ïohkynti — ki shnong Ataroth, Dibon, Jaser, Nimrah, Heshbon, Elealeh, Sibmah, Nebo bad Beon — ka long ka jaka kaba bha na ka bynta ki jingri, bad ngi don shibun bah ki jingri.

JINGKHEIÑ 32:38

Ka Nebo, ka Baal Meon (ïa kane ka kyrteng la pynkylla,) bad ka Sibmah. Ki la ai kyrteng thymmai ïa ki shnong kiba ki la tei biang.

DEUTERONOMI 14:1

“Phi dei ki briew jong U Trai U Blei jong phi. Kumta haba phi ïam haba ïap mano mano, wat pynmong ïa lade lane khi ïa ki bynta ka khmat jong phi, kumba leh kiwei pat ki jaitbynriew.

DEUTERONOMI 34:1

U Moses u leit kiew na ri them Moab sha u Lum Nebo haduh kliar jong u Lum Pisgah shaphang mihngi na Jerikho, bad nangta U Trai u pyn-i ha u ïa kata ka ri baroh kawei: ka ri Gilead shaduh Dan kaba shaphang shatei;