ISAÏAH 15:1 - Khasi CL Bible (BSI)

¹ Kane ka dei ka khubor shaphang ka Moab. Ïa ki nongbah jong ka Ar bad ka Kir la pynjot tang ha kawei ka miet, bad ka jingkynjah ka tap ïa ka ri Moab.

KA BAIBL

¹ Ka jingkit ka Moab. Namar shi miet ïa ka Ar jong ka Moab la pynjot noh, bad la pynsngap jar; namar shi miet ïa ka Kir jong ka Moab la pynjot noh, bad la pynsngap jar.

ISAÏAH 15:1 ပူးပေါင်းရင်းမြစ်များ

2 SYIEM 3:25

bad pynjot ïa ki nongbah jong ki. Katba ki ïaid lyngba ïa ka lyngkha baseisoh, uwei pa uwei u Israel u ju kawang maw ha ka haduh ba la tap lin ïa baroh ki lyngkha; ki la pynsangeh ruh ïa ki umpohliew bad ki la pom ïa ki diengsoh. Ha kaba khatduh tang ka nongbah Kir Heres ka dang sah, bad ki nongkawang maw ki kerkut ïa ka bad ki tur ïaleh ïa ka.

ISAÏAH 11:14

Ryngkat lang kin tur ïaleh ïa ki Philistia ha ka phang sepngi bad lute ïa ki briew kiba shong ha ka phang mihngi. Kin hiarthma ïa ki briew jong ka Edom, bad ka Moab, bad ki briew jong ka Ammon kin kohnguh ïa ki.

ISAÏAH 13:1

Kane ka dei ka khubor shaphang ka Babilon, kaba u Isaïah u khun jong u Amos u la ïohpdiang na U Blei.

ISAÏAH 14:28

Kane ka dei ka khubor ïa kaba la pynbna ha ka snem kaba u Syiem Ahas u la ïap.

ISAÏAH 16:11

Nga la ud da ka jingsngewsih namar ka Moab, da ka jingpangnud namar ka Kir Heres.

ISAÏAH 16:6

Ki briew jong ka Judah ki ong, “Ngi la ïohsngew katno ki briew jong ka Moab ki long kiba sarong. Ngi tip ba ki long kiba sngewmeng bad kiba sarong palat, hynrei ka jingkob jong ki ka long kaba thylli.”

ISAÏAH 16:7

Ki briew jong ka Moab kin lynñiar namar ki jingjynjar ba ki shah. Baroh kin ïam haba ki kynmaw ïa ka jingbam babha kaba ki ju bam ha ka nongbah jong ka Kir Heres. Yn beh ïa ki baroh sha ka jingduh jingkyrmen.

ISAÏAH 25:10

U Trai un ïada ïa u Lum Seïon, hynrei ki briew jong ka Moab kin shah ïuhroit, kumba ïa u phlangïap la ïuh haba shna sboh.

ISAÏAH 25:12

Un pynjot ïa ki kut jong ki Moab bad ïa ki kynroh bajrong jong ki bad pynhap ïa ki shapoh khyndew.

JINGKHEIÑ 21:28

Shisien na kane ka nongbah Heshbon Ka kynhun ïapom jong u Sihon ka mih kum ka ding; Ka da pynjot ïa ka nongbah Ar ha Moab Bad ka bam duh ïa ki lum ka Arnon bashaneng.

DEUTERONOMI 2:18

‘Mynta ka sngi phi dei ban ïaid lyngba ïa ka ri Moab ha Ar.

DEUTERONOMI 2:19

Te phin sa poi hajan ka ri ki Ammon, ki khun ki ksiew jong u Lot. Wat pynjynjar ïa ki lane ïaleh thma bad ki, namar ngan ym ai ei ei ïa phi na kata ka ri ïa kaba nga la ai ha ki.’ ”

DEUTERONOMI 2:9

U Trai u ong ha nga, ‘Wat pynjynjar ïa ki briew jong ka ri Moab, ki khun ki ksiew jong u Lot, lane wat ïaleh thma bad ki. Nga la ai ha ki ïa ka shnong Ar, bad ngan ym ai ei ei ïa phi na ka ri jong ki.’ ”