ISAÏAH 14:4 - Khasi CL Bible (BSI)

⁴ Haba u leh ïa kane, ki dei ban tim ïa u syiem ka Babilonia bad ong: “U syiem barunar u la kyllon! Un ym banbeiñ shuh da lei lei ïano ïano sa shisien pat!

KA BAIBL

⁴ ba men phawar pyrshah ïa u syiem ka Babilon, bad men ong, “A kumno u nongbanbor u la duh noh! Ka shnong ksiar ka la duh noh!

ISAÏAH 14:4 ပူးပေါင်းရင်းမြစ်များ

2 KHRONIKL 36:18

U syiem ka Babilonia u lute ïa ka Templ, ïa ka ïing jingkynshew ka Templ, bad ka spah jong u syiem bad ki rangbah synshar jong u, bad u kit baroh sha Babilon.

ISAÏAH 13:1

Kane ka dei ka khubor shaphang ka Babilon, kaba u Isaïah u khun jong u Amos u la ïohpdiang na U Blei.

ISAÏAH 13:19

Ka Babilonia ka dei ka hima kaba itynnat tam na baroh, ka dei ka jingsngew sarong jong ki briew jong ka. Hynrei ma nga, U Trai, ngan pynkhyllem ïa ka Babilon kumba nga la leh ïa ka Sodom bad ka Gomorrah!

ISAÏAH 14:17

Hato une u dei u briew uba la pynjot ïa ki nongbah bad pynkylla ïa ka pyrthei sha ka ri shyiap? Hato une u dei u briew u bym ju pyllaitluid ïa ki koidi jong u lane shah ïa ki ban leit sha ïing?’

ISAÏAH 14:5

U Trai u la pynkut ïa ka bor jong ki nongsynshar basniew kiba banbeiñ da ka jingbitar ïa ki briew bad ki bym ju sangeh ban pynshitom beiñ ïa ki jaitbynriew kiba ki la jop.

ISAÏAH 16:4

To ngin shong ha ka ri jong ngi. To ïada ïa ngi na kito kiba kwah ban pynjot ïa ngi.” (Ka jingshah banbeiñ bad ka jingpynjot kin kut, bad kito kiba pynjot ïa ka ri kin jah noh.

ISAÏAH 21:2

Nga la ïohi ka jingïohipaw jong ki jingjia ba-ishyrkhei, ka jingïohipaw ïa ka jingshetkylla bad ka jingpynjot. Ko kynhun shipai jong ka Elam, to tur ïaleh! Ko kynhun shipai jong ka Media, to kerkut ïa ki nongbah! U Blei un pynkut ïa ka jingshitom kaba la wanrah da ka Babilon.

ISAÏAH 47:5

U Trai u ong ïa ka Babilon, “To shong ha ka jingjar jar bad ha ka jingdum; kin ym khot shuh ïa pha ka syiem jong ki jaitbynriew!

ISAÏAH 49:26

Ngan pynlong ïa kiba banbeiñ ïa pha ban ïa-pynïap para ma ki; kin shu buaid ha kaba pynïap briew bad ha ka jingbitar. Nangta u bynriew baroh un tip ba nga long U Trai, uta uba pynim ïa pha bad uba pyllaitluid ïa pha. Kin tip ba nga long U Blei bakhlaiñbor jong ki Israel.”

ISAÏAH 51:13

Hato phi la klet ïa U Trai uba la thaw ïa phi, uba pynïar ïa ki bneng bad uba pynïeng ïa ki nongrim ka pyrthei? Balei phi im ha ka jingïai-sheptieng ïa ka jingbitar shla jong kito kiba banbeiñ ïa phi, jong kito kiba long ba la kloi ban pynjot ïa phi? Ka jingbitar shla jong ki kam lah shuh da lei lei ban ktah ïa phi.

ISAÏAH 51:23

Ngan ai ïa ka ha kito kiba banbeiñ ïa phi, ïa kito kiba la pynlong ïa phi ban thiah ha ki surok bah bad ïuhroit halor jong phi kum ka jakhlia.”

ISAÏAH 54:14

Ka jingbishar hok bad ka hok tynrai kin pynkhlaiñ ïa pha. Phan lait na ka jingshah banbeiñ bad ka jingtriem.

ISAÏAH 9:4

Namar me la pynkheiñ ïa ka lyngkor kaba la bankhia ïa ki bad ïa u dieng sympat uba la shoh ïa ki tyrpeng jong ki. Me la jop ïa ka jaitbynriew kaba la banbeiñ bad pyntrei shitom ïa ki briew jong me kumba me la jop ïa ka kynhun shipai jong ki Midian slem bah mynshuwa.

JEREMAÏAH 24:9

Ngan sa pynngat ha ki ka jinglanot ha kaba ki jaitbynriew ka pyrthei baroh kin da sngewshyrkhei, ki briew kin rkhiebeiñ ïa ki; kin ïakren kai ïa ki, kin ïakynshi ïa ki, bad kin pyndonkam ïa ka kyrteng jong ki kum ka jingtim kylleng kat shaba nga pynsakma ïa ki.

JEREMAÏAH 48:17

“To ïambriew na ka bynta kata ka hima, phi kiba shong marjan, phi baroh kiba tip ïa ka jingpawnam jong ka. To ong, ‘Ka jingsynshar bakhrawbor jong ka la pyndkut; ka burom bad ka bor jong ka kam don shuh.’

SNGEWSYNEI 4:1

Ka ksiar baphyrnai jong ngi ka la jngut; ki maw jong ka Templ ki don ha ka jingsaphred ha ki lynti bah.

ESEKIEL 5:15

“Haba nga la bitar shla ïa pha bad pynshitom ïa pha, baroh ki jaitbynriew sawdong jong pha kin sngewshyrkhei. Kin peit ïa pha da jingisih bad kin rkhiebeiñ ïa pha.

DANIEL 2:38

U la pynlong ïa phi u nongsynshar ïa baroh ka pyrthei bashongbriew bad u nongsynshar ïa baroh ki mrad bad ki sim. Phi long ka khlieh kaba da ka ksiar.

HABAKKUK 2:17

Phi la pynduh ïa ki khlaw ka Lebanon; mynta yn pyndkut ïa phi. Phi la pynïap ïa ki mrad ha ka; mynta ki mrad kin pyntriem ïa phi. Kane kan jia namar ki kam pynïap ba phi la leh bad namar ki kam leh jubor pyrshah ïa ki briew jong ka pyrthei bad ki nongbah jong ka.

JINGPYNPAW 17:6

Bad nga la ïohi ïa kata ka briew ba ka la buaid da ka snam jong ki briew jong U Blei, bad da ka snam jong kito kiba la shah pynïap namar ba ki la ïaineh skhem ha U Jisu. Haba nga la ïohi ïa ka, nga la sngewkyndit shikatdei eh.

JINGPYNPAW 18:16

“Katno kaba ishyrkhei! Katno kaba itriem ïa ka nongbah kaba khraw! Ka la ju riam ïa lade da ki jaiñ linen, kiba sawbthuh, bad kiba saw hain hain, bad ka kup ïa lade da ki jingdeng ksiar, ki mawkordor, bad ki paila!

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!